CHERRY'S POV
AFTER FIVE YEARS
Nagmamadali akong umalis dito sa shop dahil pinapatawag na naman ako ng teacher ng anak ko. Nakipag-away ang lalaki kong anak. Kindergarten siya at talagang palagi na lang akong pinapa-tawag ni teacher.
“Maaga ka na lang magsara mamaya,” sabi ko sa staff ko.
Dahil sa pagmamadali ko ay nakalimutan ko ng magpaalam sa kanila. Kaya tumawag na lang ako sa kanila. Nagmaneho na ako papunta sa school ng mga anak ko. Nang makarating na ako ay huminga muna ako ng malalim bago ako pumasok sa loob ng guidance. Pangatlong beses ko na ito ngayong buwan.
Kaagad akong niyakap ng anak ko. Samantalang masamang tingin ang ipinukol sa akin ng ginang.
"Kaya ganyan ang ugali ng anak mo dahil hindi mo pinapalaki ng maayos. Kinukunsinti mo pa," biglang sabi sa akin ng nanay n
