CHERRY’S POV
Nagtago kami ni Manang sa safe room. Sa totoo lang ay ngayon ko lang talaga nalaman na may safe room pala dito sa bahay. Hindi ko alam kung ano ang nangyayari sa labas pero umaasa ako na walang mangyaring masama sa asawa ko. Hindi ko kakayanin kung napahamak na naman siya at dahil na naman sa akin. Alam ko na uuwi na siya agad dito. Napahawak ako kay manang dahil biglang bumukas ang pintuan.
“Love,” narinig ko na tawag sa akin ni Rico.
Mabilis akong tumayo at sinalubong ko siya. Kaagad ko siyang niyakap.
“Okay lang ba kayo? Okay ka lang ba, love?” Tanong niya sa akin.
“Okay lang ako, nasaktan ka ba?” Nag-aalala na tanong ko sa kanya.
“Hindi ako nasaktan, love. Pagdating ko ay wala na sila. Mabuti naman at walang nangyari sa inyo. May kasama akong mga pulis para mag-im
