Hindi ko akalaing masusundan pa ang pag-uusap namin ni Herrick nang makapagsimula akong magtrabaho sa lending company na aking in-apply-an. Nagkataon kasi na magka-department kaming dalawa dahil sa accounting din pala ang skills niya. So far, ay maayos at sapat naman ang bigayan ng suweldo kaya tinanggap ko rin ang offer ng kompanya. Hindi nga lang madali ang pakikisama sa mga bagong tao na makasasalamuha ko sa trabaho. Hindi naman kasi talaga ako friendly.
"Mukhang seryoso ka riyan, ah?" Napalingon ako sa boses na iyon at napabungisngis pa siya nang makitang hindi pa rin nagbago ang ekspresyon ng mukha ko.
"Ano ba'ng problema mo, Herrick? Doon ka na nga sa table mo," mataray kong sabi subalit mukhang useless ang pagtataray ko dahil hindi pa rin siya umalis sa harapan ng cubicle ko.
"Ms
