Jiezel
Sa isang mahabang eskinita ay aking sinuyod ang daan kung saan nais kong makita si Adam. Wala akong ideya kung saan siya nagpupunta pero malakas ang kutob ko na may nililihim na naman siya.
Lakad marino akong naglakad sa eskinitang iyon, kakatwang isipin dahil bago sa aking mga mata ang nakikita. Laking pasasalamat ko na lamang at sinabi sa akin ni Celeb ang dahilan kung bakit madalas umaalis si Adam gayong dalawang linggo na nga ang nakalilipas magmula nang magkatampuhan kami. At sa dalawang linggo ring iyon ay nakahanap ako ng mag-aalaga kay Damzel kapag wala ako, lalo na't malapit na akong bumalik sa pagtuturo.
Nakita ko ang isang bahay na itinuro ni Celeb, sa pakiwari ko ay saktong-sakto iyon sa paglalarawan niya-- may dalawang palapag ang bahay at binabalutan ng kulay berde
