Chapter 49
Rico
Akala ko handa na akong harapin si Alena, subalit hindi ko inaasahan ang bigla naming pagkikita. Akala ko kung sinong customer lang ang kausap ni Sally, nang lumingon ito biglang tumalon ang puso ko na hindi ko maintindihan.
Hindi ko iniisip na si Alena iyon. Iba pa rin pala kapag sa malapitan ko siya nakikita. Kaysa una ko siyang nakita sa airport na malayo ako sa kaniya. Subalit kanina magkaharap kaming dalawa.
Ang laki ng ipinagbago niya. Kulay blond na ang buhok niya at tuwid na. Hindi katulad noon na buhaghag. Ang kinis na ng balat niya at lalo pa siyang gumanda.
Subalit lalong nagtagisan ang mga ngipin ko nang sabihin niya sa akin na hindi niya ako kilala. Lumambot na sana ang puso ko nang makita siya, subalit lalo akong nainis sa kaniya nang sabihin niya na
