Nasa loob na ng sasakyan ni Dino sina Grace nang hawakan ng isang kamay nito ang kaniyang kamay, habang ang isa ay humaplos sa kaniyang pisngi. Agad na gumapang ang kilabot sa buo niyang katawan dahil sa ginawang iyon ni Dino. Hindi niya maunawaan ang kaniyang sarili, pero parang bigla siyang hindi naging kumportable sa ginawang paghaplos ng kaniyang kasintahan.
“Ahm, Bheb, saan tayo pupunta?” lakas loob niyang tanong sa binata upang sana mabaling sa iba ang atensiyan nito.
“Dito muna tayo. I miss you,” paanas na sambit nito sa kaniya, saka siya nito kinabig sa kaniyang batok at siilin ng halik ang kaniyang mga labi.
Nabibigla naman siyang inilagay sa ibabaw ng dibdib ni Dino ang kaniyang mga palad at pilit na binibigyan ng distansiya ang mga katawan nila. Mapusok at mariin ang halik n
