#TMNFABKabanata36
Mag-ingat
MARIA
Higit walong bilyon ang populasyon sa buong mundo. Lampas isandaan namang milyon sa Pilipinas.
Malaki ang mundo. Malayo ang Dabliston sa lugar na kinaroroonan ko.
Pero tunay nga talaga siguro ang sinasabi ng iba. Minsan lumiliit na lang bigla ang mundo mo at ang mga taong nakakasalamuha mo. Iyong mga taong hindi mo inaasahang makikita ay bigla na lang susulpot sa harap mo.
Iyon ang tumatakbo sa isipan ko kanina dahil wala talaga sa hinagap kong makikita ko sila Sister Joy at Magdalene dito sa pinuntahan namin ni Perseus.
“Hindi ba siya mabigat?”
Napatingin ako kay Perseus mula sa pakikipaglaro kay baby Declan at nakangiting umiling. Medyo may kabigatan nga si Declan kahit isang taong gulang pa lang siya pero naaaliw akong hawak siya.
“Bablah ba
