جميله حد الف*نه

البارت التاسع

الفصل التاسع

أنا بكرهَكْ

- بعشقك يخربيت جمال أمِك.

- مش بطيقك.

- بموت فيكِ.

زعقت - مااااااااالك.

بحب - قلبه.

- ركز معايا كدا.

اتعدل وساب الفون وبصلي - اركز اكتر من كدا !

بصيت بعيد عنه عشان لو بصيت في عينه هضعف يخربيتي...

- طلقني.

مسك الفون تاني - تاني يا ملوكتي .. تاني.

- انت سمعت انا قولت اي يابني آدم أنت.

ابتسم بغباء : اه سمعت ومش هطلقك.

- يعني اي مش هتطلقني.

- يعني مش هطلقك اي مبقتيش تفهمي يا لوكا !

- هخلعك.

- مش هتخطي باب البيت.

- هصوت والم عليك الناس هنا.

بتحدي - ابقي اعمليها يا ملوكة.

رديت عليها بتحدي اكبر - هعملها يا مالك.

زقني من على الكنبة - قومي كدا يبت انتي يخربيت فصلانك.

اخد الفون ومفتاح البيت الاحتياطي ومفتاح عربيته ونزل من البيت زعلان ومتعصب، انا بحبه، وجدًا، وهو بيحبني، جدًا، بس في فوسط كل الحب دا عقبة، شغله، ايوا شغله.

بيشتغل ضابط وبحكم شغله لازم يكون ذكي مع المجرم عشان يعرف يقبض عليه، اخر مهمة طلعها كانت مع بنت ورغم إنه كان ممكن حد من الفرقة معاه يستلم القضية الا انه أصر هو يمسكها تحت مسمى "لازم يكون قد المهمة اللي اتكلف بيها".

بقا كل يوم يخرج معاها، ياخد منها معلومات وفي نفس الوقت بيغريها عشان يعرف يقبض عليها ! انا فين ! انا أنثى، أنثى بتغير، بس هو مقدرش دا، كل يوم خروج خروج خروج.

بيرجع بعد نص الليل ينام، يصحى يروح ليها !

خلصت مهمته من اسبوع وكان نفس اليوم اللي قررت فيه أنهى كل دا واخلص نفسي من وجع إن جوزي مع واحدة تانية، واني اطلق.

برغم ان كل لقائتهم في مكان عام زي المطعم الا اني رافضة المبدأ لانه وبكل بساطة كان ممكن يرفض !

في محاولة من اسبوع انه يطلقني الا انه رافض، دايمًا بيقعد مع نفسه يدور على فكرة يصالحني بيها وفي كل مرة بصده وارفض.

قومت لميت شوية من هدومي وحطيتهم في شنطة سفر صغيرة وبعتله ماسج "انا عند ماما"، كنت عارفة انه مش هيشوف الرسالة غير لما يجي فانتهزت الفرصة ونزلت علطول روحت البيت.

وصل البيت بعد 3 ساعات من بعد ما مشيت، قعد في الانتريه على اعتقاد إني جوة، بيفكر ازاي يصالحني زي كل يوم في الأسبوع اللي فاتوا.

قام دخل الأوضة اتفاجئ بيها فاضية، دور عليا في كل البيت، ولما اكتشف اني مش موجودة طلع تلفونه عشان يرن عليا واتفاجئ بالماسج بتاعتي.

راح ناحية الدولاب وهو بيرن عليا واتفاجئ لتاني مرة بالدولاب نص هدومي ناقصة.

رديت عليه - ألو.

بعصبية - أنتِ فين.

بهدوء - عند ماما واظن اني بعتلك ماسج.

- ايوة يا ظريفة شفتها، دانتي يومك اسود، اصبري بس عليا.

مسك الفون عشان يقفل بس رجعه تاني بسرعة - القميص الأ**د فين.

- تحت الأبيض في الرف التاني.

ابتسم - سلام.

قفلت في وشه وهو بص للفون بصدمة - شوف البت !

وصل تحت البيت وطلع، ماما عرفته اني في اوضتي استأذنها ودخل، كنت ماسكة الفون لأني متأكدة انه جاي.

وقف فوق راسي وشاور على الباب : يلا عشان نمشي.

رفعت راسي - مش ماشية في حتة يا مالك.

- طب اخلصي يلا.

مددت رجلي ع السرير وانا بلعب في الفون - مع نفسك.

زعق - اخلصي يا روح النونا.

زعقت - مش هخلص واطلع يلا.

قعد قصادي - طب فكري.

- فكرت وعايزة اطلق.

- لا مش بقولك فكري في الطلاق لاني كدا كدا مش هطلق.

بتحدي - هتطلق.

- مش هطلق يا فاشلة.

دمعت - عايز اي يا مالك.

مسك ايدي - اسف.

شديت ايدي - مفيش كدا، انت طلعت معاها، ضحكت وهزرت معاها، اكلت معاها، سلمت عليها، عملت اي تاني يترا.

- مش مهم كل دا، المهم انا بحب مين.

شاور على قلبه - ودا فيه مين.

بيحاول يثبتني ابن الايه وانا على تكة، بس لا

- دا لو كنت انا فيه كنت وافقت على قراري بإنك ما تستلمش المهمة دي.

- يا ملك دا شغلي.

زعقت - وانت جوزي..

اخدت نفس وقلت - لو سمحت سبني واطلع.

قام وقف ومشى وانا مسحت عيني وعدت عليا ذكرى لقبه ليا "فاشلة" دا في أول لقاء لينا، كان ملازم أول متخرج جديد، فرحان ببدلته.

وانا طالبة جامعية في سنتها التانية من كلية تربية، بعدي الطريق وإشارة المرور حمرا لمحني وهو ماشي فوقف قدامي بعد ما عديت - انتي ازاي تعدي الطريق كدا.

- اسفه.

- انتِ مش شايفة اني ظابط وممكن اقبض عليكِ.

- لا شايفة.

- طب خودي بالك اني ظابط.

- اي يعم معرفنا أنت هتزلنا ولا اي.

بصلي بعصبية وانا رفعت الدريس وطلعت جري واخر حاجة سمعتها صوت زعيقه بيشتمني - فاشلة.

فوقت من سرحاني على رنة تلفوني كانت منة، اخته.

- الو

- اي اللي حصل يا ملك.

بتريقة - متسأليه هو.

- يستي انا بسألك انتى اهو.

حكتلها الموضوع باختصار...

- الحيوان.

- اديله يا منة.

- الكلب.

- ايوة بقا.

- الندل.

- اوعى.

- بس برضو دا شغله يا ملك.

- حيوانة.

قفلت معاها وسندت راسي لورا وانا بفتكر تاني لقاء...

- يا آنسة يا آنسة.

لفيت للي بينادي - نعم.

- انتي !

بستغراب - أنت تعرفني.

بتريقة - اي يعم معرفنا أنت هتزلنا ولا اي.

بتوتر - ههه عامل اي يا حضرة الظابط.

- كويس....

سكت لحظة وكمل باستفزاز - يا فاشلة.

ابتسمت غصب عني مكنش ينفع أرد عليه لأنه ظابط - حضرتك بتنادي عليا لي.

مد ايده 2 جنيه - دول وقعوا منك.

شدتهم منه بقوة - شكرًا.

فوقت على صوت ماما بتعرفني إنه مشى وهي بتقولي بهزار - دانتي خسارة فيكي ال100 بقرة.

ابتسمت، افتكرت يوم ما ايجا يتقدملي.

كان قاعد مع بابا وانا واقفة ورا الستارة بسمع كلامهم، فضلوا يتكلموا كتير لحد ما قال وسط الكلام بهزار - جوزني بنتك واد*ك 100 بجرة.

دخلت الأوضة بسرعة وضحكت بصوت عالي على كلامه، وفي نفس الوقت ضحكت وانا بفتكر الموقف.

- ضحكت يعني اييييي، قلبها مااال.

اتخضيت لما لقيته قاعد جنبي، مخدتش بالي وهو داخل.

بعصبيه - انت لسة هنا.

- خلاص بقا دانتي رخمة، بعدين في حاجة.

بصتله وكمل - انا مكنتش بقا**ها لوحدي، وائل صحابي كان بيبقى معايا.

زعقت - بالصلاة على النبي هو كمان بي**ن مراته.

حط ايده على بُقي - يا بجرة انتي افهمي، انا وهو وهدير مراته، مهي مكنتش تعرف اني متجوز فكانوا بيجوا معايا ع اساس ان هدير صاحبة وائل مش مراته.

- مـ، مقولتش لي.

- انتي كنتي عاتية لأهلي فرصة اصلًا.

- انت بتتلكك.

- يا شيخة فين التلكيك، دانتي اللي بتتلككي، يلا قومي.

- اقوم فين !

- هنروح.

- لا انا عايزة اقعـ...

قطع كلامي وهو بيجرني وراه زي المعزة - بلاش لكْ كتير، حماتيييييي انا خدت بنتك.

شديت ايدي من ايده - مالك.

- عيونه.

ثبتني، ثبتني تاني، مديت ايدي وقولت بغباء - لا مفيش، كمل.

مسك ايدي، نزلنا وركبنا العربية وقبل ما يسوق - مفيش شغل مع حريم تاني.

ابتسم - مفيش شغل مع حريم تاني.

- وعد !

مسك ايدي وضغط عليها - وعد.

" انا وانت حكاية ناس مقسمين الحياة مع بعض ❤️?".والحُبّ كفاحٌ ووِدَّاد وألفُ مُشكلةٍ وثبات. ?_يعني ايه مش فاهم !

_يعني يا رحيم لازم نطلق .. ايه مش مفهوم في كلامي؟

_انتِ اتهبلتي في مُخك ولا إيه ؟ ليه إن شاء الله نطلق ؟

_بسخريه _ لا مفيش خالص .. مامتك بس ض*بتني بالقلم وانا معملتهاش حاجة ! وأظن انتَ شوفت بعينك يعني انا مش بكدب .

_ببرود_وفيها ايه ؟ امي وتض*بك براحتها.. اعتبريها امك ياحبيبتي ونخلص..

_بعصبيه _ لا انا أمي الله يرحمها عُمرها ماض*بتني وانا مش هعتبرها مامتي اصلاً..

_بزهق_وبعدين يانور يعني ؟ عايزه ايه بعد الهري ده كله؟

_بقوه_عايزه اطلق قُلت .. مش هقدر استحمل كل ده أنا ..

_بلا مبالاه _ عايزه تطلقي؟ يبقى تتنازلي عن جميع حقوقك بالكامل يا نور..وده اللي عندي ومش هغير كلامي .. لو مش عاوزه يبقى تقعدي زي ما انتي وبلاش كلام كتير ..

[بصتله بصدمه .. ازاي ازاي يقول كده ؟ ده انا ام بنته ! للدرجه دي هُنت عليه ! ]

_بدموع محبوسه_تمام يارحيم تمام ، روز هتبقى معايا خليك عارف ..

_بسخريه_خليها معاكِ ياختي يعني هو انا عايزها اووي وماسك فيها بإيدي وسناني..خُديها ويلا من هنا ..

_طلقني ..

بجحود_انتِ طالق بالثلاثة يانور..

[سابني ومشىَ..سابني من غير ولا كلمة.. ٦ سنين مستحملاه هو ومامته بِ اهانه وكل ماتتخيلوه ، واقول هيتغير ومش بيتغير..استحملت عشان روز اللي عندها سنة وشهرين .. دي اللي كانت مخلياني مستحملاه وصابره..بس خلاص لغايت هنا وكفاية اووي .. ]

دخلت لميت هدومي وسمعت عياط روز من اوضتها..دخلتها بصتلها بِحزن على اللي لسه مشافتش دُنيا وامها اتطلقت..

بحنان_مالك ياروزي مالك ؟

بصتلها بطفوله ودموع _ ما..ما

بدموع وحنان _ ايه ياروح ماما انتِ ؟ ايه القمر ده بس ؟ ربنا يخليكي ليا ويحفظك ياعيون ماما .

بصتلها ومسكت صوُباعها بإيدها الصغيره وإبتسمت بطفوله..

_يلا بقى نلبس ونروح بيت تيتا ؟

بصتلها بعدم فهم بس ابتسمت ..

[لبسّتها الصغيره القمر دي ولبست انا وخرجت بس قبل ما اخرج بصيت لكل حتة في الشقة وبحاول افتكر ذكرى حلوه بس الذكريات الوحشه كلها كانت محفوره في دماغي مش عارفه افتكر اي حلو حرفياً..

نزلت ولقيت مامته بتبصلي بشماته.. اه نسيت اقولكم اصلي ساكنة في بيت عيله ..]

بضحكه مستفزه_طلقك ؟ يافرحة قلبي .. اخيراً هيتجوز بنت اختي.. يوه نسيت نسيت اقولك .. اصله بنفسه قالي هتجوزها ياماما.. يلا ربنا يعوض عليكي يا حبيبتي..

بقوه مُزيفة:امم ربنا يجمعهم في خير وربنا يكون في عونها يا حبيبتي هتاخد راجل بسم الله ماشاء الله مفيش منه .. مفيش منه في ال.. ولا بلاش اقول استغفر الله العظيم.. هاخد ذنوب على الفاضي بس احب اقولك انها اه اللي في دماغك.. وعايزه اقولك ان كل اللي في دماغك لحياته مش هيتم عشان ربنا مش بيرضى بالظُلم يا.. طنط.. مع السلامه.

بصتلها بحقد ولسه هترد بس نور شاورت بإستفزاز بإنها تسكت ومشيت بإنتصار..

بحقد_ماشي ياضلمه انتِ .. المُهم اني خلصت منك ..

[دخلت شقة ماما وبابا الله يرحمهم وابتسمت لما لقتها نضيفه لاني كُنت بروح كل شويه انضفها واهويها عشان ريحتها تفضل حلوه .. بصيت لِ روز النايمة بسكينه وبوستها في خدها ودخلت بيها اوضتي وحطتها تنام .. غيّرت هدومي وقعدت جنبها بإرتياح وانا واثقة اني عملت الصح.. نمت ، نمت حتى بهدومي من كُتر تعبِ ..]

ماما .. بابا !!

حبيبت قلبهم انتِ ..

انتوا وحشتوني اووي ..

انتِ وحشتينا اكتر بكتير .. بس اطمني احنا معاكي ومش هنسيبك خالص.. خلي بالك من روزتنا القمر وربّيها حلو زي ماربنّاكي ياحياتي ها ؟ واطمني انتِ عملتي الصح ياعيون ماما وبابا ..

ايه ده ؟ ايه الصوت ده !!

صحيت على رنة تليفوني.. استوعبت اللي حواليا وبصيت لِ تليفوني لقيتها رقم اورنج المُستفز..حطيت التليفون مكانه وبصيت لِ روز اللي كانت حاطة ايديها على بطني ونايمه .. إبتسمت بحنان : واللهِ هعيش ليكي انتِ وبس ياعيون ماما وهربيكي احسن تربية وهطلعك نضيفة من جوا لغايت ما اطمن عليكي ..

[رجعت شُغلي من تاني اللي كُنت سايباه بسبب رحيم ومامته المُتحكمين.. عيشت لِ روز اللي كانت بتكبر كل يوم قدامي وانا مبسوطه بيها ..]

_خلي بالك منها ياسُفيان .. مش هوصيك عليها دي نور عيني .. لو زعلتها صدقني هزعل اكتر .

بإبتسامه _متقلقيش ياحماتي القمر انتِ دي في عيني واللهِ ..

بدموع وحنان _ كبرتِ ياروزتي.. ربنا يحفظك من كل شر ياعيون ماما .. لو خلفتي بنت سميها نور ها ؟

بضحك ودموع_واللهِ لو ولد هسميه نور بردو .. انتِ دنيتي يانوري..

_ابتسمت ليها بحنان .. روّحت بيتي وانا بدّمع لأنها مش فيه .. واخيراً اتكلمت:

أشهد أن لا إله إلا الله وأشهد أن محمد رسول الله ..

_وحشتيني ياماما..وحشتني يا بابا ..

_انتِ اكتر ياحبيبت قلبهم .