البارت الثامن
2124 Words
الفصل الثامن
اتن*دت ورفعت رأسي من علي كتفه "مش هتمل......أو مملتش من دوشتي "
رجع راسي علي كتفه تاني وقال ...
"عارفه يا نور ....حياتي قبل ما اشوفك كانت صحرا .....كانت ارض بور ،
بس لما شوفتك وكأن الربيع حل علي قلبي "
-شبكت صوابعي في أيده وشديت عليها جامد ...ما هو ال عنده حد زي احمد بيبقي عايز يشيله جوه قلبه مش بس عنيه ....ولو اطول اخفيه عن الناس هخفيه ....مش مبالغه
بس انا حد بحب الحنيه ..بحب الناس ال كل البتملكه هو قلبها الطيب وروحها الحلوه ?
&&&&&&&&&
نور ..يانور ....يابنتي اصحي بقي هتأخر علي الشغل
-نور / في إي يا احمد ......إي الحصل
احمد / مش لاقي فردة الشراب يا نور .....?
نور / احمد انت بتتكلم بجد مصحيني من بدري علشان فردة الشراب ?
-احمد / يا نور قومي بقي وبعدين **** اهو تميم صحي
قومي يلا
-نور / مين قال إنه حنين .......ده شرير ....شرير ولا مش شرير ....هااااا ??.
:
:
-نور / في نفس المكان يا احمد .....في نفس المكان ....اهي يا حبيبي ....اتفضل لا زم اقوم اجبها بنفسي يعني ?
"أخدها من إيدي وباس رأسي وقال ......
-احمد / تسلميلي يا اجمل مامي ?
ابتسمت_ ....بكاش من يومك ....بس لأجل عيونك اعديها المره دي ?
-احمد / تسلم يا كبير ......يلا السلام عليكم
&&&&&&&&&
في بيت ام نور :
-الام / حمد لله على السلامه يا خالد
-خالد / الله يسلمك يا خالتي....امااااال فين نوري
-الام / نور كبرت وبقت ام وعندها ولد كمان اعبالك بقي دا انت مغلبنا معاك انا ومامتك
-خالد بزهول "نور العيله بقت ام "
ومحدش يقولي يا خالتي ....؟! بس لما اشوفها الجزمه دي .
" الجرس بيرن"
-الام / يا روحي تيمو ....تعالي يا حببتي ...ادخلي وهاتي تميم
" دخلت وگ العاده رفعت النقاب علي طول ما هو بيت اهلي ومفيش حد فيه غير ماما واخواتي الشباب ......سمعت صوت حد غريب واضح أنه كان بيتكلم في الفون كان شاب وكان مديني ضهره ....لحقت نفسي ونزلت النقاب وداريت ايدي ورا ضهري لأني كنت خلعت الجوانتي "
-الام / ادخلي يا نور .....دا خالد ابن خالتك
-نور / خالد ......خالد مين ......ثواني هي تقصد أبيه خالد!
_خالد / لفيت للصوت ....لقيت واحده لبسه نقاب ولبس فضفاض وخالتي شايله طفل علي ايديها
- طب يا خالتي امشي انا واسيبك مع ضيوفك
-نور / ضحكت ......ازي حضرتك يا أبيه
-خالد / أبيه ! .........نور ?........نوري عامله ايه
-نور/ قاعدت جمب ماما ...- الحمدلله وانت ايه اخبارك
ورجعت امتي من السفر.
-خالد / لسا امبارح وجيت اشوفكم النهاردة ...بس ايه الانتي عاملاه في نفسك ده .
-نور / عامله ايه .....
-خالد / انتي يا نور ......تلبسي النقاب !
-نور / " حسيت أنه بيتريق ......أبيه خالد ابن خالتي اكبر مني بعشر سنين ....كنت بعتبره صديقي الوحيد غاوي سفر من يومه ومبيحبش يستقر في مكان من قبل سفرو وخالتي بتزن عليه علشان يتجوز ويبني أسرة وبيت
بس هو رافض المبدأ اصلا .....كان دايما يشجعني إني اتعلم ومحطش فكرة الجواز في دماغي نهائي و اعمل زيه واعيش حياتي....لحد ما جه احمد وتفكيري اتغير للاحسن ??
"كنت سرحانه انتبهت علي كلمته "
-خالد / مش شبهك خالص يانور
-نور / عندك حق ....تميم كله احمد ?
-خالد / بس لو كان شبهك كان هيبقي اجمل
-نور / بالع** دا يا هناه لو أخد طيبة قلب احمد أو حتي جمال روحه
"بصيت لماما وقولت "
-نور / ماما خلي تميم معاكي هنزل اشتري شويه حاجات وارجع اخده علشان الحق اعمل الاكل قبل ما احمد يرجع
-الام / طب ما تخليه يجي ياكل معانا بما إن خالد هنا وبالمرة يتعرفوا علي بعض
" مكنتش حبه الفكرة خالص قلبي بيقولي في حاجه هتحصل خصوصا إني عارفه أبيه خالد بس ماما أصرت "
-نور / السلام عليكم
-احمد / وعليكم السلام ورحمه الله وبركاته
-نور / إبسط يا سيدي حماتك عزماك النهاردة وكمان عايزاك تيجي علشان تتعرف علي أبيه خالد ابن خالتي
-احمد / يا سلام عيوني لحماتي.......هخرج بدري النهاردة
واجي علي هناك
-نور / تمام يلا السلام عليكم
-احمد / وعليكم السلام يا قمر ??
-نور / " ضحكت .....اتن*دت واتمنيت يعدي اليوم علي خير "
&&&&&&&&&&
"الجرس بيرن "
-احمد / السلام عليكم ورحمه الله وبركاته
-خالد / وعليكم السلام حضرتك مين
-احمد / بأستغراب - والله المفروض انا ال أسأل بس علي العموم انا احمد جوز بنت عم محمود
-خالد / أه انت بقي جوز نوري ....تمام
انا ابقي خالد ابن خالت نور .......وصديقها الوحيد ☺️
-احمد / تشرفت بيك ?
احمد " نورك .....وصديقها الوحيد ?"
"علي الاكل "
الام / هاتي يا نور تميم وكلي انتي
نور / لاء يا ماما كلو انتوا وانا هدخل اأكل تميم
خالد / والله بقيتي ام يا نوري وبتتحملي المسؤوليه
الام / خلاص بقي كبرت يا خالد وبقت اجمل ام....بس والله ....ربنا يكون في عون احمد علي نور وابنها دول مطلعين عنيه ?❤️
_ احمد ....احمد يا حبيبي انت مبتكلش ليه ...؟
احمد / لا يا ماما باكل اهو بس انا مش قادر خلاص بطني اتملت تسلم ايدك يا ست الكل ....هقوم اغسل إيدي
"عند نور في الاوضه .....الباب اتفتح "
نور / قومت ليه ومكملتش اكلك
احمد /" حط راسه علي رجليها ونام "
شبعت
نور - هنيم تميم ونمشي شكلك تعبان
احمد / ماشي
&&&&&&&&&&&&&
"بعد يومين ......
الجرس بيرن"
الام / عامله ايه يا حببتي
نور / الحمدلله يا ماما اتفضلي
_ عامله ايه يا نوري
_ خالد ..!
نور / الحمدلله اتفضل
" حركاته وكلامه مبقتش عجباني وحسا بأن نزوله الاجازة دي هيجيب مشاكل وخلاص ....يارب سلم "
خالد / اممم.....البيت مش قد كده ....قاعده فيه أزاي ده !
الام / معندكش حق يا خالد البيت جميل ....دا حتي كله زوق نور
خالد / امم خلاص يبقي زي العسل ☺️
"الجرس بيرن "
خالد راح يفتح الباب
احمد / السلام عليكم
خالد ببرود - وعليكم السلام
احمد / وأنا أقول إيه النور ده أتاري ماما عندنا
عامله ايه يا حببتي " باس إيديها "
الام / الحمدلله يا حبيبي انت عامل إيه والبت نور دي بتزعلك ولا حاجه
أحمد/ هههههه ....والله يا ماما نور دي كمان شويه هتوديني السرايه الصفرا ???
_ مش تحمد ربنا أنها وافقت عليك اصلا
أحمد / نعم ?
الام / خالد بيهزر يا احمد ......ادخل غير وتعالي اقعد معانا
:عند نور في المطبخ
- " والعنكبوت النونو النونو...... خ*فت قلبه عنكبوته "
احمد / يا خلاثي علي العنكبوته القمر ال خ*فت قلبي
نور /...... .....يا احمد بقي حرام عليك خرعتني
احمد / إني اسف ....بتعملي إيه
نور / بعمل عصير وهطلع وانت يلا اطلع اقعد معاهم
:_______
:_______
خالد / بس انتي اتجوزتي امتي يا نور
نور /....."لسا هترد احمد رد "
احمد /اتجوزنا من سنتين
خالد / وطبعا قاعدتي من دراستك
احمد / " لقيته حاوط كتفي بدراعه وقال "
_لاء طبعا نور بتكمل دراستها بس مأجله السنه دي علشان تيمو ❤️
نور _ " حسيت إن خالد إضايق وكأنه كان عايز يعمل مشاكل او يضايق احمد "
&&&&&&&&&&&&
احمد / ازيك يا ماما .....ممكن تناديلي نور
خالد / لاء طبعا طالما مش قادر تسعدها يبقي تسيبها واحنا نشيلها في عنينه
احمد / كتم غيظه ...-
ماما لو سمحتي عايز اقعد مع نور
ماما / معلش يا احمد سيبها النهاردة تبات عندي
احمد / يا ماما مش هقدر امشي من غيرها ?
انا عارف إني عصبي وده عيب عندي بس ربنا يعلم إني الفترة دي مضغوط اد ايه في الشغل ....غصب عني طلعت عصبيتي عليها
_ بس انا عايزة اقعد عند ماما يومين
احمد / نور ......نور انتي عارفه إني مش هقدر اعيش من غيرك انتي وتميم يوم واحد ??
نور / احمد ارجوك .....انا مش قادرة اتناقش
" دخلت اوضتها وقفلت الباب "
احمد / تمام .....براحتها
" سكع الباب ومشي "
:_________:
في الخلفيه
" أنا بعدك عرفت إني مليش بعدك " - عمرو حسن
احمد /" كان واقف في البلكونه بيفتكر سهرهم مع بعض .....اتن*د ودخل ينام "
:
" العصبيه طبع صعب ف بالتالي صعب علي الشخص أنه يغيره ...بس احيانا بتضيع عشرة سنين وحب كان مبني علي أساس متين، بس مع الوقت حصلت تراكمات جوه شخص بيتحمل كل ال الطرف العصبي بيعمله ويتجاوز عنه علشان العلاقه تدوم والمركب تمشي، ولما يفيض بيه الشخص ده هيمشي بدون مقدمات ومش هيبص وراه، لانه حاول يتعامل مع التراكمات دي ومعرفش يتغلب عليها ف هزمته ...حتي لو العصبيه طبع ...حاولوا تتحكموا ف ال بيتنج من العصبيه دي ...مبتكلمش بشكل عام ...انا بتكلم عن العصبيه ال بتخلي الشخص يخسر ال حاوليه بسببها?"
&&&&&&
_ صباح الخير ??
- " كان نايم وساند رأسه علي أيده وبيتأمل فيا "
أنت جيت هنا أمتي .....؟
_ نام علي أيده وبص للسقف ...- في واحده تقول لجوزها حبيبها كده علي الصبح ...بدل ما تقوليلي صباح الورد والفل والياسمين ?.
_ اتكلمت بغضب طفيف - أحمد أنا محتاجه وقت أفكر واعصابي تهدأ .
- بصلي وقال - ومالو يا حبيبي خدي وقتك لحد ما تزهقي ولما تفكري براحتك نبقي نرجع شقتنا تاني .
_ قومت وقفت علي السرير - وطالما حضرتك موافق إي الجابك بقي ...جاي تضغط عليا علشان ارجع معاك وتراضيني بكلمتين زي العيله الصغيرة ....لاء طبعا أنا بيت والدي مفتوح ليا دايما لحد ما تحاول تتحكم في عصبيتك دي .
_ كنت وأقفه ومربعه إيدي وبصه الناحيه التانيه .
- بصلي بحزن ومشي ....... - هو راح فين ...؟!
الغ*ي .....هو صدق .....انا بقول اي كلام ،
طب حد يناديه طب ??.
:________:
" كل يوم يجي يشوف تميم وانا نايمه ويمشي ،بيمشي من غير ما يشوفني ..،طول الفترة دي محاولش يقولي أرجعي ...لحد ما قررت أنا ال أرجع بيتي ....انا ال كبرت الموضوع ...مكنش مستاهل كل الزعل ده ....يمكن غلط لما سلمت وداني ل خالد ...وهو رجع يبخ السم تاني زي زمان "
_ رجعت البيت كان مترتب زي ما سبته ...أحمد بطبعه منظم هو بس بيبقي عامل زي الطفل ال مضيع حاجاته مع أنه هو ال حاطها ب إيده....بس بينسي ويفضل يقولي فين الساعه يا نور ...الورق كان علي المكتب راح فين ....ال هو اصلا ماسكه ف إيده ......بحسه زي تميم بالظبط محتاجني ف كل دقيقه ......يا تري اليومين ال فاتوا كان عامل اي ....؟
_ مكملتش تفكير ولقيت الباب اتفتح .
- ابتسم ...وابتسمته ردت روحي .. - حبيب قلب بابا نور البيت .
_ أخد تميم ودخل جوه واتخطاني وگ اني مش موجوده ...معلش لي حق يزعل مني ...بس انا مش هسيبه غير لما أصالحه .
"دخلت الاوضه "
_ أحم .....يعني تميم بس ال وحشك ...وانا لاء .
:كان بيغير وتميم نايم علي السرير ....سحبت من إيده التيشيرت .....- لاء ألبس التاني لأن ده مش مريح للبيت .
_ أخده من إيدي - لاء انا نازل .
_ بصيت لي بزعل - أنت لسه جاي واكيد تعبان ...انا هعمل أكل ونتغدي سوا .
_ كان بيتجنب أنه يبص في عيني - لاء بالهنا والشفا ...انا مش جعان.
:
:
"عدت ايام والنظام كما هو عليه ..ينزل الشغل ويجي يلعب مع تميم وينام وهكذا ....?"
؛ الباب اتفتح.
_ السلام عليكم.
_ وعليكم السلام ورحمه الله وبركاته...
" رديت السلام وانا بكمل قراءه ف المصحف ال قدامي ..أحيانا بنبقي محتاجين هدوء وعزله لوقت معين انا بقي قررت أديلوا كل ال حريه أنه يزعل لحد ما يصفا ويرجع زي الاول ...مش دايما الزن والغلاسه حل ...يمكن هو محتاج يفكر بهدوء علشان يعرف إن الغلط مننا إحنا الاتنين "
عدا اليوم وجه ليله......
دخلت البلكونه لقيته ساند رأسه لورا علي الكرسي ...قدامه كباية سحلب ....أه بيتشرب في الشتا بس الاخ ده بيشربوا في جميع فصول السنه ...
"لسا هرجع ف نده عليا "
_ هتهربي گ العاده ..
"كان بيتكلم وهو متحركش سنتي من مكانه "
_ أتن*دت وقولت وانا مدياه ضهري ..- محتاج حاجه .
_ قام اتعدل وقال ...- تعالي يا نور .
_ قعدت وانا بصه في الأرض ..- ..........!
_ "مسك إيدي ...ولأول مرة من فترة زعلنا يمسكها ..يمكن تكون حركه بسيطه بس ليها تأثيرها ..فكرة إنك لقيت مص*ر أمان ف وسط خراب العالم من حاوليك .. بتخليك تتعود علي وجوده... وغيابه أو غياب أهتمامه بيبقي شيء صعب ?"
_ رفعت عنيا ليه وأنهارت دموعي ..- .............!
_ ضحك بوجع لما ضميت نفسي ليه وقال ..- وحشتيني يا نور ...وحشني رجوعك لحضني، وحشني إنك تستخبي فيا من الدنيا ....(غمض عنيه وكمل) كنت مضايق لأنك قررتي تبعدي ف الوقت ال المفروض كنتي تيجي ف حضني وتشكي مني ليا.
_ كل ال كان علي ل**ني ..- أنا آسفة والله العظيم آسفه
مش همشي تاني ....بس متتعصبش عليا .
_ رفع راسي ومسح دموعي ب إيديه ..- ابغي أجول إني متجوز الجمر ولكن استحي للجمر يكون أقل من جمال حبيبي .
_ ضحكت..- وده أسمه إيه ده .....دي في أنهي لهجه دي .
_ ابتسم وملامحه رجعت للجد..- أيا كان ال يحصل يا نور مينفعش يخرج ما بينا ...أخره باب شقتنا وميتعداش الباب كمان ....خلينا متفقين إني مش معصوم وإني بشر وكل الضغوط ال حاوليه بتأثر عليا وعليكي ...ف ممكن تتجنبي العناد قصادي وانا متعصب ..ومش لازم نجادل في وقت غلط بالنسبة لحد فينا ...نأجل النقاش أخر اليوم مع كباية شاي بالنعناع وانا وانتي وتيمو في البلكونه .
= هزيت راسي بمعني حاضر ....وفضلت متبته فيه وگأني بحاول اخبيه ليبعد تاني .
" شاركيني الشاي والليل والرغي بدون أهداف
دا الحزن إن شاف أتنين قاعدين يضحكوا
- Writer
