جميله حد الف*نه

البارت الثالث

الفصل الثالث

- شروق: هنلتزم بضوابط الخطوبه ان شاء الله

- احمد: تطلع ايه ضوابط الخطوبه دي بقى

- ازاي حضرتك متعرفهاش ولا ايه ؟!

- مسمعتش عنها قبل كده، بتتكلم عن ايه ضوابط الخطوبه دي؟

(استغربت اوي من ردة فعله هو بجد لسه في ناس جاهله بالامور دي للاسف !!

- ضوابط الخطوبه يعني تغض بصرك مش معنى انك خطيبي تفضل مبحلق فيا طول الوقت، يعني انت غريب عني مش مِحرم ليا ف كلام حب وهئ ومئ مينفعش سواء كنا مع بعض او حتى ف الفون، كلمة هلبسك الدبله طب استني هظبط السلسله م***ع فعلًا وقولًا طنط اللي هي مامتك تبقى تعمل كدا، اكيد مؤكد تأكيد هيقعد معانا مِحرم عشان ميحصلش خلوه يعني متجيش تقول عايز اقعد معاها لوحدنا او حد يجي يقول نسيب العرسان لوحدهم ونخلى لهم الجو عشان يبقوا على راحتهم واهو المصايب والبلاوي مبتحصلش غير من الكلام دا، هنخرج هيجي معانا مِحرم بردو ومش كل شويه خروجه هنتكلم نتكلم في حاجه مفيده مش اي كلام وخلاص، اعرف شخصيتك وتعرف شخصيتي بحدود وبضوابط الطرفين لازم يحافظوا عليها، مش كل شويه اسمع كلمة اتصوري وابعتي اصلك وحشاني عايز اشوفك طب لابسه ايه والكلام دا م***ع، حفل الخطوبه مش واجب بس لو عملنا يبقى بحدود مفيش اختلاط ولا مزيكا انا مش هبدأ حياه جديده بذنب وعصيان لربنا، الخطوبه مش معموله عشان كل طرف يتجمل و يظهر أجمل ما فيه قدام الطرف التاني انا ص**حه وانت ص**ح نتعامل بتلقائيه الدنيا هتمشي وتبقى فل ان شاء الله..انا مش بقولك كدا عشان تتعقد او تقول فين الخطوبه وفين الكلام اللي بسمعه الكلام اللي بتسمعه سواء من اخوك، قريبك او حتى صاحبك هيبقى حلو اوي في الحلال لما يكون ربنا مبارك فيه وراضي عنه لكن هيعصي ربنا وميبقاش فيه مُباركه يبقى انسى العيشه المرتاحه انسى ان قلبك يكون راضي وحاسس بالراحه (رفعت وشي من الارض عايزه المح تعبيرات وشه هل راضي بالكلام، مستغرب طب هيرفض ولا هيوافق..

- هو انت بتبصلي كدا ليه

- بسمعك

- خلصت

- احم كلامك حلو، انا اول مره اسمع عن الموضوع دا وبصراحه متلغبط ومش عارف احدد الاحساس اللي انا حاسه، استاذن انا وردي هيوصل باباكِ قريب ان شاء الله

- باستغراب: ايه دا الحال اتشقلب ولا ايه هو مش المفروض انا اللي هفكر والرد هيوصلك

- طالما اتكلمتي عن ضوابط الخطوبه ومرفضتيش من الاول ف اكيد قلبك مقفول عليه لسه ومحدش وصله ف مش فارق معاكي لكن انا حابب افكر بعد اللي قولتيه دا، يلا سلام

(بيتكلم بكل ثقه وهو لا يفقه شئ ايه الانسان الغريب دا !! وايه مش فارق معاكي دي كمان يعني هو عشان محافظه على قلبي للي يستاهله يبقى كدا مش فارق معايا ؟! حابب افكر بعد اللي قولتيه هو انا قلت ايه أصلًا انا مقولتش كل حاجه، يلا مش مهم هو دا اول واحد يعني..

" قاعدين قاعده عائليه جميله عند جدتي من اللي قلبك يحبها دي واذ فجأةً تتسأل سؤال من اللي قلبك مبيحبوش الا وهو؛ هنفرح بيكِ امتى؟ المشكله مبقتش عارفه ارد زمان كنت بقول لسه بدري دلوقت هقول ايه اكيد هيبقا نفس الرد مهو فعلًا لسه بدري وانا لسه صغيره بس المشكله ف ان موضوع طويل عريض هيتفتح نهايته يارب نشوفك عروسه قريب..طب ما كان من الاول ايه لازمة هتفضلي قاعده جمب امك خلاص عديتي ال 20 سنه يبقى هتعنسي وانا عندي 24 سنه يعني خلاص راحت عليا ايه الظولم دا!!

- سهام: بس انتي مقفله الدنيا اوي يشروق

= مقفلاها ازاي يسوسو

- يعني كل ما حد يجي تقولي شرطي الوحيد نلتزم بضوابط الخطوبه وبصراحه انتي تعاملك دبش فِ كل حاجه دا كفايه الخمار واللبس الواسع اللي مبينك وكأن عندك 40 سنه يا بنتي انا حتى مفتكرش انك حطيتي ميكاب قبل كدا هههه بجد مش طبيعيه

= ههه عسل يا حبيبتي، ومالو 40 سنه يعني لسه فِ عز شبابي بردو وبعدين انتي مزهقتيش من نفس الكلام والاسئله بتاع كل مره دا اهمدي يحبيبتي بقى اهمدي، عن اذنكوا يا جماعه

(اخدت بعضي وروحت على بيتنا اوام، ليه الناس تفكيرها رجعي ومتخلف بالشكل دا..ليه تفكيرهم عقيم !! المشكله ان الاغلبيه بيفكروا بنفس الطريقه زي ما يكون فيرس وانتشر، حاجه لا تُعقل بجد..

ليه واخدين فكره وحشه عن الخُمار واللبس الواسع، هو مش دا الصح والمفروض ان نعمله مش دا اتذكر فِ القرآن {وَلْيَضْرِبْنَ بِخُمُرِهِنَّ عَلَى جُيُوبِهِنَّ وَلَا يُبْدِينَ زِينَتَهُنَّ}

اللي اعرفه ان ثوب المرأه يكون سابغًا، ساترًا، وألا يصف، ولا يشف، ولا يكشف ولا احنا بناخد بآيه ونسيب آيه !!!

- محمد: القمر قاعد لوحده ليه

- شروق: مفيش

= على محمد بردو دا انا اكتر حد حافظك يبتت، مالك فيه ايه حد زعلك

- محدش يقدر يزعلني أبدًا اختك جامده بردو

= بتريقه: فعلًا واضح اوي

- اتريق اتريق اشمعنا انت يعني

= طب خلاص حقك على قلبي متزعليش، يلا قولي مالك

- طب والله بعد حقك على قلبي دي نسيت كل حاجه بتعرف تطبطب عليا يا محمد وتنسيني حُزني

= وانا ليا مين غيرك يا شروق انتي مش اختى بس انتي بنتي والله اي حاجه تضايقك تضايقني قلبي بيتوجع لما بشوفك زعلانه

- بدموع: ربنا يخليك ليا ومتحرمش منك ابدًا، ال قولي يا محمد هو انت ليه متجوزتش لحد الوقت

= يا بنتي بقولك مالك زعلانه ليه تقوليلي انت ليه متجوزتش لحد الوقت انتي هبله !!

- عايزه اعرف طيب، هو فعلًا هتفضل مستني لحد ما اتجوز انا

= ايوا عشان ابقى فاضيلك انتي وسي السيد اللي هيجي

- بضحك: لا يعم شكل سي السيد دا مش هيجي خالص

= ليه بقى يختي ان شاء الله مالك ما انتي زي القمر والف مين يتمناكي

- رجوله والله دايمًا ناصفني كدا

= يلا اي خدمه مش هتلاقي زيي على فكره

- من نحية مش هلاقي ف دا اكيد انت محمد واحد بس

= بضحك: بتردي التطبيل بتطبيل ما شاء الله ربنا يحفظنا

(فضلت انا ومحمد نتكلم ونضحك لدرجة ان محسناش بالوقت والحمد عديته ف اي كلام المهم مبينش اودامه زعلي من الكلام اللي بسمعه، محمد اكبر مني ب 5 سنين وعيت على الدنيا لقيته محاوطني بحبه وخوفه عليا بيفرح لفرحي ويزعل لو ف حاجه ضايقتني دا يمكن بيزعل اكتر مني، بيحبني حب الاب لبنته ..فكرة وجود حد ف حياتك مهتم بيك ف كل حاجه بتعملها، مهتم بأدق التفاصيل، بيحاول يسعدك باي طريقه المهم انه يشوف ابتسامتك دا شئ جميل اوي ودا لقيته في محمد اخويا

زعلانه اني سبب ف تأخير جواز محمد يعني لو كنت اتجوزت كان هو اكيد متجوز دلوقت مفيش حاجه واقفه معاه الحمد لله الحال ميسور كان اختياره لشريكة حياته مش هيبقى مشكله اوي كان هيختارها شبهه، و تشبهلنا ف صف*نا هتقدر تتعايش وترتاح وسطينا.

(فات سنه على مقابلتي ل أحمد الجاهل بضوابط الخطوبه وانا كل فتره والتانيه يجي ف بالي الحوار اللي دار بينا وكل شويه اسال نفسي ازاي ميعرفهاش مش بيقا**ه اي حاجه تتكلم عن الموضوع دا مبيشدش اهتمامه كلام الشيوخ عن أهميتها، حقيقي الموضوع مُحير!

- الام: شروق متقدملك عريس

= شروق بملل: يا الله ايه يا ماما انتي مزهقتيش انا عن نفسي مليت والله زهقت مش كل شويه هقعد مع واحد شكل واول ما اقول الشرط الوحيد ليا يرفض ويمشي خلاص انا مش هقابل ولا هقعد مع حد تاني.

- يا بنتي الله يهد*كي المره دي وبعدها ابقي نفذي كلامك، غير انك ممكن ترجعي عن الشرط دا وانتي ما شاء الله ملتزمه يعني مفيش حاجه وحشه هتحصل ان شاء الله

= مهو مش هيفرق حاجه عنهم صدقيني وبعدين انا بعمل كدا لربنا ومهما كنت ملتزمه لا قدر الله ممكن يحصل حاجه ف لي ماخدش احتياطي من الاول

- محمد: طب عشان خاطري المره دي يشوشو قابليه لو موافقش يبقى خلاص وربنا هيحلها من عنده

= ماشي يا محمد بس دي اخر مره تحصل

(هو انا متوتره ليه وايه يستدعي التوتر دا اكيد زيه زيهم اثبتي يا شروق كدا فِ ايه !

- هتفضلي باصه ف الارض كتير

- (الصوت دا مش غريب عليا، رفعت وشي..ض*بات قلبي عليت): اا انت

- بابتسامه: ايوا انا

- (طب بالله انا قلبي دا مهزأ): ايه اللي جابك

- جاي نكمل كلامنا

- نكمل كلامنا !! هو في بينا كلام اصلًا ؟!

- ايوا في..دا في كتير اوي

- مفيش بيني وبين حضرتك حاجه، اتفضل من غير مطرود وخد معاك الورد القمر دا والشوكولاته اللذيذه دي

- بضحك: طب فِ ورد ااقمر منه وشوكولاته الذ بس يلا الطيب ملوش نصيب

- بغيظ: اتفضل وخد حاجتك وانت ماشي

- طب ضوابط الخطوبه حضرتك غير دارسه كفايه عنها وانا من واجبي اعرفك ومش هسمح لاي حد ينال الشرف دا

- (خد قلبي كمان وكمان): انا اعرف عنك وعن اي حد ..جيت امشي

- طب عشان اغلى حاجه عندك تعطيني فرصه وهي اخر فرصه

- بدون تفكير: ردي هيوصلك بكرا ان شاء الله

(حسيت بفرحه ف عينيه وبردو ض*بات قلبي عماله تعلى ايه اللي بيحصل بقى عايزه افهم، هو عشان فكرت فيه مرتين تلاته او يعني اكتر سيكا، بس غصب عني فجاه الاقيه جي ف بالي بس بفضل استغفر لحد ما انساه.

"نفرح شويه بقى..

رديت على بابا ف نفس اليوم وقولتله يبلغه بالموافقه بس يصبر لتاني يوم عشان ابان تقيله وكدا، البنات دول عليهم شوية حركات ي اخي يجننوا

(تمت الخطوبه بنجاح حفل بسيط فيه عيلته وعيلتي افراد قليله لكن حبهم وفرحتهم ماليه علينا المكان حماتي القمر لبستني الدبله والسلسله وهو هو مبسوط شايفه عينيه الفرح ماليها

عدت سنه على خطوبتنا الحمد لله كانت شبه خاليه من المشاكل بصراحه كنا بنتخانق على حاجات تافهه زي اختيار الوان الشقه الفرش الحاجات دي بس كان يراضيني ويختار اللي على ذوقي..خلصت فترة الخطوبه على خير رضى ربنا محاوطها ودا اللي كنت بحلم بيه ومش عايزه ولا بتمنى اكتر من كدا.

- الماذون: وبارك الله لكما و بارك عليكما وجمع بينكما في خير

(قلبي المهزأ هيفضحني ويبين انه واقع اغيثونيي)

- مُبارك علينا بقيتي حلالي يا خير حالي

- ايوا بقى على الغزل الجامد دا..احم سوري اندمجت شويه

- بضحك: سوري ايه لا ركزي كدا خلاص بقيتي مراتي يعني مسمعش غير الكلام الحلو وبس وانا اتكلم مسمعش صوتك سنتين كاتم ف قلبي ومبنطقش بكلمه

- ايه ايه خليتهم سنتين ليه هي سنه

- لا يشروق سنتين كاملين دانا كنت ب عد اليوم بيومه السنه الأولى اتعلمت فيها كل حاجه كنت جاهل عنها اتعلمت فيها يعني ايه لما احب احافظ على اللي بحبه من نفسي اتعلمت معظم امور الدين حفظت القرآن وختمته الحمد لله لاجل اللحظه دي لحظة وجودك معايا واقرا عليكي ما شئتي وقت ما تحبي سمعت كتيير عن ضوابط الخطوبه وعرفت من تعريفك ليها كنتي بتختصري اوي اتعلمت ف سنه ازاي اخاف على حد هو مش موجود معايا لكنه ف قلبي وف تفكيري انتي كنت دعوه ثابته ف كل سجده دعواتي مكنتش بتبدأ غير بيكي واسال ربنا بانه يجعلك من نصيبي، كنت كل اسبوع اسأل اخوكي ها شروق اتخطبت، ها حد اتقدملها انهاردا..طب هي بتفكر في حد، انا كنت غريب اوي من غيرك وكأني في اللحظه دي رجعت لبلدي وسط اهلي وناسي، انا بحبك اوي بحبك اوي يا شروق

- ااهٍ يا من سكنت القلب وغيرك لم يصل له، احبك فوق حب المحبين حُبًا

(اخدني ف حضنه وكأنه بيعوضني عن كل حاجه، كل حاجه مريت بيها، كل كلمه سمعتها زعلتني، كل وقت ضيعته على ناس غلط حتى لو كان الوقت قليل، حب واستودع حبه لله هو في احسن من كدا، حافظ عليا حافظ عليا من نفسه قبل اي حد)

"انا مش هقول اني كامله ومفييش عيوب لان ببساطه مفيش شخص سوي مفيش حد مبيغلطش..لكن في حاجه اسمها نجاهد نجاهد حتى لو مش هنوصل للمستوى المطلوب بس ع الاقل تكون حاولت، جهادي كان ف لبسي اللي مهما سمعت عنه كلام يكرهني فيه عمري ما فكرت اني اغيره، كان ف شرطي الوحيد اللي كنت بحطه لاي حد بيتقدملي لاجل رحمة ورضى ربنا، دي حياه جديده هبداها ابداها على نضافه بقا عشان ربنا يكرمني بعد كدا، جهادي كان ف حفظ قلبي من اي شر من اي علاقه تخربه وتفسده من اي سوء يحل بيه وحزن يخيم فيه ويسكنه، حفظته من حاجات كتير وصونته وصونت نفسي للي يستاهلهم ويحافظ عليهم دي حاجه مش الكل يقدر عليها لكن ايمانك ب ربنا ودايمًا يبقى اودامك فكرة ان نصيبك حلالك هيجي هيجي مهما عدى الوقت لكن هيجيله وقت ويخبط على بابك، ف متسمحيش لحد من اللي بيخبط ع الشباك ويستخبى عشان ميتعرفش انه يحزن قلبك الغالي.. ♥️

"و لا تفتحي بابَ الفؤادِ لطارقٍ ، فهناكَ أطفالٌ تدقُ