البارت الرابع

4005 Words

الفصل الرابع _لولولولولولولوييي _اهدي اهدي يا مريم بالله اتفضحنا _اهدىٰ ايه دَ انا هرقص واغني واعرف كل الناس انتِ هتتخطبي يا حياه _مش هتخطب دَ دَ مجرد عريس زيه زي غيره و في الآخر مصيره معروف _لأ هتقعدي معاه مش يمكن هو دَ نصيبك _ويمكن مش هو _اقعدي معاه مش هتخسري حاجه _لا هخسر قلبي هيشوف غيره وعقلي هيركز مع تفاصيله هيبقى متاح لحد تاني يغازلني غير صاحب المراسيل يا مريم _لو مش هو نصيبك قلبك هيفضل معمي وعقلك مش هيحتفظ بتفاصيل لحد ما نصيبك يجي . *عارفين لما الدنيا تبقىٰ خنقة والجو كئيب وفجأه حد ب مرسال صغير بعته لقلبك وبيقولك فيه ان الدنيا حلوه وفيها ورد يشبهلك، فيها أغنية بتوصفك، فيها عين بتعشقك مثلًا، هوَ صاحب المراسيل عمل معايا كدَ وخدني مني و دوبني في كلماته " ______________________♥️ _هتقعدي معاه ؟ _مش عارفه يا ماما _مش عارفه ايه ؟ هو انتِ هتفضلي كدَ معلقه نفسك بحد ما تعرفيهوش ؟ حد رمالك طُعم وأنتِ بكل سذاجه أكلتيه، بصي يا حبيبة ماما اللي أنتِ فيه دَ غلط واللي معلقه نفسك بيه أخرته مش حلوه أنتِ ما تعرفيهوش مش يمكن يكون شخص وِحش وبيتسلىٰ ونيته مش صافيه وحابب يعلقك على الفاضي ماما قالت كلامها وسابتني في حيرة قلبي هو معقول يبقى وِحش ؟ وحش ازاي ازاي حد يكون ب لُطف كلامه ويطلع مش كويس قلبي اتن*د وراح مع بداية ذكرياته Flash back انا عملت ايه لكل دَ يا مريم دَ زعقلي وكل دَ علشان غلطت اومال انا باخد عنده كورس ليه مش عشان يفهمني ويقولي هوَ ايه الصح _يا قلب مريم و عُمرها هوَ كدَ دكتور فؤاد عصبي و همجي وبيكلمنا من مناخيره متدايقيش _انا ماشيه _خدي بالك من نفسك _تمام، سلام _سلام يا عمري "عيني لمعت بالدموع وأخدت نفس وحاولت أهدىٰ واتجاهل انو اتزعقلي النهاردة انا أكتر حاجه ممكن تتعب قلبي هو الزعيق أكتر حاجه مزعجه و ب*عه في العالم وكافيَه أنها تكرهني في اللي قدامي من غير أي مجهود وقفت في شباك اوضتي وبصيت للنجمه لسه وحيده زي ما هي مش معاها حد حتى مافيش نور جمبها يدلها على الطريق زيي تمام ممكن يا نجمه ما تبقيش زعلانه زي ما انا زعلانه هه كملت بكلم نجمه، جايه ادخل اوضتي ورجعت للنجمه تاني بصيتلها و قولتلها انا بحبك ما تنسيش انتِ كمان تحبيني. ايه دَ في حاجه خبطت في الشباك اتخضيت وبصيت لتحت لقيت في حاجه مرميه في الأرض فضلت باصه والسؤال في بالي يا ترى ايه دَ ؟ اتجاهلت اللي حصل ودخلت انام ومع أول غمضة عين صورة الشىء اللي في الأرض جه في بالي ، فتّحت عيني براحه وقولت هشوف ايه دَ نزلت براحه وانا بتسحب انا عارفه انو جنان بس هو من امتى وانا عاقله ؟ قربت ومع أول خطوة رجفة ايدي بتزيد وكإني بعمل حاجة خطيرة شكله جميل ألوانه هاديه وكإنه جاي من زمن تاني مش مكلكع دَ دَ كإنه مرسال ! اترددت اني افتحه بس فضولي أخدني كلماته تسحر خ*فني بدأت أعيد بشويش "إلىٰ من سلبت أنفاسي وارتوت روحي برؤيتها إلىٰ عزيزة قلبي وعزيزة النفس و عزوتي، إلى حياتي .. لا تحزني حلوتي فما أحزنكِ سوى لئيم، وما أغضبكِ سوى بغيض فلا يحق لوجهك سوى الأبتسام وعيناك خلقت للتأمل لا لتحزن، لا تحزني، وارحمي قلب عاشق مرّت غصة مريرة بحلقِه عندما رأىٰ حزنك، ابتسمي وقبل أن تخلدي للنوم لا تنسي القيام وخصصي جزء للدعاء لي ليكون بيننا شىء مشترك . من عاشق أضناه الشوق، إلى عزيزة قلبه " اتن*دت لعاشر مرّه وعيوني متعلقه في المرسال هوَ ممكن المرسال دَ يكون ليا، لا لا لا مستحيـــــــــــــل أكيد دَ صدفة يمكن كان مبعوت من حبيب لحبيبته وهي مستنياه دلوقت، الله يا بختها صاحبة المرسال احتفظت بيه في قلبي وانا بعيد كلامه بشويش صليت القيام وجه وقت الدعاء مترددة بس هدعي في كل الأحوال مش هخسر حاجه دِ حتّىٰ الملايكه هتدعيلي "اللهم أعوذ بك من قهر يؤلمه، ومن هم يحزنه، ومن فكر يقلقه، وشخص يحمل خبثًا له، اللهم إن كانت هموم الدنيا ضائقة في ص*ره فاقضها له، وأزلها عنه واجعل أيامه فرحا وسعادة، اللهم لا تُصب قلبه بذرة يأس، واجعل أمله بك وحدك، اللهم أعوذ بك من سوء حظه وضيق ص*ره وفراغ صبره، اللهم غيّره لما تريد، واختر له ما تشاء، واجعل قلبه متعلق بك وحدك ، وبدّل ما تراه عيناه جميلًا بما تراه أنت، اللهم سخر له من حظوظ الدنيا مالا عين رأت ولا أذن سمعت ولا خطر على قلب بشر، اللهم ارزقه الفردوس مع النبيين والصديقين والشهداء ومع من يحب" . خلصت الدعوات بإبتسامة مش عارفه دعيت ليه بس دعيت. _____________________♥️ _والله ما بكذب هكذب عليكِ ليه يا مريم _ما هو بال*قل كدَ يا حياه تكوني واقفه في الشباك بتكلمي نجمه زي اي واحده مجنونه ويجيلك مرسال من اللا مكان ويكون متوجه ليكِ ! _هو دَ اللي حصل _الطبق الصيني ات**ر هويخوهوخو _أنتِ تافهه امشي يابت عشان ما اتغباش عليكِ _حاضر ، طاب والحصان الأبيض والفارس والسيف اللي بيلمع أخبارهم ايه ؟ _لو ما بطلتيش تريقه مش هتكلم معاكِ تاني ابو رخامتك ولا اقولك اتريقي شوفي مين هيقولك على المكتوب في المرسال _هتقولي _مش هقول _هتقولي _قولتلك مش هقول مـستحيـــل _وبس يا ستي وصلّيت و دعيتله ايوا قولتلها اصلي كالعادة مش بعرف أخبي عليها _هييييح انا عاوزه من دَ يا حزومبُل _انا كمان عاوزه _كلنا عاوزين انا وأنتِ وناهد و كلنا _مش قولتلك الكلام خ*فني _وخ*فني انا كمان _لا بت بت بقولك اي الكلام ليا انا _وه ليكِ، لا معلش كدَ فوقي وبلاش ندخل ف غيبوبة، الكلام صدفة ، صح ؟ _مش عارفه _دا انتِ ولا علاء الدين اللي لقىٰ المصباح _عينك رشقت خلاص _اتو**ي شايفه حياتك بتنور يعني _طول ما انتِ فيها أضمنلك انها مش هتنور ابدًا _تسلم يابوو الصحااب، هبات معاكِ بقى _مش عندكم بيت صح انجرّي عليه _انا مش مصدقه بتطرديني ؟ _حصل _شكرا يا سيدي كفايه _بضحك انا ماشيه _نورتينا والله متكررهاش تاني بقى . اول ما مشيت جريت على الشباك بصيت لنفس النجمه بس بنظرة مختلفة شكلها النهاردة حلو بتلمع وكإن مش هاممها أنها لوحدها وكإنها بتقول انا هحارب بلمعاني الضلمه اللي محوطاني، يا ترى سر لمعانها النهارده ايه ؟امم ممكن تكون بقت متيقنه انها مش هتفضل لوحدها تاني ومستنيه ونيسها ؟ فضلت اتأملها وكلمات المرسال بترن في قلبي وتلقائي الضحكة اترسمت على وشي ايه دَ؟ دَ صوت حاجه بتض*ب في الشباك معقول؟ من غير تفكير نزلت جري فتحت الباب وقلبي سابقني وعقلي لاغي أي منطق ما هو احنا كدَ مسلوبين الإرادة قُدّام الحاجه اللي بتفرحنا لقيت مرسال تاني تاااني، فتحته بلهفه وبدأت أقرأ " حُلوتي ما بها سعيدة أيُعقل أن أكون استحوذت علىٰ ولو جزء بسيط من عقلها ؟ سأكتفي ببث الطمأنيه لقلبي وأهمس له بأن تلك الإبتسامة موجهه له. صغيرتي إن كان حزنك ترك غصة مريرة في حلقي، فإبتسامتك بعثرت مشاعري وقلبي سيتوقف وسأكون صريعًا في عشقك، وبرغم ذلك ف قلبي يهوى ارتجافه ما دام سببها ابتسامتك لذلك ابتسمي دائماً، لا تنسي الوعد بيننا دعواتي و دعواتك والقيام والإستجابه بإذن الله، من عاشق أضناه الشوق إلى عزيزة قلبه" هوَ فيه كدَ الله يحبك ياااخي انت استحوذت على قلبي وعقلي ياااض هيييح قومت جري اتوضيت وصليت القيام وقلبي لوحده بيدعيله اتكررت الليالي والقيام بقى بمثابة فرض سادس وكترت المراسيل وقلبي اتاخد وعقلي مع اللي سارقه back ومع خبطة جديدة فكّرته مرسال بس دَ صوت الباب رجعني من ذكريات بتريحني لعالم عاوز يسلب الراحه دِ مني _مين _انا مريم يا حياه _ادخلي يا مريم _مالها ست البنات زعلانه _مش زعلانه _العريس ؟ _ايوه _قابليه وريحي مامتك انتِ عارفه انها نفسها تفرح بيكِ وكمان اي أُم هتقلق على بنتها لما تعرف أن في حد مراقبها _انا معرفهوش _بس هو يعرفك ولو بيحبك هيجي البيت ويعرفك بيه _تفتكري _أفتكر عقلي رافض وقلبي بيتنفض ول**ني مش مطاوعني بس نطقت وعارضت جسمي ورعشة ايدي _انا موافقه يا مريم أقابل العريس روحت عند الشباك بصيت للنجمه بحزن وكلمتها كالعادة العاشق مشي وشكلك يا نجمه مستنيه سراب وهتفضلي لوحدك بائسه . عقلي بيأكد على كلام مريم هو فين ليه ما ظهرش بقاله يومين غايب ! غايب من اول ما العريس اتقدم! يا ترى كان بيتسلىٰ زي ما ماما بتقول، وقلبي رافض ومكدبني وبيلّح عليا اني ارجع للمراسيل واحضنهم، وبين عقلي وقلبي رجفة ايدي ورجلي واضحين ونظرات عيني الزايغه فاضحنّي وانا ماشيه رايحه اقعد مع واحد غير العاشق المجهول _السلام عليكِ يا آنسه حياه _وعليك السلام _عرفيني عن نفسك مش هو المفروض حافظني وفاهمني وبيبعتلي مراسيل ما هو أكيد بعد التعب اللي تعبه دَ كله هيعمل زي الروايات ويكون هو العاشق ويقولي بخ انا جيت وهنتجوز مش دَ اللي بيحصل ؟ _يا آنسه _هاا _عرفيني عن نفسك هه شكل الروايات مش شغاله معايا _اسمي حياه كلية إعلام وعندي 20 سنه _وانا اسمي سامر مهندس و و و كلامه ممل أو يمكن كلامه عادي بس قلبي مش دَ اللي عاوز يسمعه _عاوزه تسألي ف اي حاجه يا آنسه حياه مش يمكن يكون عاملي مفاجأه وعاوز يعرف انا هقدر اتعرف عليه ولا لا ايوا صح انا لازم انجح في الاختبار _بكل ثقه ايوا عندي سؤال _اتفضلي _عندك هوايات _ايوا طبعا هيييييييه جوايا طبعا أنا هبله اه بس برستيجي بردك _اي هي هوايتك _بحب شغلي جدًا جدًا والطبخ _بس كدَ _لا طبعا وبحب قعدة البيت وانتِ ؟ _ياريتك ما كملت _نعم _نعم الله عليك، بقولك بحب القراءه والكتابة جدًا جدًا _لا لا ما تقوليش انك بتحبي التفاهه دِ وزي البنات المراهقات وحقوق المرأة والهبل دَ _هبل ! _ايوا هبل سيبوني عليه محدش يوحشني _طيب اي رأيك اني بحب القراءه ومش هجيب نيش وهعمل بداله مكتبه خد التقيله ما اتعلمتش ولا بتعلم ولا هتعلم الطبخ، خد الأتقل لما احب أهد*ك حاجه ههد*ك كتاب بيتكلم عن المساواه بين الرجل والمرأة _انتِ بتهزري صح _هو انا أعرفك عشان اهزر معاك يا أخينا، بقولك ايه اشرب المانجه دِ مش بنطلعها غير من السنه للسنه _______________♥️ أنتِ عاوزاني أوافق بواحد بيقول على القراءه تفاااهههههههه لا يماماااا لاااا كله الا دَ _يا بنتي دَ محترم ومتعلم وبيعتمد على نفسه _وما تنسيش هوايته الطبخ يعني بدل ما يدخل عليا ببوكيه ورد هيدخلي بكيس لب ونأزأز _______________♥️ شايف يا عاشق اللي بيحصل في عزيزتك اياً كان هتيجي ولا مش هتيجي مصيرنا مع بعض ولا لأ بس اللي عاوزاك تعرفه اني مستنياك وانت ما يهونش عليك عزيزتك تستنى كتير قفلت الشباك وفضلت وراه مستنيه خبطة المرسال دقيقه والتانيه ساعه ساعتين وقومت على خبطة الباب بتصحيني من النوم _مين العاشق _لا دَ انا يا قلب امك _حبية قلبي وعش*ي عامله ايه _اممم ايه اللي منيمك عند الشباك _بستجم _ما تستهبليش _من عيوني _هاه بقى بتعملي ايه عند الشباك _بصيف الحمد لله بطمنكم عليا الشبشب ما عملش إصابات وطلعت من عملية الاغتيال سليمه ____________♥️ _حياه البسي لبس حلو بسرعه _ليه يا مريم _البسي بس طقم حلو _ليه رايحين فين _مش في حته هنقعد في الريسيبشن بتاعكم نتصور وهطلبلك أوردر قمر شبهك ابتسمت ابتسامه خفيفه _مره تانيه يا مريم ماليش مزاج ومش لسه هلبس _لا هو دلوقتي يا قلب مريم، وهتلبسي كمان أجمل حاجة عندك البسي الدريس السماوي والخمار الأبيض بيبقوا تحفه عليكِ *اوقات بنبقى محتاجين ايد تتمد لينا تاخدنا من الضلمه للنور تعرفنا أن الحياه لسه ليها باقي تورينا الحلو فينا وتغصب الضحكه على وشنا الايد دِ رزق وانا رزقي اتجمع في مريم بنت خالتو. * روحت للنجمه قولتلها العاشق غاب وغاب معاه قلبي جه وسرقني قدامك وانا وأنتِ ما اعترضناش يمكن نصيبي لسه مجاش بس انا مش عاوزه غيره ابعتيله وعرفيه اني زعلانه وطمنيه بإني مصدقه حُبه وعارفه أنه مش بيضحك عليا _____________♥️ _خالو كامل ازيك عامل ايه _الحمد لله يا حبية خالو طمنيني عليكِ _انا فى زحام من النعم الحمد لله _عاوزه أقوله انت ازاي هنا في الوقت المتأخر دَ بس سكت عيب، بس هسأل مريم ما انا مقدرش اسكت _ يا مريم مالكم مروقين الدنيا كدَ ليه واي اللي مصحي ماما لحد دلوقتي وخالو كامل ازاي هنا واه كمان انتِ ازاي قاعده. متأخر للوقت دَ _خالك كامل جاي زياره من الصبح بس أنتِ كنت عامله حداد. وانا وماما هنبات معاكم بردو، والبيت متروق عادي _الله خالتو هنا هيَ فين _في في الأوضه دِ _هقوم اسلم عليها _لا لا خليكِ دلوقت _مالك متوتره كدَ ليه هو في ايه بيحصل _مافيش حاجه يا حياه _طيب ايه اللي مقعدكم لحد متأخر كدَ ايه المناسبه _شوفي يا حياه انا ياما لفيت و رُحت وجيت إنما في قلة زوقك ما شوفتش _مش قصدي انا قصدي ايه اللي جايبكم عندنا مش عندكم بيتكم _ يا ولي الصابرين _خلاص والله ،هتعزميني على ايه بقى _قبل ما اعزمك عاوزه أسألك على حاجه _اسألي يابا _مالك يا حياه ليه بتداري حزنك عليا مش أنتِ بتقولي دايما أننا اخوات وحزننا من بعض واللي يوجعك يوجعني بتداري على اختك ليه بقى _بس بس اي الكلام الكبير دَ ولا فيه حزن ولا حاجه أنتِ اللي مكبره الموضوع _ لسه زعلانه وكإن بكلمتها فتحت جرح بقالي شهر بداوي فيه ، زعلانه ؟ اللي ف قلبي أكبر من زعل يمكن كتير مش هيفهم ازاي انا حزينة كدَ على حد معرفوش بس انا قلبي اتعود والقلب لما بيتعود وبعدين يفارق دِ أصعب حاجة في الكون حاوطت عيوني غيمه من الدموع بصيت ليها وقولت قلبي مش مصدق يا مريم127 مرسال مع 127 ذكرىٰ مع 127 قيام ودعوات قلبي اللي كان بيقولهم مع 127 مره قلبي كان هيقف من كتر الدّق مش مصدقه أن كل دَ كذب ايوا انا معرفهوش بس حسيت بدفىٰ كلماته قلبي حس وعقلي صدق وانا في النص تايهه هو بعد ليه طيب هو نساني ولا كل دِ اوهام مابقتش فاهمه _يعني أنتِ عاوزاه يرجع يبعتلك ؟ _ياريت قلبي مشتاق بقاله 30 يوم _طيب ادخلي لِماما الأوضه دِ واقعدي معاها _طيب ناديها _لا لا ادخلي انتِ _طيب أنتِ رايحه فين _اتكلِمت بلغبطة ه هروح ااجيب ح حاجه من المطبخ اه اه هجيب حاجه نشربوها _هو في ايه _هيكون ايه يعني ادخلي بس _ماشي مش عارفه في ايه بس حاسه ان في حاجه غلط الأجواء متوتره والبت مريم باين انها عامله مصيبه وقلبي بيتنفض و دقاته سريعه أخدت نفس طويل وكإني بطبطب على قلبي وبقوله اهدى اهدى مافيش حاجه ،مافكرتش كتير وفتحت الاوضة _منورانا اخاااااااااالتشيييي والله دَ انا بقالي ساعه بقول ل مريم انتو مش بتيجوا على طول ليه _ بتوتر : ازيك يا قلب خالتك _قلب خالتك ! انا موتت ضحك انا دخلت باب غلط ولا ايه اومال فين وطي صوتك يا حيوانه يا مقصوفة الرقبه يا رقاصه ياللي ما انتيش نافعه والذي منه أخالتشي دَ انا تربيتك _احم _دَ صوت راجل راجل غريب مع خالتي في الأوضه وبيقول احم ببص لقيت واحد حليوه تقريبا كاتم ضحكته عيني جت في عينه وفضلت باصه عليه ايدي حسيتها بترتجف و دَ مش بيحصل غير لما بتوتر خالتو قربت عليا حاولت اتجاهل توتري وقلبي اللي دقاته بقت تقريبا مسمعه الجيران _مين دا يا خالتو _دا عريس يا زفتة يا كلبة البرك وتقريبا طفش من صوتك ايوا هي دِ خالتي اللي اعرفها طولتي الغيبة والله بس ثواني بس عريس ! _عريس تاني نفس التجربة ونفس التوتر ونفس الإحساس الب*ع اللي هيلازمني انا عيوني بتحرقني ليه لا لا لا مش هعيط دِ حاجه دخلت في عيوني لسه هعترض واخد نفسي واطلع بره لقيت مريم داخله وه وه دِ مش مريم عارفين الكتكوت وهو مبلول ؟ هي دِ هيئة مريم بالتمام _ينهاااار كلمه طلعت مني لما استوعبت اللي بيحصل وليه خالوا وخالتوا هنا وكمان مريم خلتني البس عشان العريس طيب لما امسكها بالله لاعمل من فخادها كفته ببص على مريم لقيتها بتبصلي وكإنها بتعتذر على حاجه انا مش هسامحها فيها، ازاي يحطوني في الموقف دَ طيب انا ماشيه ومش قاعده هااه _وعليك السلام ورحمه الله وبركاته ايوا ايوا دَ صوتي برد عليا السلام بعد ما خالتو بصتلي بصه اللي هو هقتلك لو ما قعدتيش ساكته وماما طبعا مختفيه ومريم في وش الباب بتراقب الوضع تقريبا خايفين عليه مني _اخبارك يا آنسه حياه طمنيني عليكِ صوته فيه حاجه غريبه وجوده ملغبطني الوضع كله موترني انا عاوزه أكلم النجمه رديت عليه بصوت واطي و كإني خايفه اتلغبط _انا في زحام من النعم والحمد لله _ادام الله حمدك وحفظ الله النعم من الزوال _بصي بقى يا ستي انا اسمي فارس عندى 26 سنه وما عنديش ولا اب ولا أم ولا حتى اخوات ماليش في الدنيا غير ربنا وخالك كمال، وأنتِ لو لقلبي نصيب معاكِ بصيتله عاوزاه يكمل وقّف ليه انا مش زهقانه انا انا بالفعل عاوزه اسمعه ! تقريبًا فهمني كمّل وانا فضلت سمعاه ب فضول اه فضول وبس سكت وانا حبيت الهدوء بس باين أن الدور عليا ببص عليه لقيته مش ساكت دَ سرحان في تفاصيل وشي كإنه هيرسمه ! اتوترت اكتر ول**ني بقى عاجز بس لازم اتكلم _احم اسمي قاطعني وقال _اسمك حياه عندك 20 سنه في كلية إعلام بصيت عليه تاني على أمل أن عيونه تكون اتشالت بس لسه مركّز هو تقريبا حالف يوقف قلبي ملامحه هاديه تدخل القلب نظرته تربك بس ما تخوفش هو عرف اسمي ازاي وسني بدرس ايه اها اكيد خالو _احم احم ح حضرتك بتبص كدَ ليه _ دِ رؤيه ومن حقي _بتقيمني يعني _حاشا لله بالع** أنا بتأمل ابداع ربنا _وه وه قلبي وقف يا رجاله ضحك تقريبا وقال _عاوزه تسألي ف حاجه تانيه _ايوا _طيب اتفضلي يا حياه حاولت اتجاهل نبرة صوته وهو. بيقول اسمي وأخدت نفس _عندك هوايات _ايوا _ايه ؟ _القراءه والكتابه وبص في عيوني وقال بحب كاظم رديت بشهقه كاظم ! Flash back عقلي أخدني لمكان تاني، في يوم تاني، في يوم كان قلبي متلهف على مرسال، النجمه كانت لامعه بزياده، الجو دافي، ونسيم الهوا بيلاعب وشي، صوت خبطة الشباك، خطوات رجلي وهي بتجري، الضحكه اللي مليت المكان بسببي، والمرسال اللي مستنيني اقراه فتحته كالعاده بلهفه وقلبي قبل عقلي كان بيقرأ " علّمني حُبكِ أن أتصرف كالصبيان أن أرسم وجهكِ بالطبشور على الحيطان يا امرأةً قلبت تاريخي من الشريان الى الشريان علّمني حُبكِ كيف الحب يُغيّر خارطة الأزمان علّمني أني حين اُحب تكُّف الأرض عن الدوران علّمني حُبكِ أشياءً ما كانت أبدًا في الحُسبان فقرأت أقاصيص الأطفال دخلت قصور ملوك الجان وحلمتُ بأن تتزوجني بنت السلطان وحلمتُ بأن تتزوجني بنت السلطان " من قلبي وبصوت كاظم أُهد*كِ كلمات تصِف ما يحدث لي، و زيادة على كلمات كاظم اقول لكِ أنّ حُبك علّمني أن أعشق النجوم وأن اكون مثل الطيور أحلق وأدور عندما ارىٰ عيناكِ، حُبكِ مثل القهوة جميل ولكن الاشتياق مُر، لا تنسي القيام عزيزتي فَهوَ الرابط الوحيد الذي بيننا، إلى أن يريد الله أن تجمعني بكِ صلاة واحده، من قلب عاشق أضناه الشوق إلى عزيزة قلبه." back _اتن*دت بحزن علىٰ المرسال دَ كان نفسي ما يخذلنيش ويفضل يبعتلي مراسيل، بس هو مبقاش يبعت، بصيت ل العريس لسه نظره متثبت عليا وانا قلبي فيه حاجه غريبه بيدق كل اما ابصله، مش كفايه اهتميت لكلامه ، وكمان حبيت ملامحه، والمصيبه بيحب حاجات متعلقه بذكريات انا مش هنساها عشان كدَ اخدت نفس عميق واتكلمت بكل هدوء _بص يا استاذ فارس انا مقدره انك جيت لحد هنا، وانت اكتر من واحده تتمناك بس _ها و اي كمان _بصيتله باستغراب لقيته رافع حاجبه وكإنه بيتحداني اني اكمل _كملت بتوتر بس مش انا البنت دِ فرصه سعيده _ وحظ اوفر المره القادمه ها ها ها ها _هو مالو في اي هو ع**ط ولا بيستهزء بكلامي وعند النقطه دِ واسكوزمي بقااااا _ انت بتتريق عليا ! _ايوا _ ربنا يسامحك اهيء اهىء مش عارفه بعيط ليه بس حسيت اني مضغوطه وان فيه حاجه غلط بتحصل وانا أضعف من كل المواجهات دِ _طيب اهدي انا اسف والله مش قصدي ، طب حقك عليا ، بطلي عياط بالله عليكِ لو حد دخل علينا هيفهموا غلط وانا هتفرِم _ضحكت ايوا ضحكت ما انا أصلي مهزءه اه والله زي مابقولكم كدَ _ايوا كدَ يا شيخه خلّي الشمس تدخل مريم دخلت _لا ما تدخلش اوي كدَ _ضحكت اكتر ومريم فضلت بصالي وكإن ضحكتي وحشتها _ ايه نقول مب**ك وازغرط جت لعندي و بصتلي بكل حنية العالم ومسكت ايدي وقالتلي _قلبك كان صح واحساسك ما كانش بيكذب طلع بيحبك ومش بيلعب بيكِ انا اسفه اني كنت بضغط عليكِ انا كمان بس خلاص اهو عوض قلبك جه _انتِ بتقولي ايه ؟ انا مش فاهمه حاجه مريم بصتله وقالت _ هو انت ما قولتلهاش _ لا انا فكرتك قولتلها _ قاطعتهم وانا عقلي بدأ يتشوش _ ما قولتوش ايه ؟ _ مريم مسكت ايدي وقعدتني وهو بص ليا وقال _هحكيلك حكايه صغيرة، انا كنت ماشي في مرّه شوفت بنوتة عندها 15 سنه عيونها جميله كانت بتضحك كنت اول مره اشوف عيون بتضحك بالسحر دَ ، نظرتها حركات ايديها طريقة كلامها، تفاصيلها، قلبي حفظها وعشقها كإنها اميره جايه من زمن تاني مش شبه الناس اللي حواليا، عقلي اتشتت وكل تفكيره كان فيها عرفت أن البنت دِ بنت اخت راجل اكرمني وكان بمثابة والدي، راجل ما شوفتش منو اي حاجه وحشه غير كل الخير والطيبة اللي في الدنيا ، قررت اني ما اخذلش الراجل دَ وهشيل البنت دِ من تفكيري ، بس من غير ارادتي قلبي كان بيغرق في تفاصيلها ،مشيتها، اي اللي بيضحكها، مين صحابها ، لقيتني براقبها، حفظتها، قلبي اتعلق، عيني عشقت، وعقلي مش مشغول بحاجه إلّاها، 4سنين ونص مش بعمل حاجة غير التفكير فيها وطبعا يراقبها، لحد ما جه في يوم لقيت البنت دِ بتعيط، قلبي اتوجع، وكان قراره ان لازم لازم البنت دِ تضحك، وكإن القدر اترتب علشاني، الظروف عارفه اني مش هستحمل بُكاها ف وقفت جمبي، البنت دِ طلعت من شباكها طلّت على قلبي وانا براقبها من بعيد ، بتتكلم مع حد ونظرها متعلق في السما ف عرفت انها وكالعاده بتكلم النجمه، كتبتلها مرسال بقلبي وقررت اني اتجنن ما هو الحب من غير جنان مايبقاش حُب هتقولي ليه مرسال ما كان ممكن رساله على الفون طالما انت عارف كل حاجه عنها ، هرد واقول من امتى الأميرات بيتبعتلهم على الفون ، انا بعت مرسال من زمن قديم يشبه لسحرها، اتجننت ورميت المرسال على شباكها وان كنت أنا مجنون مره في هي أجن مليون مره نزلت اخدت المرسال، شوفت ضحكتها، وقلبي داب وغرق اكتر واكتر ، انا كنت مفكر أن المرسال هيبقى يوم ويروح لحاله وهفضل مراقب من بعيد ، بس ازاي هفوت على قلبي انو يتنعم بضحكتها وانو يكون السبب فيها مقدرتش ومرسال مع التاني انا بستنى ضحكتها وهي بتستنىٰ السبب في الضحكه دِ انا مش مستوعبه معقول البنت دِ انا معقول هو صاحب المراسيل وحاليا بيحكيلي حكايتنا بس من نظره هو ! معقول أن مالك قلبي قاعد قدامي اتكلمت برجفه وعيوني بتدمع _ طالما بتحبها بعدت عنها ليه _ بصلي وقالي هكملك بقيت الحكايه _فضل قلبي متعلق بيها وبضحكتها لحد ما جه في يوم والراجل اللي أكرمني اللي هو خالها قال من فرحته قدامي أن بنت أخته جالها عريس كويس وابن ناس ومن عيله، قلبي اتحسر وحسيت فيه بنغزه غ*يه ما قدرتش أواجه مقدرتش اني أسلب منها حق أنها تفرح وتختار مش مهم قلبي واللي هيجراله المهم انها تبقى مرتاحه ما هو عريس لقطه مين ترفض عريس مهندس ومن عيله وعنده ناس كتير حواليه وتختار واحد ماعندهوش اي حاجه يقدمها غير قلبه وشغل لسه بيبتدي فيه، قررت اني انسحب وما اضغطش عليها بالمراسيل قاطعته بعياط _ بس انا رفضت انا ما يهمنيش مهندس او غيره انا مش سطحيه انا لما قعدت معاه كنت بدور عليك فيه بس هو مش شبهك ولا قلبي كانت دقاته عاليه زي دلوقتي بعياط اكتر ليه ما جتش وسيبتني 30 يوم في حيره وكل اللي حواليا بيقنعوني انك بتتسلى انا قلبي كان مصدقك بس ماكنش مطمن قاطعني _ انا آسف لقلبك وآسف لحيرته بس انا لما عرفت انك رفضتي العريس كان لازم اعمل حاجه ما كنتش عاوز أظهر تاني غير لما اكون واثق من كل الجوانب كان لازم أكلم خالك واحكيله ما هو قلبي مش هيستحمل عذاب اني اترفض وانك ما تكونيش من نصيبي، كلمت خالك زعل مني وفضلت وراه لحد ما صفالي وبدأت اجتهد وكنت ناوي اقعد 6 شهور لحد ما اقف على رجلي اكتر واستحقك بكل المعاني بس ما قدرتش اول ما خالك وافق لقيتني بجيبه وجاي على هنا، وحياة قلبك عندي ما كنتش اعرف اني هعذبك معايا _ بصيتله بدموع بس دموع فرحه انو قدامي وانو مخذلنيش لقيت ماما داخله من غير مقدمات روحتلها وحضنتها بدموع بس الغريبه اني بضحك _جه يا ماما وطلع مش بيتسلى طلع بيحبني بجد واني مش عايشه في أوهام جه يا ماما طبطبت عليا وقالت لي _جه يا قلب ماما بصيتله وقالتله _ انا هد*ك أغلى ما عندي انا وهي مالناش غير بعض مش هقولك شيلها في عيونك عشان انا عارفه انك هتشيلها في قلبك بس هقولك حافظ عليها عشان هي قلبي كله _ ما اتوصنيش عليها ماعنديش أغلى منها بصلي وقالي _ تقبلي تتجوزيني، وتكوني امنيتي الأولى دايما، وأمي التانيه، وعيني التالته، تقبلي تتجوزيني واني أصلي بيكِ ودعواتنا تبقى واحدة وأسبح كل يوم على إيدك، تقبلي تشاركيني تفاصيل حياتي وتكوني الإيد اللي بطبطب على قلبي وقت حزني ، تقبلي بيا، بص في عيوني وقال _ اتقبلين بقلب عاشق أضناه الشوق يا عزيزة قلبه _ضحكت في وسط دموعي ، ازاي مجرد كلمات بسيطه ممكن تمس القلب كدَ وتعمل فيه كل دَ وض*باته بتزيد وكإنه بينازع عشان يخرج من بين ضلوعي ويروحله اتن*دت وقولتله _ موافقه اني اشاركك كل التفاصيل، وأكمل كل اللي جاي معاك، بس لو يوم اختارت البُعد قاطعني بلهفه _ عمري ما هبعد _ رديت بضحك ولو بعدت يعني أشدك وارجعك تاني احنا هنهزر ولا اي بصيتله وقولتله بهمس _وانت معايا يصعب عليا رمشة عنيا حتى لو ثانيه رد عليا بنفس الهمس _يصعب عليا ليغيب جمالك ويغيب دلالك ولو شويه _ضحكت بصوت عالي وقولت بت يا مريم سمعيني زغروطه _ لولولولولووليييي

Free reading for new users

Scan code to download app

App Store Google Play

Facebookexpand_more