جميله حد الف*نه

البارت الخامس

الفصل الخامس

بابا

-نعم ي سند

_كنت عايز أتكلم مع حضرتك في موضوع

-اتفضل ي سند سمعك

_كنت عايز اقولك اني شوفت بنت جميله معايا النهارده في درس القرآن، لابسة عباية طويلة وطرحه جميلة وكان شكلها زي أميرات ديزني

-بنت مين دي ي سند

_دي بنت عمو محمود جارنا

-استاذ محمود ايوا ونعم الأب ، طب واي الي شدك فيها عن بقية البنات ي سند

_والله ي بابا لقيتها ملتزمة ومحترمة ولبسها كله فضفاض وطرحة مش زي بقية البنات

-طيب ي سند وأنت عايز مني اي دلوقتي

_كنت عايز يعني ... كان نفسي تكون من نصيبي

-من نصيبك ازاي يعني مش فاهم ؟

_من نصيبي ي بابا يعني حلالي

اتزوجها يعني ، زيك انت وماما كده

الأب بأستغراب=وأنت تعرف اي عن الجواز ي سند

_اسمه زواج مش جواز ي بابا

-ههههههه جواز بالعاميه ، أما زواج بالفصحى ما علينا كمل ي سند

_الزواج ي بابا يعني اتنين بيساعدوا بعض ،اتنين بيحبوا بعض ، اتنين بيعيشوا مع بعض، اتنين بيأكلوا ويشربوا مع بعض بيشاركوا بعض كل حاجه ،زيك انت وماما

الأب بتعجب من لباقة ابنه=اممممممم ، طيب ي سند وأنت هتبقي قادر تشيل كل مسؤوليات الزواج الي انت قلت عليها دي كلها

_ان شاء الله ي بابا هحاول واعمل الي ربنا يقدرني عليه

-طب وهي ؟

_اكيد لو بقت من نصيبي هتحاول زيي

-وانت كلمتها ي سند

_لا والله ي بابا عمري ما كلمتها ولا هي ، احنا بس مع بعض في درس القرآن مش اكتر ، وانا عجبني لبسها وأخلاقها وصوتها في القرآن ، صوتها في القرآن جميل اوي

-ماشاء الله اللهم بارك

_واحنا كمان بنتنافس في القرآن مع بعض بس من غير كلام

-اممممم ، طيب ي سند اوعدك لما تكبر هسألك ان كنت لسه متمسك بكلامك ده وإن سار الأمر هحاول أجمع بينكم في الحلال

_شكرا جدا ي بابا مش عارف اقول لك اي

-متشكرنيش ، قول الحمدلله الذي هداني من غير حول لي ولا قوه ، سند انت مع صغر سنك الا انك بتفاجئني بحاجات أغرب من الي قبلها وده بيبين لي أن أنا طريقة تربيتي ليك صحيحة حتي في وسط المجتمع والزمن الي بقينا فيه والاولاد بقت حاجه استغفر الله الا من رحم ربي ، بشكر ربنا انو قدرني اني اربي ولد صالح زيك وان شاء الله ترفع رأسي دايما بأخلاقك وأحترامك وتفوقك الدراسي

_ربنا يقدرني ي بابا وأكون قد المسؤولية

- أن شاء الله ، بس عندي تعديل بسيط علي كلامك

_اتفضل ي بابا

-هي اسمها انت ولا حضرتك

_اسف ، اسمها حضرتك

-خلاص حصل خير بس متتكررش تاني ، احترام الكبير واجب صح ولا اي

_صح طبعا ، الحمدلله ان ربنا رزقني بأب زي حضرتك

-ده انا الي بشكر ربي كل يوم انو رزقني بأبن زيك خير سند بجد وانت اسم علي مسمي ي سندي?

........