الجزء الثالث عشر

1028 Words

ولاء وجهاد عرفوا يكونوا اصحاب وبعد ماخلصوا كلامهم رجعوا تاني لسميرة وسامية والبنات وكان يوسف قاعد معاهم والبنات سميرة: ايه كل ده تأخير ولاء: ياستى كنا بنتمشى متخافيش على جهاد دى بنت جدعة وزى العسل سميرة: ماهو ده اللي مخوفني يوسف: مدام ولاء ينفع اكون موجود معاكم بليل ولاء: طبعا ي استاذ يوسف مفيش حاجة تمنع وبعدين انا مش دجالة متقلقش يوسف: لا والله مقصدش الموضوع مالهوش علاقة بثقتي في حضرتك ربنا العالم سميرة بتقول ايه في حقكم لكن انا عايز اكون مع جهاد في الوقت طبعا مامتها وانتم معاها الخير والبركة بس الفكرة انى عايزها تحس انى مش سايبها لوحدها في موقف زى ده ولاء: حضرتك تشرف يااستاذ يوسف ومش محتاج تبرير خلص يوم البحر وكل اسرة رجعت الشاليه بتاعها وابتدا في كل اسرة يدخل فرد فرد ياخد الدش بتاعه ويطلع يناااام علطول من تعب البحر سميرة جهزت اكل الغدا قبل ماتنام شواية وقالت اول م اصحى اسخن الاكل ونتغدا ونروح ل ولاء خلصت ونامو كلهم وفي حلم جهاد الكائن اللي ظهرلها في البحر : خليكي فاكرة التحذير بلاش تحاولى تجربي تخالفى التحذير في الحلم جهاد بترد: لكن انا عايزة اشوف العالم بتاعكم نفسي اوى اشوف المملكة اللي تحت البحر نفسي اشوف ملامحكم الحقيقية عاملة ازاي الكائن: انتى مش خايفة جهاد: مش عارفة بصراحة بس الفضول عندى اقوى بكتير من الخوف الكائن: لكن انتى ممكن مترجعيش تانى للعالم بتاعك جهاد: ليه ..ويعني ايه مرجعش الكائن: يعني اكيد هيعجبك العالم بتاعنا ومملكتنا ..هتعجبك اشكالنا وقدراتنا ..كل حاجة في مملكتنا هتبهرك وهتخليكي مش عايزة ترجعى تانى لسطح الارض جهاد: مش عارفة ..تفتكر ممكن فعلا اتخلى عن بيتي واهلي واقرر اعيش في مكان عمري ماكان ليا علاقة بيه ..مش عارفة افكر ولا اقرر ..عموما انا هحاول اوصل لقرار ولو لقيت نفسي مستعدة هنزل البحر ولو لقيت انى اجبن من التجربة اكيد مش هنزل الكائن : خدى قرارك بعد تفكير خلص حلم جهاد لكن كملت نومها وفي حلم يوسف دخل عيادة دكتور نفسي وبداء يتكلم :انت مش هتشوف المكتوب والمستخبي ..محدش هيشوف المكتوب والمستخبي غيري...هي اللي قالتلي كده الدكتور في الحلم : هي مين يوسف: اللي خلتنى اقتل بنتى الدكتور بلع ريقه بصعوبة : تقتل بنتك ازاي يوسف في الحلم:بنتى كانت ملتزمة ومحبوبة من الكل وبطبيعة شغلي مكنتش بتعامل معاها كتير وامها متولية كل امورها وعمرها م اشتكيت منها لكن فجاءة ابتديت تقولي بنتك بقيت غريبة ..بنتك بقيت تكلم نفسها..بنتك الناس بتبعد عنها...المدرسة بعتتلها ٧ استدعاءات ولي امر اتفاجئت بكل الشكاوى دى ..ايه اللي هيوصلها ل كده دى طفلة بالنسبالي وفعلا روحت المدرسة علشان ابداء اسمع اغرب كلام سمعته عن بنتى واد ايه هى بقيت عدوانية ومعظم اليوم بتتعاقب وبتتحرم من حضور الحصص وخرجت من اوضة المدير علشان ينادى عليا غفير المدرسة ويسألنى اذا كنت انا ابو جهاد الملبوسة استغربت جدا واتعصبت من الكلمة وقولتله ايه ياراجل يامجنون انت دى كلمة تقولها على طفلة ول ابوها كمان الغفير: يااستاذ معلش انا بس الكلام اللي هقولهولك محدش غيري هيقوله ف اتكلمت بعشم معلش انا اسف يوسف: خير كلام ايه الغفير: شوف يابيه بنتك اول ماجت كانت طبيعية زى كل الاطفال لكن في مرة وقت الفسحة طلعت الدور العلوى والدور ده نوعا ما مهجور هو مش كله للامانة لكن فيه قاعتين جنب بعض مسمينهم غرف العقاب اي طالب بيتجاوز الحدود المدير بيعاقبه بالحبس في واحدة من الاوض دى لمدة حصتين وفي سنة من السنين كان عندنا طفل اسمه يس شقي جدا وعلطول يتعاقب ومحدش كان يعرف اهله مين طفل غريب جدا كان بليل اللي يصادف ويقا**ه يشوف عنيه سودة خالص لكن بالنهار بيكون طبيعي ومن غرابته وشقاوته كان دايما يتحبس في القاعة بتاعت العقاب وفي يوم وهو بيتعاقب قامت حريقة كبيرة فجأة في الدور العلوى ومن يومها اختفى يس ومبقاش منه غير حكايته والناس اللي تقول كان شيطان واللي يقولوا كان ممسوس وحكايات من دى بس ده كله كوم واللي شوفته بعيني كوم كنت كل م اطلع انضف الدور العلوى اشوفه نايم في حمام الدور غير الاصوات اللي ترعب اللي كانت بتطلع منه لحد مابطلت اطلع فوق خالص وفي اليوم اللي بنتك طلعت فيه فوق محدش حس بيها ولا حد عارف حصلها ايه لكن من ساعتها وهى مش طبيعية يابيه حاول توديها لشيخ يشوفها متستهونش بكلامى بصراحة يادكتور سمعته ومعلقتش وخدت نفسي ومشيت من غير رد لكن مقتنعتش بكلامه وفي يوم كنت في شغلى وفي رجعتى لقيت الناس ملمومة وبيتي والع ومراتي وبنتى الصغيرة ماتو لكن الغريب ان جهاد الوحيدة اللي محصلهاش حاجة الناس بيقولوا المطافي دخلت الشقة لقيتها نايمة في الحمام ومن اليوم ده بيخافوا منها مع انى كنت شايفها طبيعية بسبب خوف الناس خدت بنتي ومشينا من البلد وبرغم انى مش شايف فيها حاجة مختلفة لكن ابتديت احس بمراتي معانا في البيت احس بصوتها في ودنى وهي بتقولي اخلص منها يايوسف دى شيطان هى اللي قتلتنا بقيت اقنع نفسي ان ده من صدمتى من اللي حصل اتكرر معايه ده يوميا لمدة شهر واحس انى شايف بنتهي جهاد مش*هة لحد مافي يوم وانا قاعد سرحان لقيتها واقفة قدامى بجمود وقالتلي بالحرف مراتك عايزاك تقتلني لا انا مش هموت انا هموتكم كلكم انتم سكنتم في بيتي واذيتو اولاي وكنتم بتقلبو المياه السخنة عليهم في الحمام لحد ماخلصتو عليهم وعلشان كده هخلص عليكم اتصدمت من الكلام يادكتور ومحسيتش بنفسي وطلعت جري على المطبخ جيبت سكينة ورجعت لبنتى ملقيتهاش جريت على اوضتها لقيتها قاعدة ع السرير مبتسمه ومستسلمة جريت عليها وغرزت السكينة في رقبتها وهنا قبل مايوسف يكمل كلامه او الدكتور يرد كان فتح عنيه وهو مرعوب يكون اللي شافه ده حقيقي وانه قتل بنته لكن ابتدا يهدا لما شاف نفسه نايم على سريره وجنبه مراته اخده نفسه وقام يشرب مياه وحاسس من الخضة ان جسمه كله كأنه قطعة ثلج دخل اوضة البنات يطمن عليهم لقاهم نايمين هدا وخرج قعد قدام الشاليه وهو بيقول لنفسه ايه الرحلة اللي عفرتتنا دى انا زهقت وعايز امشي بقى هنا دخلت سميرة اللي صحيت ملقيتش جوزها جنبها ايه يايوسف بتكلم نفسك يوسف: لا ياسميرة بس موضوع جهاد من كتر مابفكر فيه بقيت بحس انى مش مظبوط وبحلم بكوابيس غريبة وقلقان بصراحة الموضوع ده يأثر علينا ومنعرفش نخلص منه سميرة: متقلقش ان شاء الله ربنا هيهون علينا ويبعد عننا الاذى والشيطان ده انا هقوم اصحي البنات ونتغدا ونروح ل ولاء نشوف ايه اللي هيحصل يوسف: ماشي انا هروح اجيب حاجة تتشرب مع الاكل لحد ماتخلصوا طلع يوسف للسوبر ماركت ودخلت سميرة صحيت البنات وحضرت الغدا واتجمعوا على الاكل وكل واحد منهم دماغه مشغولة باللي بيحس بيه ويحصل حواليه لحد ماخلصوا الاكل وطلب يوسف منهم يجهزوا نفسهم علشان يروحوا عند ولاء

Free reading for new users

Scan code to download app

App Store Google Play

Facebookexpand_more