الجزء الثامن

1023 Words

قررت ولاء تطمن سميرة اكتر للكلام ولاء: بصي ياسميرة اوقات الناس بتكبر مواضيع كتير مالهاش قيمة وفي المقابل في ناس تنية بتحاول تتفه المواضيع ومتهتمش برغم ان وقتها ممكن المواضيع تكون فعلا محتاجة انك تهتمي بيها هحكيلكم حكاية حصلت من كام سنة كده في منطقة انا كنت عايشة فيها كان عندنا من قيمة كام سنة كده سوق صغير او ناس بتقف تبيع حاجات يعنى قدام التُرب “المقابر” .. لان الترب كانت فى مساكن شعبيه وكده .. المهم كان فى واحده مجنونه اسمها سنية كانت عايشه فى التُرب دى .. بس كلهم كانوا فاكرينها عفريته .. عشان كده كانت بتطلع تاخد اى حاجه من على اى عربيه من غير ما حد يفتح بوئه وكأنه مش شايفها اصلا .. فى يوم دخل بياع جديد السوق ده وجات سنية دى تاخد حاجه من على عربيته .. شخط فيها وقالها غورى يا بت من هنا يلا .. وفجأة شاف ذهول من السوق كله .. كلهم متنحين .. سنية جريت على التُرب .. اول ما سنية جرت كلهم بسرعه جدا لموا فرشتهم وجروا كل واحد يروّح بيته .. تانى يوم الصبح سأل البياع الجديد ده على اللى حصل فى ايه يا جدعان ايه اللى حصل ده! قالوله انت مجنون انت ما تعرفش انت عملت ايه!! دى سنية خدامة الناس اللى جوه ( يقصد الناس اللى جوه الجن والعفاريت ) . هى اللى بتدخل تجيبلهم اكلهم وشربهم وتطبخلهم . كانت ردة فعل البياع الجديد ده اتعصب جدا لا اراديه وقال : انتوا مجانين ولا مبرشمين! هو فى ميتين بياكلوا ويشربوا يا ولاد المجنونة!! قالوله طب استحمل بقى اللى هتعمله فيك يا حدق قالهم لا انا مش هستنى هى اللى تعمل انا اللى هدخلها كلهم اتفاجئوا من قراره ده لدرجة انهم افتكروه بيهزر وقالهم لا ما بهزرش بس تدونى كام لو دخلت لحد قبر سنية ؟ قالوله هنخليك كبير السوق وعربيتك تبقى اول عربيه بس تاخد الوتد ده “خشبه بتدق فى الارض” دقه جمب قبر سنية عشان تثبتلنا انك دخلت قالهم تمام وخلاص اتفقوا فى نفس اليوم بليل دخل البياع الجديد ده ووصل لحد قبر سنية كان لابس جلابيه وحط الوتد فى الارض وبدا يدق عليه بس من الضلمه ماخدش باله انه بيدق الوتد على الجلابيه خلص دق وثبت الوتد فى الارض وطبعا الجلابيه فى النص وقام يمشى لقى اللى بيشده “الجلابيه ثابته فى الارض خاف جداً وخاف اكتر يبص وراه يشوف ايه اللى بيشده ده قرر يستخدم قوته ويجرى وكل ما يجرى مايعرفش يتحرك “ومن خوفه” قلبه وقف ومات مات من المجهول مات من خوفه من المجهول لو حد سأل البياع الجديد ده انت عيشت عشان ايه هيقولهم ما اعرفش ولو حد سأله طب موت ليه؟ هيقولهم بردوا ماعرفش ما تعملش للمجهول قيمه لان بمجرد مواجهتك ليه هتنتهى كل مخاوفك منه وللعلم البياعين اللى فى السوق هما اللى كانوا عاملين قبر سنية باديهم وعارفين ان مافيش حد مدفون فيه واقنعوا نفسهم انها عفريته وان فى حد مدفون فى القبر : خلصت ولاء كلامها وكانت سميرة وسامية بيسمعولها ب اهتمام سامية: سبحان الله ياولاء يعني الناس عارفين ان التربة فاضية وخوفوا نفسهم ولاء: اه ياسامية الناس بتكبر الحاجة اللي مش مستاهلة وبتصدقها وتقنع نفسها بيها وفي حاجات تانية بتبقى حقيقية وظاهرة لكن وقتها بيغموا عنيهم وبيحاولوا يكذبوا نفسهم بصي ياسميرة انا بحكيلك الحكاية دى علشان اوصلك فكرة انك اتعاملي مع كل المواضيع على انها مهمة لحد ماتتأكدى من حجمها يعني متتأكديش ان التربة فاضية وتوهمى نفسك ان سنية بتخدم سكانها ومتبقيش عارفة ان بنتك عندها مشكله وتتعاملى على انها مش موجودة علشان تطمنى نفسك سميرة بمنتهى التركيز: عندك حق ياولاء واضح انى مقصرة فعلا وانا مش واخدة بالي انا هحكيلكم كل اللي حصل وفيدونى وابتديت سميرة تحكي من اول م جارتها جابتلها السمكة لحد مارجعوا اخدوها من عندها وخلصت المصايب اللي كانت بتحصل بسببها لكن جهاد لسه كل فترة بيتهيألها حاجة تخص السمكة ولاء لأنها من اول ماشافت جهاد وهي حاساها مختلفة وده مخليها مش متفاجئة من كلام سميرة سامية بتسمع والقلق بداء يدخل قلبها وعند هاجر وجهاد بعد ماحكيت جهاد لهاجر كل حاجة هاجر : طيب ياجهاد تفتكري ان انتى مش بتحلمى مثلا اصل اللي بتحكيه ده حساه مش واقع او حقيقي يعنى ممكن زى مامتك مابتقول انتى لسه متأثرة بالمشكلة ولسه مش قادرة تتخطيها جهاد: لا ياهاجر والله صدقيني مش مجرد حلم ده بيكون حقيقي وببقى صاحية وببقى مشغولة يعني مش سرحانة مثلا واقول عقلي صورلي كده عارفة انا بقولك ممكن يكون حلم لأنى مرة حلمت حلم مرعب وفضل مأثر على نفسيتي فترة بسبب اقتناعى ب انه كان حقيقة مش حلم جهاد: متعمليش زى ماما ياهاجر بالله عليكي انا متأكده انه حقيقي هاجر: خلاص ياجهاد انا بحاول اخفف عنك شواية بس اقولك على حاجة لو حكيتي لطنط ولاء ممكن تساعدك هي بتفهم اوى في المواضيع دى اللي فيها سحر وحاجات غريبة كده جهاد بسرحان: طنط ولاء ازاي مجاش في بالي اقولها لما اتكلمت معايه وسألتنى هاجر: سألتك هى طنط ولاء سألتك على حاجة تخص الموضوع ده جهاد: لا مش الموضوع ده بالذات لكن حسيتها عايزانى احكيلها حسيت انها عارفة بيحصل معايه ايه هاجر: لو حسيتي كده من طنط ولاء يبقى هى فعلا عارفة ان فيه حاجة مش طبيعية جهاد: طيب يلا بينا نروحلهم هاجر: وهتتكلمي عادى قدام مامتك جهاد: اه طبعا انا مش بخبي عنها حاجة هاجر : يلا بينا قومي نمشي في الشاليه وصل يوسف ولقى ان البنات وسميرة لسه مرجعوش قرر يشغل الراديو ويقعد في الفراندة ويدندن مع الاغنية اللي اشتغلت أنا بعشق البحر زيك يا حبيبي حنون و ساعات زيك مجنون و مهاجر و مسافر و ساعات زيك حيران و ساعات زيك زعلان و ساعات مليان بل**ت انا بعشق البحر أنا بعشق السما علشان زيك مسامحة مزروعة نجوم وفرحة وحبيبة وغريبة عشان زيك بعيدة و ساعات زيك قريبة بعيون متنغمة انا بعشق السما أنا بعشق الطريق لأنه فيه لقائنا و فرحنا وشقائنا و أصحابنا و شبابنا و فيه ضحكة دموعنا و فيه بكيت شموعنا و ضاع فيه الصديق انا بعشق الطريق انا بعشق البحر و بعشق السما و بعشق الطريق لأنهم حياة و انت يا حبيبي أنت كل الحياة علشان تخلص الاغنية وتتقطع الكهربا لكن الغريب ان كل الشاليهات فيها كهربا الا عندهم وده خلاه يستغرب لأن مفيش حد لعب في اي مفاتيح او حتى اى فيشة تعمل قافلة طيب ليه قطع عندهم قام من مكانه ودخل يشوف في ايه في الكهربا وهو مش شايف كويس بسبب الضلمة لحد ماحس بصوت نفس جنبه وهمس بيقوله جهاد ...جهاااد يايوسف

Free reading for new users

Scan code to download app

App Store Google Play

Facebookexpand_more