لعنة سمكة

الجزء الثاني

سميرة: ياام امنية طمنيني حرام عليكي انتي رعبتيني في ايه مالها السمكة

ام امنية: مفيش حاجة ياسميرة شوفي علشان انتي بس حبيبتي السمكة دى مينفعش فعلا ترميها لازم تديها لحد

هي المفروض انها زي م ام داليا قالتلك سمكة بتجيب البركة

لكن اللي عندك لا اوعي ترميها لازم حد ياخدها منك

سميرة بدموع: بناتي ياام امنيه تكون عايزة تأذي بناتي مش معقول هو انا عمري ضريت حد علشان حد يفكر يضرني ويضر بيتي يلا حسبي الله ونعم الوكيل انا اسفه ازعجتك بس امانة في رقبتك لو عندك حاجه لازم تقولهالي متتأخريش عني اعتبريني اختك

ام امنية بحزن وزعل : معنديش ياسميرة اللي ينفع اقولهولك مش هتقبلي اني علشان انصحك يتخرب بيتي بس قولتلك لازم تخلصي منها

سابتها سميرة ونزلت بالسمكة بيتها تاني ودماغها فيها مليون توقع البنات شافوها نازلة سرحانة كده

سهاد: ايه طنط طردتك ولا ايه

جهاد : ايه ياماما مالك طالعه بشكل ونازله بشكل تاني وجايبه السمكة ليه هي طنط محبيتش تاخدها

سميرة ساكتة وسرحانه وعنيها مدمعه

سهاد: مالك ياماما في حد زعلك ساكتة ليه

سميرة: انا نازلة لأم داليا ورجعالكم

وقبل ماتسيب بناتها وتتحرك قطع النور وبما ان البنات لوحدهم في البيت قالولها لا ياماما استنى النور ييجي وانزلي

جهاد: روقي كده ياماما واحكي ايه اللي حصل

سميرة: معلش يابنات انا عندى صداع يروح بس واحكيلكم يارب النور ميطولش

جهاد: خلاص ياماما افردي انتي جسمك كده لحد م النور ييجي تكوني روقتي وتحكيلنا حصل ايه

سهاد: جهاد تعالي قومي معايه نجيب الكشاف بدل الضلمة دي

دخلو البنات الاوضة وجابو الكشاف وشغلوه لقوا مامتهم راحت في النوم قررو يطلعوا مب**كة من تحت سريرهم يتفاجئو ان السمكة بقيت ٢ تاني

جهاد : ايه ده بقى انتي كل شوايه هتزيدي واحدة ده احنا لسه مخلصناش من الجديدة ولا ايه ياسهاد هنعمل ايه

سهاد: مش عارفة ياجهاد انا بس عايزة اعرف ماما مالها وليه نزلت تاني بالسمكة وليه نازلة زعلانة ومش عايزة اصحيها علشان الصداع اللي عندها

النور رجع

سميرة قاعدة مع البنات مش نايمة

السمكتين الجداد مش موجودين

المب**كة القديمة في مكانها تحت السرير

جهاد متوترة

سميرة بتبص حواليها وبتحاول تفتكر في ايه كان بيحصل من بعد الغدا لحد الوقت اللي تركيزها رجع فيه

سهاد:مالكم في ايه بتبصو لبعض كده ليه وانتي ياماما صحيتي يعني محسيناش بيكي ولا شوفناكي مع ان الكشاف والع عاملة ايه دلوقتي واحكيلنا ايه زعلك

سميرة: ايه ده نمت امتى وعاملة ايه في ايه وزعل ايه في ايه ياسهاد انا مش عارفه تايهه كده ليه ومش فاكرة غير اننا كنا بنتغدا

جهاد بقلق: ماما انتي طلعتي لطنط ام امنيه تديلها السمكة الجديدة ونزلتي من عندها زعلانة اوي والسمكة معاكي وكنتي نازله رايحة مشوار مقولتيش فين ولما النور قطع نمتي وقولتي عندك صداع ولما رجعت الكهربا تاني لقيناكي قاعدة معانا مش نايمة والسمكة اللي كانت معاكي مش موجودة وكان في سمكة جديدة كمان ملقينهاش

سميرة: مش فاكرة بس انا قلقانه عايزة ارمي السمكة دى وقامت من مكانها تجيب كيس تحط فيه السمكة وتنزل ترميها علشان تتفاجئ ب نار طالعه من المطبخ كأنه بيولع

طبعا صرخت وجهاد بتصرخ لكن سهاد صوتها مش طالع

جريت سميرة وهي بتحذر بناتها يقربو من المطبخ علشان تلاقي جهاد واقفه بتصرخ لكن سهاد مش موجودة

سميرة بصراخ: فين اختك ياجهاد البنت دخلت المطبخ وبتصرخ

جهاد: بعياط وصراخ لا ياماما كانت واقفه جنبي هنا انا قولتلك في حاجه غلط بتحصل فكرتيني بحلم وهيسترية عياط

سميرة جريت تخبط على جارتها اللي قدامها ودخلو الناس معاها يطفو النار وفعلا طفوها واطمنو عليهم ويكلمو سميرة وجهاد وهما مبيردوش ومتنحين ل سهاد اللي ظهرت فجاءة طبعا الجيران مقدرين خضتهم وصدمة الحريقة مش فاهمين حاجة استأذنو وخرجو

سميرة وجهاد: سهاد انتي كنتي فين رعبتينا عليكي

سهاد: انا اهو مروحتش اي مكان مالكم في ايه

سميرة : يعني ايه مروحتيش احنا ساعة الحريقة ملقيناكيش

سهاد: حريقة ايه ياماما انا قاعدة مقومتش من مكاني ومشوفتش اي حريقة

سميرة وجهاد بصو لبعض بقلق

صوت جرس الباب

فتحت سهاد شافت ام امنية دخلت علطول على اوضة البنات هى عارفة البيت ومكان قعدتهم لانهم متداخلين مع بعض

ام امنيه: سميرة بصي هبعتك عنوان في واحدة تطلبي تقابليها اسمها الشيخ سعد واحكيلها اللي حصل كله

سميرة: واحدة واسمها شيخ سعد وايه بالظبط اللي احكيهولها وليه وانتي سمعتي اللي حصل طب مانزلتيش ليه

ام امنيه: لا سمعت ايه هو حصل ايه انا بكلمك ع اللي حصل فوق

سميرة: ايه اللي حصل فوق وامتى وازاي مسمعتيش صريخنا ولا حسيتي بالحريقة اللي كانت عندى وبرضو مقولتليش مين دى اللي اسمها شيخ سعد

ام امنيه: حكيتلها اللي حصل فوق كله وحلفتلها انها محسيتش بالحريقة وانا معلش سامحيني مش هقدر اتكلم معاكي اكتر من كده علشان متضرش ربنا يبعد عنكم الوحش ياحبيبتي وينجيكم يارب حقك عليا

وسابتهم وطلعت

وجهاد وسميرة وسهاد متفاجئين باللي بيحصل وبيشوفوه وبالذات لما شافو السمكات ال٣ موجودين

لكن قررو ان يوسف ميعرفش حاجه علشان ميعملش معاهم مشكلة ولا مع ام داليا بالذات بعد مااقتنعو ان مب**كة هي اللي فيها حاجه غلط من وقت مادخلت البيت

فات الوقت عليهم بطئ كل واحدة بتفكر وسرحانة في الموضوع بسنها وطريقة تفكيرها لكن سميرة مش مستوعبة ليه ام داليا تعمل معاها كده وتفكر تضرها

البنات بينامو لكن من القلق مش عايزين يسلمو للنوم

سميرة : يابنات لازم تنامو مش هينفع بابا يلاحظ حاجه وبكرة في مدرسة يلا علشان مش مستحملة كلمة من غير مناقشة قومو اغسلو اسنانكم ونامو بقى

البنات باستسلام عملو اللي مامتهم قالت عليه مش عايزين يضغطوها اكتر

وسميرة سرحانة في مواقفها هي وام داليا وتفكر اشمعنى تفكر تأذيها هي ده حتى بنتها وابنها اكبر من ولادى ومتجوزين وبنتها حامل كمان وجوزها راجل المنطقه كلها بتحلف بيه هتضرني ليه وليه انا مش ام امنية لو قولنا اننا اقرب ٢ ليها لحد الساعه ٤ الصبح دماغها هتنفجر ولانها مش عايزة تبين ده لجوزها قبل ميعاده قامت جهزت العشا وسابته ع الرخامة لما بتعمل كده بيبقى عارف انها نامت متاخر او تعبانه ومقدرتش تستناه وبرغم انها مش جايلها نوم لكن حاولت تصطنع النوم علشان ميقلقهاش وياخد باله من منظرها الوقت فات عليها بطئ جدااا وحاسة بجوزها لما وصل واكل واخد الدش بتاعه لحد مادخل نام وحاسه بالبنات وهما بيجهزوا للمدرسة واول الساعه ماجت ٩ الصبح قامت جهزت وصحت يوسف بالراحة قالتله رايحة اجيب عيش ورايحة السوق اجيب اكل الاسبوع وافق وكمل نومه وهي نزلت راحت للشيخ سعد وجواها مليون سؤال وخوف ورعب محسيتش بيه قبل كده

وصلت العنوان لقيته شقه عادية بنت فتحتلها ودخلتها لقيت ستات كتير قاعدة مستنية الشيخ سعد تخلص حكاية واحدة ورا التانيه

سميرة وهي بتوصف الشيخ سعد: ست كبيرة في السن جسمها مليان جدا وشعرها ابيض قصير شكلها طبيعي لكن مش اسمها الحقيقي الشيخ سعد لا هي لها تابع او ( ملبوسة ) زي م الناس بتقول اسمه الشيخ سعد اول مابيحضر عليها صوتها بيتغير ويبقى صوت راجل والمفروض ان هو اللي بيتكلم مع الحالات اللي بتروحلها عن طريق وجوده في جسمها ومفيش اي حاجة غير كده بتحصل يعني لابخور ولا اشتاتا ولا اي تعاويذ تدل على دجل وشعوذة ده حتى كل الحالات والست نفسها ( الشيخ سعد) قاعدين في نفس الاوضة وكل اللي بتاخده من اي حاله ١٠ جنيه

( على فكرة الست دي فعلا موجودة بنفس الوصف)

سميرة قاعدة بتسمع الحالات اللي بتقابل الشيخ وبتستعجب ايه اللي بيحصل ف الدنيا ده يارب ارحمنا لحد ماجه دورها

وحكيت سميرة كل حاجة للشيخ سعد اللي رد عليها

السمكة دي اترش عليها عمل مع الشاى ولما حطتيها تحت سرير بناتك يعتبر عديتو على العمل ده وبدائت تحصلكم الحاجات اللي بتقولوا عليها ولازم السمكة دى محدش ياخدها غير صحبتها ولو رفضت تاخدها منك اعملي اللي هقولك عليه بالحرف

كل يوم مرتين تصفي الشاى اللي ع المب**كة في كوباية وتروحي تقلبيه قدام باب بيتها ولو هي عديت عليه هيع** عليها هى واللي بيحصل عندك ده هيبقى عندها هي دى عملاه بالجنان والخراب والمرض واوعي تديها لحد هيحصل للي هياخدها منك نفس اللي حصلكم الحقي نفسك لانها لو طولت عندك مش هتعرفي تلحقي بيتك ولا عيالك

وخلصت مقا**ه سميرة مع الشيخ من غير اي رد علشان تنزل من عندها ودموعها نازله قبلها من الخوف على عيالها وبيتها ومن صدمتها في جارتها

كل اللي عملته انها رجعت على بيت ام داليا اللي اول ماشافت سميرة قدامها قالتلها كنت مستنياكي.

سميرة بعياط وحرقة: ليه كده احنا عمرنا عملنالك حاجة وحشة ازاي تعملي فينا كده عندنا ايه مش عندك بصيتي لأيه وطمعتي فيه دي ماشيه معانا بالستر منك لله ايه الشر ده

ام داليا بحزن: ادخلي ياسميرة مش هينفع نتكلم هنا وانا هقولك ع السبب..