لعنة سمكة

الجزء الثالث

دخلت سميرة عند ام داليا وهي منهارة من العياط

سميرة: ها ياستي دخلت اتفضلي قوليلي ليه تبليني بالمصيبة دى انتي لازم تيجي تاخديها انا بيتي ولع وانا وبناتي بنشوف حاجات مبتحصلش وبتحصل حاجات وبننساها انتي جيبتلنا جنان الله لا يسامحك

ام داليا بهدوء: حقك عليا ظلمتك بس كان مش قدامي حد غيرك والله عمري ما اتمنيت ليكي اذية انا هحكيلك اللي حصل مع اني عارفة انه مش مبرر للي عملته

بصي ياستي انتي عارفة ان داليا كانت قاعدة عندى هي وولاها علشان جوزها سافر

سميرة : ياام داليا انا مش عايزة تطويل في الكلام شيلي المصيبة دي الاول وبعدين نتكلم

ام داليا: مش هينفع اخدها منك اسمعي واعرفي عملت كده ليه

داليا وهي قاعدة عندى طبعا كل يوم والتاني حماتها عندى علشان تشوف العيال وكل ماتيجي تقولها والله يادودو من ساعة مامشيتي وجوزك سافر والبيت مقبض ده حتى ريحته بقيت وحشة تروح داليا لما تسمع كلامها تبقى عايزة ترجع معاها لكن جوزها مش بيوافق هو عنده اخوات شباب في البيت مينفعش تقعد هناك لوحدها وهما موجودين حتى لو مامته موجودة وفي نفس الوقت اخوات جوزها عايزينها تخدم امهم وبنتي عازلة نفسها برضا جوزها

تيجي الست وتروح وتعيد نفس الكلام وفي مرة بتقولها البيت ريحته اتغيرت من اول مامشيتو وعلشان داليا بتاخد الكلمة على انها بتحفذها انها ترجع معاها رديت عليها قالتلها ياست الكل ده ريحتك في البيت مسك وعنبر كفاية وجودك

سكتت حماتها وهي مبتسمة وقالتلها ربنا ميحرمنيش منك ياحبيبتي بس على فكرة ياداليا انا بتكلم بجد من اليوم اللي مشيتي فيه والبيت فيه ريحة وحشة اوي مش عارفه ايه سببها كل مااطلع ل (سامح اخو جوز داليا) وافوت على شقتك اشم ريحة وحشة اوي هو انتي سايبة لحوم ولا سمك برة التلاجة ولا فيه زباله في الشقه والله انا كنت م**وفه اقولك كده احسن تفكري اني عايزاكى ترجعي معايه

او اخد مفتاح شقتك اشوف فيها ايه.

داليا: لا طبعا مش سايبة اي حاجة تعمل ريحة وفاصلة التلاجة ومفضياها وبيتي نضيف وبعدين ياطنط كنتي عرفتيني ايه اللي م**وفة ده مش بتقولي اني بنتك هو انتي هتت**في من بنتك لكن انا معنديش مشكله تاخدى المفتاح لكن لازم اجي اشوف في ايه احسن يكون فار ميت جوة ولا حاجه .

قامت داليا تكلم جوزها ووافق بالعافيه انها تروح بسرعة تشوف البيت وترجع جهزت بسرعه وسابت ولادها ونزلت هي وحماتها ع البيت من مدخل البيت للدور الاول بتاع حماتها مفيش اي حاجه لكن وصلت الدور التاني بتاع شقتها شميت ريحة كأن في جثة مرمية قدام الباب ق*فت جدا وكل ماتقرب من باب الشقة تزيد الريحة لحد مافتحت الباب حماتها علشان عندها ازمة في ص*رها مستحملتش الريحة وقررت تنزل تستناها تحت دخلت داليا شقتها الريحة بتزيد وتلف في البيت كله مفيش اي حاجة فتشت ودورت في كل مكان ملقيتش اي حاجة شالت السجاد وفتحت الشبابيك والبلكونة تهوي البيت وطلعت مراتبها البلكونة ومسحت الارض بالمعطر وحسيت ان الريحة هديت شوايه كلمت جوزها قالتله اللي حصل وبلغته انها هتسيب السجاد والمراتب في البلكونة طول اليوم وتروح اليوم التاني تشيلهم

برغم احساسه انها مكبرة الموضوع لكن وافق هو بيغير عليها جدا لكن الثقة طبعا موجودة اتفق ان مامته هتروح تجيبها واخوها يرجع ياخدها وافقت وده فعلا اللي حصل

بعد مارجعت بيت مامتها حكيت اللي حصل واتفسر الموضوع على انه من قفلة الشقة ومحصلش احداث مهمة يعني

راحت تاني يوم البيت لقيت على باب شقتها السمكة دي وياريتها مالقيتها ياسميرة

طبعا داليا استغربت ايه دى ومين حطها قدام شقتي انا ناقصة زبالة

رديت حماتها: والله يابنتي م اعرف مين حطها لكن اعرف ان دي سمكة مرزقة وجلابة خير يمكن رزق وجايلك انتي وجوزك وعيالك

داليا : لا ياطنط مرزقة ايه دي خرافات دى شكلها وحش اوي وبعدين اخدها اوديها فين حرام احبسها هنا وانا مش موجودة

حماتها: براحتك ياحبيبتي بس لو مستحرمة ترميها خديها عند مامتك دى كل اكلها انك تحطى عليها شاى يمكن تكون مب**كة فعلا وجوزك ميحتاجش للسفر خليه يرجعلنا بالسلامة

داليا وكأنها محبيتش تحرج حماتها: انا مبصدقش في الكلام ده بصراحة لكن هاخدها علشان حماسك ده ياطنط مين عارف لعله خير ان شاء الله بس مين هيسيب دورك ويطلع يحطها قدام باب شقتي يلا ماعلينا هلم الحاجه ادخلها علشان متأخرش في المرواح بس صح ياطنط مش الريحة راحت

حماتها: اه ياحبيبتي راحت دى كانت توجع الص*ر كتمت نفسي معقول كل الريحة دى من قفلة الشقة

داليا وهي بتلم الحاجة وبتفرش بترد على حماتها: والله ياطنط العلم عند ربنا بقى انا هحاول كل كام يوم اجي اهوي الشقه

وخلصت بسرعه وجالها اخوها فعلا وسلمت على حماتها ومشيت وخدت معاها السمكة

ام امنية: ياسميرة دخلت بيتي بالسمكة دي لقيت اوضة العيال بتولع اول ماحطيت رجليها في البيت بقينا بنطفي النار وبنخبي العيال واحنا مش عارفين النار دي جت منين

كنا مصدومين وبعد مااطفيت الحريقة كانت اول صدمة بقى الاوضة كأن مولعش فيها عود كبريت كل حاجة في مكانها العيال بيلعبو كل حاجة زى ماهي بالظبط علشان اول مانفوق ونركز اوي في المنظر تقول داليا: دى السمكة المب**كة شكلها مب**كة بجد دى الاوضه محصلش فيها حاجة وبقيت بتضحك ضحكة غريبة وقولنا دى من خضتها على ولادها

قولتلها بس سمكة مب**كة ايه ياداليا مش فاهماكي ياحبيبتي انا بكلمها بعد ماقعدت على كرسي السفرة قدام اوضة العيال بحاول استوعب اللي حصل

حكيتلي داليا عن السمكة وبتولد ازاي وبتاكل ازاي وانها لازم تدى السمكة لحد كل ماتولد واحدة جديدة بس استغربت انا كمان مين حطها

من يومها اصحى من نومى على صوت داليا بتستقبل جوزها من السفر واسلم واحضن واضايف ويطلع النهار الاقي ولا حاجة من دى حصلت

داليا تقول ان حماتها جت ومشيت وانا مشوفتهاش

وانا الاقي داليا بتقول انها كانت بايته في شقتها برغم انها منزلتش من يوم ماراحت تنضف البيت بقينا ع الحال ده خيالات وكل واحد فينا عايش في دنيا بيحصل فيها حاجات التاني مش بيشوفها لدرجة اني بقيت انا وداليا وحتى الواد وابوهم بقو نفس مشكلتنا محدش عارف مين بييجي ومينبيمشي ومين صح ومين غلط لحد في يوم وجوزى بره البيت اتصل عليه جوز داليا قاله ياعمى ازاي داليا تطرد امي انا لو مش بقدرك كنت رميت اليمين عليها مني ليها لكن انا كبرتك علشان مينفعش امي يحصل فيها كده في بيتكم وبنتك اصلا بقالها فترة بتطلب الطلاق طبعا ابو داليا بيسمع ومصدوم وحكاله اللي بيحصل معانا استغرب من الكلام لكن طلعت مامته كمان قايلاله اننا بقينا مش طبيعيين كل مرة تجيلنا تلاقي حاجة فينا مريبة بس برضو ياعمى ده ميسمحلهاش انها تطرد امي وانا نازل كمان اسبوع ونشوف حل القصة دى

رجع البيت وطلب مننا نخرج كلنا علشان جو البيت في حاجه غريبه مش سامحه انهم يقعدو كلهم يتكلمو

وفعلا خرجو وحكى كل حاجة جوز داليا قالها وهي بتسمع وتعيط وبدائت تحكي انها فعلا حاسة انها مش طبيعية وان في يوم حماتها جت فيه وقالت ان جوز داليا اتجوز واحدة في البلد اللي هو فيها ولما داليا سمعت ده اتصلت بيه واكدلها انه فعلا اتجوز وفعلا طلبت منه الطلاق لكن هي مطردتش مامته

ام داليا: كنت سامعه عن الشيخ سعد من فترة من ام امنيه وكلمتها طلبت منها توديني عنده لحد ماروحت انا وهي وداليا بعد مابقينا بالنسبه لاهل جوزها مجانين

قابلنا الشيخ وكانت ام امنية قاعدة وسمعت كل اللي حكيته

رد الشيخ: السمكة دى عليها لعنة داب في الشاي بتاعها عمل نجس لأهل البيت اللي اخدها ( داليا واللي عايشين معاها ) وعلشان مش عايشه مع جوزها وعايشة معاكم انتم اللي جرالكم كده العمل ده بالجنان والفقر والمرض

داليا; طيب مين اللي تعمل كده وتأذيني ليه ممكن تكون حماتي

الشيخ: لا مش حماتك ده راجل ومن دم جوزك يااخوه ياابوه مش حد تالت

داليا: اخوه مش معقول طب ليه طيب اعمل ايه اخلص منه ازاي ازاي ابعتله السمكة تاني فيدني الله يكرمك

الشيخ: مش هيرجعله العمل ومينفعش اللي ياخدها يكون من دمكم لازم حد حبيب لكن مش قريب لأن طول مابينكم قرابة دم بين اللي هياخد السمكة لعنتها هتطولكم انتم

الا لو اللي عمل ا****ة دى يع**ها على نفسه هو في الحالة دى ياخد السمكة وتخلص لعنتها من بيتك

ام داليا: يعني ياشيخ مطلوب مني اضر حد تاني حد يكون حبيب ابعتله ا****ة دى ازاي هنأذي حبايبنا ليه

الشيخ: خلاص خليها في بيتكم

واذن اننا نمشي وبقينا ماشيين في الشارع مش عارفين نعمل ايه وعلشان داليا مالهاش اختلاط بحد ومش بتحب تعمل حاجه وحشة في حد كانت شايلة الفكرة خالص من دماغها لحد م ام امنيه قالتلي: هتعملي ايه

قولتلها: هدور على حد اديهاله لحد ماييجي جوزها يجمع اهله ويحكيلهم ويعرف مين في اخواته ويفك اللعنه اللي جت على دماغنا

ام امنية: ايه ده انتي فعلا هتديها لحد هتقبلي المرض والجنان والفقر على بيت غير بيتك

ام داليا: اه هقبل غصب عني هقبل بس اهو انتي سمعتي يابيت غيري يتخرب يابيتي انا اللي يتخرب وانا اه احب اي حد لكن اكتر من عيالي وبيتي لا وبصي ياام امنية الكلام ده لو طلع لحد انا هخليكي انتي تخطي عليها ولعنتها بعذابها يطولك انتي وعلى فكرة لو مكاني ساعتها هتدوري ع اللي انا بدور عليه

سميرة: وملقيتيش غيري ليه طيب منكم لله

ام داليا: كان لازم حد حبيب ومفيش بينا قرابة وده كان انتي او ام امنيه انا معرفش حد غيركم علاقتنا تسمح ب اننا ناخد من بعض ونجيب لبعض وعموما جوز بنتي نازل بليل وهيروح لأهله ويحل القصة دى

سميرة: ماليش فيه دى من دلوقتي في بيتك تاخديها انتي تولعيها تتلعني بيها قصتك ماليش فيه بناتي جاتلهم حالة جنان فعلا

ام داليا لسه هتتكلم سابتها سميرة ومشيت لبيتها وهي مش عارفه هتقول ايه لجوزها وبناتها على تأخيرها والوقت قرب ع المغرب وبرغم قلقها وزعلها من جارتها وعلى جارتها لكن حاسة ان هم انزاح علشان تدخل تلاقي المب**كة فوق سرير البنات وهما مش موجودين في البيت