لعنة سمكة

الجزء الرابع

سميرة بمجرد ماشافت مب**كة ع السرير وولادها وجوزها مش في البيت صرخت واغم عليها علشان تفوق وهي عند جارتها ام امنيه ومعاها ام داليا اول مافاقت

سميرة لام داليا: امشي من وشي عايزة مني ايه تاني منك لله ضيعتيلي بناتي

ام داليا: اهدي ياسميرة مفيش حاجة متخافيش بناتك نايمين عند ام امنيه جوة رجعو من المدرسة ومحدش فتح لهم الباب ولما سمعتهم خدتهم عندها لحد ماترجعي وجوزك انا شوفته نزل

سميرة: الحمد لله يارب الحمدلله لكن ازاي انا لقيت السمكة على سرير البنات

ام داليا: ياسميرة لازم اللي السمكة دى تكون عنده يكون واخدها بالقبول وبرضاه مينفعش ترميهالي وتمشي هترجعلك تاني والا كانت داليا راحت رميتها تاني عند شقتها يمكن ترجع للي لعنها استهدي بالله بليل كله هيتحل

ام امنية: حسبي الله ونعم الوكيل في المؤذي سامحيني ياسميرة مقدرتش اقولك انا ماليش ياختي في الحاجات دى ولا انا ناقصة مشاكل ووجع دماغ حقك عليا

سميرة: حقي عليكي ليه مفيش عليكي لوم انا بس كنت عارفة ان النبي وصى ع الجار متخيلتش ابدا انكم تخونوا وصية النبي بالشكل ده اللوم عليا لأني بثق في الناس وبفتكر معدنهم شبهي

طبعا الاتنين واقفين بيسمعوها وعارفين ان عندها حق واحدة علشان تبعد الاذى عن بيتها رميته لناس مالهاش ذنب والتانيه عرفت ومتكلمتش وقبلت انها تخبي

سميرة طلبت من ام امنية تصحي البنات وخدتهم ونزلوا شقتهم

جهاد: ايه ياماما اتأخرتي اوى كده ليه

سهاد: ده احنا خبطنا ع الباب ساعه وبابا مفتحش

سميرة قعدت تحكي للبنات كل اللي حصل وتعيط وبناتها من زعلهم على مامتهم بيعيطو معاها

سميرة: شوفتو علشان كنت لسه بقولكم مش اي حد نثق فيه عايزين درس اصعب من كده علشان تتعلمو منه طووول عمركم فاهمين يعني ايه طول عمركم اعملو حدود بينكم وبين الناس متقبلوش حاجة من حد ولو اضطريتو تجيبوا هدية لحد متفكروش ان انتم تستنوا مقابل واي حد تتعاملو معاه تعرفوه انكم مش بتحبو المجاملات فاهمين وشايفين بعنيكم خليكم فاكرين كلامى ده وطول م انا عايشه هفضل اعيده عليكم ولو مت كل ماتفتكروني افتكرو كلامي

البنات:بعد الشر عليكي ياماما ربنا يخليكي لينا

سميرة: عايزين نحاول ننسى ان السمكة دى موجودة وان شاء الله النهاردة يتحل الموضوع وشالت السمكة وحطيتها في البلكونة ودخلت لبناتها قعدو مع بعض ساكتين وقلقانين

في مكان تاني داليا وحماتها في المطار مستنيين ( سعد) جوز داليا وكانت حماتها متعرفش حاجة عن اللي حصل بسبب السمكة لكن طبعا فيه مشاكل حاصلة بينهم ومستنية ابنها يرجع علشان يحلها

سعد وصل وطبعا امه طارت بيه من الفرحة

وبالنسبة لداليا قا**ها ببرود كأنه مكانش غايب عنها

سعد: قوليلي ياامى اخواتي في البيت

الام: اه ياحبيبي دول مستنيينك من امبارح كلهم اتجمعو عندى وخدت ابنها ومشيت جنبه وداليا وراهم بتكلم نفسها

هو بيعاملني كده ليه اومال لو مش عارف ان اللي حصل ده بسبب حد من عنده ليه ي**ر فرحتى كده ربنا يسامحهم مش وقت الزعل ييجي بس حقي ويخلص الموضوع ده وبعدين نتكلم

وصلو البيت واول مادخل سعد من باب الشارع شم ريحة وحشة جدا الغريب ان محدش حس بيها غيره

سعد: ايه الق*ف ده انتم مبترموش الزباله ولا ايه ريحة قذرة اوى

امه: ريحة ايه يابني ده انا جيبت واحدة مسحت السلم كله بمياه ورد علشان رجعتك بالسلامة

سعد: داليا شميتي الريحة دى هي دى كانت ريحة الشقة

داليا: مفيش روايح ياسعد يمكن بيتهيألك لما نطلع هنعرف

حماتها: تعرفي ايه ياداليا هو في حاجة ولا ايه

سعد: لا ياست الكل يلا بينا نطلع اخواتي وحشوني

طلعو بيت مامته واخواته كلهم قابلوه بفرحة وحب واشتياق مفيش اي حد ظهر عليه اي حاجة غريبه

قاعد في البيت اخواته الشباب (مصطفي.وابراهيم) مش متجوزين(لبنى وسحر متجوزين)( اشرف خاطب) كلهم فعلا شكلهم مبسوطين وحتى بالنسبة لداليا كلهم بيعاملوها كويس جدا

قامت البنات تجهز الغدا وداليا معاهم وسرحانه ازاي بالحب ده كله حد منهم يكون عايز يأذينا والبنات يتكلمو معاها ويهزروا وهي ترد على كلمة وتسرح في ١٠ كلمات

وبعد ماجهزو الغدا ع السفرة واتجمعو كلهم اتكلم سعد

سعد: ياجماعه سمعتو عن المب**كة كلهم استغربو ايه مب**كة دى

خطيبة اشرف( غادة): اه عارفاها دي سمكة بتجيب رزق وقعدت تتكلم عنها بحماس ومبسوطة اوي انها الوحيدة اللي عرفت توصفها دى ماما كانت جايباها عندنا من فترة لكن اختفت فجاءة

طبعا داليا وسعد اتصدمو من كلامها وفي نفس الوقت لو هي عامله حاجة عمرها ماهتتكلم بالصراحة دي

سعد: طيب ياغادة انا جايب واحدة معاية ممكن تاخديها معاكي لمامتك بدل اللي اختفت

غادة: بجد شكرا جدا ياابيه دى هتفرح بيها جدا كانت زعلانة اوي لما ضاعت هكلمها اقولها

سعد: لا نتغدا الاول علشان اقولها انا واسلم عليها

مامته واشرف: طول عمرك صاحب واجب ياحبيبي

اتغدو كلهم والبنات كلها قامو لمو السفرة وعملو القهوة ورجعو قعدو مع بعض كان الشباب بيتكلمو عن السفر والدنيا عامله ازاي ولما البنات رجعت طلب سعد من غادة تكلم مامتها اتصلت بيها وقالتلها ابيه سعد عايز يسلم عليكي

سعد: ازيك ياطنط عامله ايه ..الله يسلمك..غادة موجودة كأنك موجودة ..( ده رده على كلامها)

صح ياطنط هبعتلك هدية صغيرة مع غادة بس حافظى عليها احسن تضيع منك سمكة هتجيبلك الخير كله

طنط روحتي فين سمعاني واضح انك سمعاني ومدام سكتى كده يبقى انا مستنيكي في بيت ماما دلوقتي

كله سامع المكالمه ومستغرب في ايه يخليه يطلب مامت غادة ويكلمها كده.

اشرف: في ايه ياسعد مالها حماتي هو في حاجة انا معرفهاش وبيبص لخطيبته

غادة: والله معرفش يااشرف والله معرفش

سعد: مستعجلين ليه هتعرفو هي اكيد هتيجي ع الاقل علشان قلقها على غادة

مامتهم: لا ده الموضوع كبير هو ايه عرفك انت بالسمكة واشمعنى عايز تبعتها لخطيبة اخوك في ايه بيحصل ياداليا انا معرفهوش عن جوزك

داليا ساكتة

سعد: هتعرفي ياامي اصبري شواية

فات ساعة كلهم الحاح في الاسئلة واستغراب من اللي مبيسألوش وقلق من الموقف كله وايه اللي اتقال يخلي مامت غادة تيجي

فعلا الجرس رن ودخلت ام غادة عنيها كلها غل

سعد: شوفوا ياجماعه قبل مانسلم على حماة اخويا المحترمة

هحكيلكم حاجة وبداء يحكي كل حاجة داليا قالتهاله وكل اللي حصل بينهم وبين داليا ومامته وان كل ده حصل بعد مالقيت السمكة المب**كة قدام الشقه بتاعتها ودخل الشك في قلبي من ناحية كل حد من اخواتي ماهو محدش غريب بيدخل بيتنا لحد مالقيت غادة بتتكلم بكل تلقائية عن السمكة ومحدش من اخواتي حتى ظهر عليه التوتر للحظة

اشرف: مش فاهم مالها حماتي برضو ايه علاقتها

ادة: في ايه ياماما فهميني وايه حصل خلاكي تيجي بسرعه كده

داليا: اللي حصل ياجماعه ان كل المشاكل اللي قلبت حياتنا وكانت هتخرب علينا كان بسبب عمل اترش على السمكة دى مع اكلها والعمل ده معمول بلعنة الجنان والمرض والفقر

بس الغريب ان المفروض راجل هو اللي عمله والراجل له صلة دم قوية ب سعد

طبعا كلهم مصدومين وبيبصوا لبعض بذهول

ام غادة: طيب ياسعد يعني مراتك بتقول راجل وقريبك احنا مالنا بقى

سعد: ماهو انتي لو مالكيش مكنتيش قلقتي ولا سكتي ولا جيتي ولا كانت السمكة اختفت من بيتك

احكيلي اللي حصل لأني هبلغ عنك حالا ومش هيهمني اخويا ولا ابويا حتى

ام غادة: بص ياسعد انا ولا بطيقك ولا بطيق مراتك ولا بطيق ان انتم اصحاب العز ده كله وبنتي هتعيش تحت رحمتكم وكان نفسي تطلعو من البيت ده ومترجعوش تاني علشان بنتى تبقى مكان مراتك في كل حاجة روحت لدجال وعملي عمل وقاللي لازم مراتك تخطي عليه وفعلا كل ماغادة تيجي علشان ناخد مقاسات الشقه ولا للصنيعيه اللي بيجهزوها كنت اقلب العمل تحت باب الشقة وهو اللي عمل الريحة ولما عرفت من امك بالصدفه وانا بسحبها في الكلام انها رايحة تجيب مراتك علشان حاجات في الشقه جيت الصبح لاخوك كان فيه نقاش شغال في الشقة بحجة اني عايزة مقاسات الستاير وجايباله معايه اكل مرشوش يخليه صاحي وبيتعامل مع كل اللي حواليه بس مش في وعيه وطلبت منه يطلع يقيس الحيطة وهو نازل من ع الكرسي حطيتله حتة ازازة(زجاج) في الارض دخلت جوة رجليه بقى الدم نازل منها كأنه نافورة وطلبت من النقاش يجيب بيتادين وبلاستر علشان اقدر اخلي رجليه تنزل دمها فوق السمكة علشان يبقى العمل من دمكم وبعد ماعملت كده وجه النقاش نضفتله رجليه وربطتهاله وخدته ونزلنا وخليته هو يشيل المب**كة ويحطها قدام الباب وقولتله ادخل نام شواية ولما تبقى تصحى اطلع شوف النقاش وصل لأيه وسيبته ونزلت فعلا جيبت قماش الستاير وحكيت لغادة اللي حصل لكن من غير اي حاجة تخص السمكة ولا العمل ولا توهان خطيبها اللي انا عملتهوله

غادة عياط وبس مفيش كلمة طالعه منها

اشرف: ايه الجبروت ده انتي مجنونة ياست انتي وبنتك كانت اقل من داليا في ايه ولا في مرة حد زعلها ولا حسسها بحاجة داخله عايزة تفرقينا وتمرضينا وتحطى الشيطان بينا لا تحطى ايه ده انتي الشيطان

طبعا كل حد منهم بقى بكلمة وبرغم ده عارفين ان غادة مالهاش علاقة بالموضوع ومظلومة

سعد: طبعا انتي دلوقتي عارفه ايه اللي هيتم المب**كة بتاعتك خديها بلعنتها وعملها اشربيهم انتي

وغادة دى خطيبةاخونا واختنا وهيتعملها احسن فرح واغلى حاجة تجيلها وهيبقى اشرف جوز بنتنا مش الع** وده في حالة انها تقبل انك مالكيش علاقة بالبيت ده تاني انا عارف ان ده صعب عليها بس اللي زيك مينفعش يبقى له مكان بين عيلتنا انتي اذتينا واضطرتينا نأذي ناس مالهاش ذنب

طبعا كله زعلان ومصدوم واشرف مش عايز يخسر غادة بس اهله مالهمش ذنب تكون ست زى دى في حياتهم

لحد ماغادة اتكلمت وفاجئت الكل : انا موافقه ياابيه بس انا سامحوني مش هقدر ارجع البيت معاها حتى لو كنتي بتعملي ده علشاني انتي اذتيني قبل اي حد لاني مش اقل من حد علشان تطمعى في اللي عند داليا وجوزها مش ببيعك انتي امى بس انتي طمعتي ولجأتي للكفر والدجل علشان طمعك ده برغم اننا مش محتاجين مش هقدر اعيش مع امى وهي مشركة ومؤذية للدرجة دي وبرغم كده هتاخدى لعنتك لأن محدش له ذنب يشيلها غيرك ده لو عايزاني فعلا افضل اعترف انك امى بعد اللي عملتيه

ام غادة بعد ماسمعت كلام بنتها وبعد تهديد سعد بأنه يبلغ عنها وافقت تاخد السمكة ونزلت مع سعد وداليا واشرف راحو لسميرة وطلبت ام غادة المب**كة بنفسها وبقبول وسميرة جابتهالها وهي متعرفش هي تقربلهم ايه لكن كل اللي عملته انها قالتلها منك لله انتي مؤذية وربنا يأذيكي بعملك وبمجرد ماخدت السمكة ونزلو من عند سميرة بعد مااعتذرولها كلهم على اللي حصل بسببهم سابوها وطلعو عند ام داليا واعتذرولها وحكالها اشرف كل اللي حصل وسابهم ورجع بيتهم تاني مشيت ام غادة اللي فيما بعد عرفنا انها معرفتش تخلي الدجال يخلصها من ا****ة اللي عملتها بالدم واتقلبت عليها قعدت فترة في مصحة نفسية واتوفيت بعد اقل من سنة وبرغم كل اللي حصل الا ان اهل اشرف وقفو جنب غادة وقدروا كمان حزنها على مامتها لأن غادة اعترضت ع الاذى واشتريت خطيبها واهله اللي فعلا عاملوها كأنها بنتهم وعملوا احلى فرح وكانت هي ست البيت بعد حماتها برغم وجود داليا الا انهم علاقتهم ببعض كلهم صعب تصدقوا وجودها في بيت عيلة سعد رجع سافر تاني وداليا بين شقتها وبين بيت مامتها واشرف اتجوز غادة وكل يوم يتغدوا كلهم في بيت مامته ويوم الجمعه بيبقى يوم التجمع لكل الاخوات واولادهم من اول اليوم لأخره والحمد لله خلصت لعنة المب**كة وانقلب السحر على الساحر