Nang makita ko ang mga ngiti ni Alvaro, saka ko napatunayan sa sarili ko na tama ang ginawa kong pagbalik sa kanya. Mas pinili ko ang bumalik sa kanya kaysa siputin ang flight ko. Hindi ko naman talaga alam kung anong patutunguhan kapag pumunta ako ng Italy. Hindi ko alam kung tatanggapin ako ni Mama at hindi ko alam kung magkakaroon ba ako ng trabaho don.
Marami akong bagay na naisip. Paano kung wala akong mahanap na trabaho agad? Paano na ang ipapadala ko sa mga kapatid ko? Sa'kin lang naman sila umaasa kaya hindi ko alam ang mangyayari sa'min kapag sumubok ako ron.
Habang nag-aayos ako ng maleta ko kagabi, nakatanggap ako ng tawag mula kay Dr. Miguel. Sinabi niya sa'kin kung anong nangyayari kay Alvaro simula nung umalis ako. Ang plano ko lang talaga ay ang dumaan lang dito para kum
