Humawak ako sa matitigas na braso ni Arnolf. Mabilis kasi nitong maglakad at baka maiwanan ako. Ang bote ng alak na hawak ko kanina ay ipinatong ko sa nadaanang table kanina.
“Saan ba ‘yung private place na sinasabi mo?” Tingin ko nakukulitan na ang lalaki sa akin. Kanina pa kasi ako tanong ng tanong rito.
Gusto ko na kasing matulog. Nahihilo na ako. Iteteks ko nalang mamaya sina Abi at Lai kapag nasa private place na kami ni Arnolf. Sabi naman kasi niya malapit lang.
“Hoy! Bakit hindi mo ako sinasagot?” Dinuro ko siya sa dibdib.
Dahil lasing na ay mabuway ang aking balanse. Tumama ang mukha ko sa dibdib nito.
“Hihi! Ang bango mo naman. Bagong ligo yarn?” Humahagikgik na tanong ko rito.
Hinawakan ako nito sa siko habang naglalakad papunta sa exit.
“Ay, wait lang! Naiwan ko yung
