TULUYANG nakalabas ang ama niya. Naiwan si Cedrick, si Jazmine, at siya. It was so awkward. Hindi niya alam kung ano ang sasabihin. Hindi niya alam kung saan magsisimula. Maraming tanong na nagsisiksikan sa isipan niya at hindi niya alam kung ano ang uunahin. O kung dapat pa nga bang magtanong siya.
“Hi,” si Jazmine ang bumasag ng katahimikan. Nakakadama siya ng pagseselos rito pero hindi naman niya magawang balewalain ito. Jazmine was so charming. Maamo ang mukha nito at nakapagkit pa sa labi ang isang ngiti.
Tipid siyang ngumiti. “H-hello.”
Jazmine rolled her eyes upward. Bahagya nitong siniko si Cedrick. “My gosh, Ced. Bakit ba hindi mo na ako ipakilala sa kanya ng makalabas na ako at mapagsolo na kayo? I underst
