The Alpha's Luna

THE ALPHA'S LUNA: SIMULA

Ang tunog ng doorbell ang nagpagising sa diwa ni Sol.

Madilim pa sa loob ng kanyang kwarto dahil nakasarado pa ang kanyang mga kurtina pero makikita sa mga siwang nito na maliwanag na sa labas.

Kahit napaka-ingay ng doorbell ay walang lakas si Sol na bumangon upang pag-buksan ang kung sino man na pumipindot sa doorbell.

Ang sakit ng ulo niya!

"Ang dami ko nanaman nainom! Ugh!" singhal niya sa sarili.

Dinampot ni Sol ang isa pang unan at itinaklob sa kanyang mukha at sumubok na matulog pa muli. Hindi niya kaya ang sakit ng ulo niya at ang ingay na nagmumula sa doorbell.

"I should have remove that darn doorbell!" inis na sabi niya.

"Pero hindi dapat ako uminom!" tonong paiyak na sabi niya muli sa sarili.

Kung hindi niya pagbubuksan kung sino man ang nasa pinto walang masusulusyonan sa anomang kinakainis niya ngayong umaga.

Naiinis siyang bumangon at nagsuot ng roba pagkatapos ay tinungo niya ang intercom upang sagutin ang doorbell.

"Sino 'yan?" Inaantok at tamad na wika niya.

"IKAW BABAE KA! ANO NANAMAN GINAWA MO HA!!!" sigaw ang bungad sa kanya ng nasa kabilang linya.

"Joe! It's early in the morning! What do you need?" sagot niya dito.

Manager niya pala ang kanina pa nag-do-doorbell. Ano nanaman kaya ang kailangan nito sa kanya?

"OPEN THIS DOOR LUNA SOL HEARTLEAF!!!" Nanlaki ang mata ni Sol sa sinabi ng manager niya. Galit na galit ito. Dali-dali niyang pinindot ang button para mabuksan ang pintuan.

"What did I do for you to get mad like this?" bungad ni Sol sa kanyang manager ng magkaharap na sila.

"Ano? Hindi mo alam kung anong ginawa mo?!" medyo mahinahon at may diin na sabi sa kanya ng manager.

"What did I do? I just partied last night!!" mariing sagot ni Sol sa manager.

"At tapos? Anong ginawa mo Sol!?"

"And then drink some alcohol?"

"Ano pa?!"

"Wait? Why are you so mad?" naguguluhang tanong ni Sol sa kanyang manager na pulang-pula na talaga sa galit nito.

Ibinato nito sa kanya ang limang iba't-ibang diyaryo kung saan pagmumukha niya ang laman ng headline.

"SOL HEARTLEAF, KABIT?"

"SENATOR VILLEGAS AT SOL HEARTLEAF, MAY RELASYON!"

Nanlaki ang mata ni Sol sa nabasa sa una at pangalawang dyaryo sa sahig. Dinampot niya ang nga ito at isa-isang binasa ang headline at lahat ay iisa ang ibig sabihin ng headline.

ISA SIYANG KABIT?!