Gabi pa lang ay nagisip na ako ng plano kung paano ko maibabaling sa ibang tao ang krimen na ginawa ko. Kailangan may mapagbalingan ng mga pinaggagawa ko para hindi ako paghinalaan ng kahit na sino. Lalong lalo na si Jezter.
May isang tao na akong naisip kung kanino ko pupwedeng ibaling ang sisi. Gusto kong lahat sila ay maghirap kaya gagawin ko lahat upang makamit ang paghihiganting matagal ko nang inaasam.
Kinabukasan ay hindi pa rin humuhupa ang mga usap-usapan. Marami pa rin ang natatakot lalo na sa maaaring tao na susunod na mamalasin. At dahil sa patuloy na pagusbong ng usapan ay patuloy rin ang pagalis ng ilang mga estudyante na pinili na lamang lumipat sa ibang eskwelahan.
Pati ang mga magulang ay nangangamba na rin dahil hindi pa nahuhuli ang kriminal na patuloy sa pag
