Malaki ang mansyon ng nga Quejero. Tatlong palapag lamang ngunit mataas at malawak. Sa loob at labas ay kitang-kita kung gaano kalaki ang mansyon nila. Maraming magagarang bagay na makikita pagpasok pa lang sa hardin nila. Lahat sumisigaw ng karangyaan.
Hindi na nagulat si Aynna sa nakita pagbukas pa lamang ng malaking double door. Nagkalat ang mga maids na busy sa paglilinis. Paminsan silang lumilingon at yuyuko pagnakita si MC. Tuloy-tuloy naman siyang ginaya ni MC patungo sa ikalawang palapag ng mansyon.
"Dahan-dahan...masyado kang excited." natatawang sabi ni Aynna.
Nilingon siya ni MC at nginitian dahilan kung bakit naningkit ang mga mata nito. Kung tatanggalin ang nakaraan nila ni Aynna ay siguradong mahuhulog ang dalaga dito. Sa ngiti pa lang nito ay marami nang nagkakan
