CARMELA
"Daevon, nasaan ka?"
Paggising ko ay wala na siya sa aking tabi. Nahihirapan akong bumangon kaya kailangan ko ang tulong niya.
"Daevon!" naiinis kong sigaw.
Nataranta siyang pumasok sa aming silid at mukhang katatapos niya lang mag-jogging. "M-manganganak ka na ba, love?" kinakabahan niyang tanong.
'Yan palagi ang una niyang tinatanong kapag tinatawag ko siya. Hindi ko pa nga kabuwanan, e. Gusto niya atang manganak ako ng maaga at maging premature ang kambal.
"Hindi! Alam mo, naiinis na ako sa'yo."
"Love, ang aga-aga, badtrip ka na naman sa akin. Good morning nga pala."
Inirapan ko siya. "Lumapit ka na sa akin at tulungan mo akong bumangon. Dalian mo at may ipapagawa pa ako sa'yo."
Pagpasok ko sa bathroom ay sumunod si Daevon sa akin. Sinisigurado niya na hindi ako mad
