CARMELA
Talagang pinatunayan ni Daevon na hindi masasayang ang chance na binigay ko sa kaniya. Araw-araw ay binibigyan niya ako ng bulaklak at lahat ng gawaing bahay ay siya ang gumagawa. Nagmistulang para akong isang kamahalan na palaging pinagsisilbihan. Ganito pala manligaw ang isang Daevon Maximo Segovia. Nakakakilig!
Minsan kapag hindi ko siya pinapansin, gumagawa talaga siya ng paraan para mabaling ang buong atensyon ko sa kaniya. Kapag naman matutulog kami sa gabi ay gusto niyang magkatabi kaming dalawa. Siya lang ang kilala kong manliligaw na demanding.
"Magandang umaga, kamahalan. Ano po ang maipaglilingkod ko sa inyo?" pabirong tanong ni Carl.
"Si Fedirich?"
Napansin ko kasing sobrang tahimik ng bahay. Hindi ako sanay na walang maingay ngayon.
"Nasa paaralan na po siya k
