CARMELA
Para akong tinakasan ng aking kaluluwa habang nasa tabi ko kanina si Daevon. Gusto ko siyang sugurin at saktan pero ayoko naman na mabuking ako. Wala pa rin siyang pinagbago. He is still the man who is obsessed with me.
Hindi ko alam kung matutuwa ba ako o magagalit kapag sinabi niyang may asawa na siya. Totoo naman pero sana kinalimutan na lang niya ako. Sana ay tinuring na lang niya akong patay na. Mahal ko siya pero mahirap ng ayusin ang relasyon naming dalawa. Mas better na ganito na lang kami— hiwalay at walang komunikasyon sa isa't isa.
Kung dumating man ang panahon na mahanap niya ako ay hindi na ako muling tatakas pa. Buong tapang ko siyang haharapin at kakausapin. Hindi ako aatras o matatakot sa kaniya. Kasi wala akong mapapala kung tatakbuhan ko na lang siya palagi.
