CARMELA
Hindi ako makapaniwala na nasa Singapore na ako. Isang Rolls-Royce na sasakyan ang sumundo sa amin dito sa airport. Habang nasa byahe kami papuntang hotel ay namamanghang napatingin ako sa labas ng bintana. Ang ganda dito.
"After ng meeting ay mamamasyal tayo mamaya," malamig na sabi ni Daevon.
"Sige," inaantok kong tugon.
Isang mamahaling dress ang suot ko kaya mukha akong mayaman tignan. 'Yong tipong hindi malalaman ng ibang tao na galing ako sa mahirap na pamilya. Para hindi mapahiya si Daevon ay nag-ayos talaga ako.
Ang sabi niya sa akin kanina, kapag may business trip siya sa abroad ay palagi niya akong isasama. Nako, baka dahil sa kaniya ay malibot ko ang buong mundo. Hindi ko alam kung bakit gusto niya akong isama dito sa Singapore. Ano kaya ang gagawin ko?
"Buntis
