REECE
Pigil ang ngiti ko nang binaling ko ang atensyon sa labas ng bintana. Bahagya ko ring tinakpan ng buhok ko ang kabilang pisngi ko para hindi niya makita ang sumilay na ngiti sa labi ko. Hindi na rin ako sumagot dahil baka humaba pa ang usapan.
Pagdating sa unit ko, kaagad akong sumalampak na umupo sa sofa. Sinandal ko ang likod at ulo sa backrest ng sofa at pumikit. Biglang guminhawa ang pakiramdam ko dahil nandito na ako. Napagod yata ako sa kasasayaw kanina, kaya parang naubusan ako ng lakas.
“Here.” Nagmulat ako ng mata. Tumambad sa harap ko ang hawaka niyang isang baso na may lamang tubig.
“Thanks.” Kinuha ko ang baso at uminom.
Pagkatapos ay kinuha niya sa akin ang baso at tinungo ang kusina. Paglabas niya ay naglakad siya patungo sa kwarto niya. Inirapan ko siya at tin
