"Hindi namin sigurado kung magiging maayos ang pag-uusap nila," saad ni Denver.
Nakita ko ngang umiiyak si Mr. Collin kanina. Huwag naman sana nang dahil nasasaktan siya kaya siya umiiyak.
"Ano bang nangyari," pag-aalalang tanong ko.
"Pagkatapos namin ni Den turuan si Zeke na gumawa ng potion, katulad ng usapan, dinala namin siya sa kabilang kwarto," kuwento ni Denver. "Bumungad agad sa amin si Mr. Collin. Mukha talagang hinintay niya ang pagdating ni Zeke. Kaso galit ang nakita namin sa mukha nito. Iniwan muna namin sila. May mga tauhan naman kayo sa loob ng rooms doon na pwede silang tingnan-tingnan kung may mangyayaring hindi maganda."
Nag-aalala ako para sa kanila. Huwag naman sana itong maging hadlang sa pagsasama ng dalawang grupo.
Ayoko na isipin niya na ginagamit ko si Mr. Co
