HAWAK ang laylayan ng mahabang ball gown, maingat at dahan-dahang bumaba si Ramona ng hagdanan. Nasa huling baitang na siya nang makita ang mommy niyang inaayos ang necktie ni Benji. He was wearing a lapeled midnight navy-blue tuxedo partnered with black leather oxford shoes.
Napangiti si Ramona habang pinagmamasdan ang mga ito. Simula no'ng maging kaibigan niya si Benji, hindi na iba ang naging turing ng mommy niya rito. Bata pa lang kasi pumanaw na ang Mama ni Benji. Ang mommy na niya ang naging mother figure nito.
Nakakatawa nga kung minsan mas malambing pa ang mommy niya kay Benji kaysa sa kaniya. Noon pa kasi pangarap ng mommy at daddy ni Ramona na magkaroon ng anak na lalaki. Sa kasamaang palad naaksidente ang daddy niya at hindi na siya nasundan. That's the reason why her mom was
