MAY kaunting inis na naramdaman si Rommel matapos makagawa ng charging foul ang bagong pasok na player ng kalaban. Nakakuha kasi siya ng foul dahil doon kaya nga nalipat sa mga naka-orange ang possession ng bola. Kasabay nga ng pagsambot ni Axel Sandoval sa bola ay ang pag-ingay ng kanilang mga supporters.
Naitawid nila ang bola at mabilis na screen ang ipinagkaloob ni Gardiano sa kanyang point guard upang magkapalitan sila ng defender. Si Ricky Mendez na nga ang nakabantay sa ace player ng Pinamalayan at si Alfante ang napunta kay Sandoval na mabilis na lumayo mula sa dalawa.
Ang bola ay pinapatalbog na ni Gardiano habang nasa harapan nito si Mendez na mabilis na gumagalaw ang mga kamay sa iba’t-ibang direksyon para harangan ang posibleng pasahan nito. Kasabay rin noon ay ang mara
