NATAPOS ang 1st quarter sa score na 30-10 at ang mga taga-Pinamalayan Hunters ay napatingin na lamang sa manlalarong si Alfante nang matapos ang unang sampung minuto ng laro. Isang malinaw na 25 points kaagad nga ang nagawa ni Rommel at maging ang mga manonoood ay hindi makapaniwala sa kanilang nasaksihan.
Walang makapigil sa binatang iyon at talagang nag-iinit ang kamay nito. Kahit pa man magbuwaya ito sa bola ay nasisiguro naman nito ang pagpuntos kapag nasa kanila ang possession.
“Masyado siyang madulas,” naibulalas ni Gardiano sa kasamang si Axel nang makabalik sila sa bench. Napaupo agad sila na parehong pawisan na sinundan agad nila ng mabilis na pag-inom ng tubig.
“Rommel Alfante,” sambit naman ng isang manlalarong katabi ng dalawa na nakatingin sa bench ng kalaban nang
