Biyernes ngayon at mainit ang hapon.
Puno ng ingay mula sa mga naglalakad na mamimili, tawanan ng mga bata, at kaluskos ng mga paper bags na hawak ng iba’t ibang tao. Dumaan si Sophia sa isang coffee shop sa loob, may dalang maliit na bag at iniisip kung bibili ba siya ng kape o uuwi na lang. Pagod siya sa klase, pero ramdam niya ring gusto ng katawan niya ng kahit kaunting pampatanggal-stress. May bigay ang ate niya ngayon na pang-allowance kaya naisipan niyang mag-mall para pang-groceries nila sa bahay.
Habang nakapila, hindi niya agad napansin ang matandang babaeng nakaupo sa gilid, may hawak na tungkod at tila nahihirapan sa pagbubukas ng bag nito. Isang pamilyar na aura ang biglang bumungad kay Sophia—parang déjà vu. At nang lumingon ang matanda, muntik nang mahulog ang panga niya.
