Alex
Ngayon lang ulit sila nakalabas ni Brandon dahil isang linggo silang naging abala sa trabaho. Sabay-sabay kasi na approved ang mga project na hawak ng team nila. Hindi na rin siya nito naihahatid kasi naiiwan pa ito sa office para sa meeting or paggawa ng reports. Nagkakapag-usap pa rin naman sila sa gabi pero para mag-goodnight sa isa't isa.
"Kumusta pala 'yong meeting ninyo kanina?" tanong niya pagkatapos nilang umorder.
"Okay naman kaso maraming kailangang baguhin base sa request ng client. Meaning mas magiging busy pa tayo sa mga susunod na araw," sagot nito at napatango na lang siya.
Kitang kita niya ang pagod at stress sa mukha nito dala ng trabaho nila. Minsan ay gusto niya itong lapitan para yakapin kapag nasa office sila pero pinipigilan niya ang sarili.
"Pasensya na
