البارت الاول
1596 Words
البارت الاول
قولي بقي ياسيدي عايزني في ايه ؟"
- اقعدي هنا لحد ماانام ...
" لا انا طالعة "
" مريم "
عارفة أنه عنده ارق ... وبيتعالج منه ، بياخد منومات عشان ينام والا ييحلم بكوابيس ، بس انا كنت بنام جنبه واحنا صغيرين بس كبرنا والامور اتغيرت طبعا ، هو بيصعب عليا صدقا ، سهره في الليل وسط مالكل نايم ، ألكوابيس وتعبه الدايم ، وأنه ليستمر لأيام من غير اكل. .. هو معرفش كده ليه ؟
"مريم "
- ايوا أعمل ايه يااحمد يعني عشان تنام
" خليكي في الآوضة جنبي "
- يستا انت ع**ط
" طيب هطلب إذن من جدي، كمان اخلي مرات عمي معانا في الاوضة "
- احمد مينفعش .... كمان خطيبي مستحيل يسكت لو عرف
" طيب اطلب أذنه .. دقيقة انتي مش مخطوبة أساسا"
" لا دا انت مجنون رسمي بقي "
" جدي ، ماما قالتلي انك عايزاني "
- ابن عمك عنده شغل كتير اطلعي ساعديه ، واياكي تتضايقيه
عيلة ظالمة...جدي بيحب احمد اكتر مننا ، واحنا كلنا بنحبه رغم أساسا أنه لا يطاق ، بس اوقات بيكون كويس وحنين وأوقات يكون عصبي وشرير زي جدي كده
" خير ؟ عايز ايه ؟"
- اقعدي اقريلي قصة
اتعصبت" يابارد ... بجد مازن هيضايق لو عرف "
- مريم ممكن نتكلم بجد ... انتي عارفة اني بجد عندي ارق وتعب شديد .. كمان انا الموضوع ملوش علاج ، انا اديلي سنين بتعالج بس ملقتش علاج للكوابيس دي ، مفيش غير المنوم. .. وانا تعبت حقيقي ، خليكي موجودة في نفس المكان واول ماانام امشي
" احمد ، انت ابن عمي وكنا اصحاب زمان جدا ، بس. .. ولا اقولك هحكيلك احلي حكاية واديني ٥٠٠ جنيه "
- استغلالية ... هد*كي ٣٠٠٠ نهاية الشهر ، بشرط كل يوم هتفضلي نايمة في نفس اوضتي لحد تاني يوم
"زود الف وانا افضل موجودة للصبح واحكيلك حكاية واعملك فطار كمان "
- مادية حقيرة ... موافق
" اشطا ..وانا موافقة "
اه وافقت ياجماعة ، كده كده هو بينام في أوضة ... بس العايلة الكريمة هتوافق ؟؟؟
" ياجدي سيب ودني ...حرام"
- اخرسي وإلا هموتك... يعني ايه الليل كله تكوني نايمة في أوضة ابن عمك
" اوف ...هو انا كنت نايمة في حضنه ماانا كنت مرمية علي الكرسي وساندة علي المكتب "
- قليلة رباية بصحيح ، دا لو حد عمل عملتك دي كان زمانه ميت
" جدي ... هو اللي طلب مني كده علفكرة .. وبعدين انا بساعده أنه يتخلص من الأرق واضطرابات النوم والكوابيس دي "
- حنينة يابت. ..قولي هتطلعي بمصلحة ايه
"ابو الصحاب اللي فاهمني ... بشتغل واخد مرتب وانا مرتاحة "
بصلي بشك' قصدك ايه؟'
" ٤٠٠٠ جنيه منه كل شهر ...وباخد مرتب اكتر منك انت قبل ماتقعد عالمعاش "
مسكني من شعري " انتي صنفك ايه يابت؟ طالعة نصابة ومش متربية لمين كده ؟
"انت طول عمرك بتقولي اني شبهك "
- يابت هقطع ل**نك الطويل دا..... اياكي تاخدي فلوس من ابن عمك
" خلاص اخد الفلوس منك "
- اقعدي يابت انتي كده قدامي واتلمي ... هتعملي ايه عشانه؟وفعلا قربك منه بيجيب نتيجة
" هو انا اي حد ياكبير ... حفيدك دايب في حبي علفكرة "
- يابنتي بلاش مناهدة حرام عليكي وجعتي قلبي ...
" اتكلم بجد ، احمد فعلا طول الليل تعبان وصحي كذا مرة عرقان وكان بيتكلم وهو نايم...هو ليه كدا ؟"
-عمك و مراته ومشاكلهم الكتيرة وض*به ، وطلاقهم ومتنسيش أنه طفولته عاش هنا ودا سبب اني شخصيته انطوائية وساكت .. اول مرة اشوفه بيتكلم مع حد غيري كان انتي ، وإصراره علي قربك دا استغربته، احمد اديلي ٦ سنين متابع مع دكتور نفسي صاحبي ، الأدوية مجبتش غير نتيجة مؤقتة ... وفي نفس الوقت انتي برضوا حفيدتي مش هسيبك تفضلي في أوضته الليل كله
" نخليها ليل ونهار "
حدفني بالجذمة ، ايه الجد القفوش دا ، ... بعيدا عن كل حاجة فانا معرفش أعمل ايه ، من جنب انا مش هعرف اسيب شخص محتاج مساعدتي وفي جهة جدي هيقطعني لو فضلت مع احمد ... طيب وفيها ايه لما افضل معاه ؟
- مريم اتجوزك؟
" انت بتسالني؟ انت سخن يابني "
- انا شايف دا افضل حل ، يعني كده ضامن قربك وعشان البيت هنا والكلام
" طيب وبعدين ؟ "
- انك تفضلي موجود جنبي يعني
" تؤ تؤ ... مش هتجوز غير شخص احبه، انتظر اتكلم معاه، ابصله بحب ، شخص اتمني كل يوم اسمع منه كلمة بحبك وافرح كأنها اول... اضحك من قلبي لحد ماعنيا تغمض ، شخص اتصرف قدامه بعفوية واحكي كل حاجة مضايقني لا اخاف ياخد عني فكرة وحشة ولا يستهزا بزعلي. .. ببساطة رفيق ليا وحنين ويكون خفيف علي قلبي ... انا هتجوز عن حب زي بابا وماما.... شايف فرحانين ازاي ، وبيقفوا مع بعض دايما ازاي ... ببساطة اول مايقولي بحبك اضحك وعنيا تغمض من الفرحة "
- انتي ليه تافهة
"هو انا زيك يا معقد ؟ ماتيجي تعيش اسبوع علي مزاجي انا؟"
- والشغل ؟
" يتحرق "
هيحصل ايه لو عشنا الحياة بدون تفكير ، بجنان وعفوية ومع شخص لطيف ونبعد عن كل الناس ...
" نشتري لبس ... ادخل قيس "
-تيشرت ؟
" هيحصل ايه لو لبست تيشرت ؟ لازم قمصان علطول"
-بس لون لموني
" البس ياولا احسن ما افضحك هنا "
- خلاص هدخل اقيس
" ادفع بقي ..."
"تعال صورني هنا "
- انتي قعدتي ليه علي الارض في الأرض
" بسرعة العربية جاية "
هو بيزعق ليه؛ مااحنا بنقعد نتصور في نص الطريق عادي ، والله اصحابي نعمة بدل الواد الكئيب دا
- تيجي نقعد علي القهوة "
-نعم ياختي
" طيب علي الرصيف؟
-انتي بتقولي ايه ؟
" علي اي تابلوه عربية "
- يابنتي ليه كده .. فيه كافيهات تعالي ندخلها
" وفين المتعة كده ... يابني اقف شوف الناس ، راقب الصحاب والاهل والناس الكبيرة ... هتضحك لضحكتهم وتتابع طريقة كلامهم ... طيب شايف الشابين دول .. ومجموعة البنات وكل واحدة ساندة علي صحبتها ازاي، الراجل الكبير دا وهو بيتخانق مع ولاده عشان ممكن بهدلوا لبسهم ... وعندك مثلا انا وانت .. أصحاب وقاعدين نبص علي الناس وهما عايزين يض*بونا ... طيب شايف الواد الصغير بيلعب مع أخته ازاي وبياكلها ازاي ... ياخواتي قمر ياناس
- انا مليت
"عشان فقر ... بالله كئيب"
-طيب ممكن نرجع البيت
"بكرا الساعة ٦ هنطلع "
- ربنا يسهل
بجد ايه الإنسان الكئيب دا ... رجعنا البيت وكالعادة قاعدة في أوضته ...عشان ينام ... هو رموشه طويلة اوي ازاي ..بيستخدم اي نوع ماسكرا... ماسكرا ايه ... هو ليه بجد حلو كده .. وشعره انعم من شعري ، مااتجوزه واضمن جينات ولادي .....
- انتي قريبة مني ليه كده ؟ وليه لسه موجودة ؟
اتوترت " اصلي كان في ناموسة علي وشك وانا كنت بحاول أبعدها "
- دا مبرر يعني
" مبرر؟ انت مفكر اني حابة اقعد جنبك ..لا فوق كده يابابا انا قاعدة هنا رأفة بحالك"
ضحك' طيب وانتي متوترة ليه كده ؟'
"مفيش ...انا هروح اوضتي عايز حاجة "
-لا تسلمي
ازاي مش عايز حاجة ؟ هو مش هيمسك فيا زي كل مرة ، هو نام عادي كده ...هو اتخلي عني بجد وانا بعيط ليه دلوقتي؟ ... انا هقوم اكل
-صباح الخير ...مالك انتي كويسة؟
"كويسة"
- اومال عنيكي ورامة كده ليه ؟انتي نمتي كويس؟
" اه ؛ وانت؟"
-اه طبعا نمت كويس وقومت فايق ومرتاح اهو
" يعني دلوقتي بقيت بتنام مرتاح ومش محتاجني جنبك؟"
- احم .. هو احنا هنعمل ايه النهاردة ؟
" هنروح نأكل ... تاكل من الشارع ؟"
-لا. ... انا باكل اكل صحي
"براحتك انا جعانة ورايحة افطر"
- انتي بتاكلي كتير وبسرعة ليه ؟
اتعصبت" هو انا باكل من فلوسك ...بص انا علي أخري منك فاسكت احسنلك"
-انتي كويسة؟
" ماقولت كويسة انتي شايفني بشد في شعري "
قطع كلامنا أنه وقف ساعد راجل كبير ... شال شنطه وطلعها برا .. وكمان شال طفل صغير من مامته ... كانت بتعدل لبس ابنها التاني وبتحاسب في السوبر ماركت ... الحقيقة احمد طيب وحنين اوي ، هو شخص كويس جدا ... طول الوقت لقيت عنيا بتتابعه ، ساندة خدي بايدي ..وببتسم علي لطفه ... عمري ماركزت مع تفاصيل حد لدرجة دي. .. اني قلبي يتخض ويدق جامد بس لطلته... اني اضحك عشان سمعت صوته، اني احس بفراشات في بطني عشان سمعت صوت ضحكته ... اني احفظ ملامحه ومشبعش منها ... اني اتمني اني الوقت معاه يطول اكتر. .. اني رغم سكوتي احب الكلام وارغي معاه لساعات .... اني ... اني ت
أتوه في حبه كده
- الايام مرت بسرعة جدا معاكي ... شكرا
ابتسمت"العفو ..تعال نركب قطر "
-ونروح فين ؟
" مش مكان ... هننزل في اخر محطة ونركب قطر تاني يرجعنا ... تيجي ؟"
ضحك ' يلا "
الايام بقيت حلوة بوجودها ... جنانها وعفويتها عصبيتها ونكدها ... حلاوتها وحلاوة عينيها ... نبرة صوتها وهي لسه صاحية ... عينها وهي نعسانة بتخليني اعشق ملامحها. .. كلمة يا ولا وضحكتها وهي بتقولها ... جدي عارف اني بحبها ...بس هي بتحبني؟... ركبنا القطر .. وطوال الطريق بتتكلم وتشاغب معايا وتضحك وتتعصب وتزعل في نفس الدقيقة ...عندها مليون مزاج في الدقيقة .... وقادرة تخليني احبها غصب عني.... سكتت مرة واحدة ... سندت علي كتفي ونامت ، ولاول مرة احس اني حابب اتعامد حد عليا... اني وجود شخص مريحني ومسببلي سعادة ... اني قربها بتمناه لآخر العمر
- وصلنا اصحي
" انا نمت كل دا ... كتفك وجعك "
ابتسمت "لا"
" ازاي يابني ، دا انا لما بسند علي كتف جدي خمس دقايق بيض*بني ويقولي اني راسي تقيلة"
- هو انا مقولتلكيش...
استغربت"قولت ايه؟"
- اصلي انا لو حبيت واحدة هسمحلها تلعب في شعري وانا نايم، تتعصب واستحملها ، أنها تنام علي كتفي واحب كده. ... اني اديها من وقتي واتكلم معاها وانا معروف بسكوتي الممل ... اني اقف قدامها كده ...وابص في عينيها علطول واقولها بحبك زي ماعملت دلوقتي
ممكن وقتها مردتش بس ضحكتي اكتفت بالرد ...عنيا غمضت من كعادتي لما اضحك من قلبي .. وأيدي مسكت ايده ... عشان نبدا رحلة جديدة ♥️
- Writer
