- يا كابتن، قوم بعد إذنك.= أقوم ليه؟! - عشان الحكومة عاملة الكراسي ده لكبار السن الي زيي وأنت لسه شاب يعني و ..= لمين؟!- لكبار ا

1361 Words

-انت بتسرق! خد خطوة لورا، بصلي بتوتر، برعب، بارتباك، وبعدين رمى الفلوس اللي في ايده وبص حواليه برعب، قرّب مني و.. •مش هعمل كدا تاني يا ماما، بس متقوليش لبابا، عشان خاطري الدموع اللي في عينيه خلوني أهز راسي بماشي وأسكت، وهو سابني وطلع يجري على أوضته، زياد بي**ق!.. طب ليه؟! مكنتش عارفة أفكر كويس، ابني بي**ق!!، فقت على بوسة لطيفة انطبعت على خدي فابتسمت بتلقائية ولفيت لـ‌يونس.. -حبيبي، وصلت امتى؟! *لسة واصل يا حبيبي، واقفة كدا ليه؟!، وايه موقّع الفلوس دي -ابتسمت بتوتر: لا مفيش، كنت.. كنت بشيلهم بس ووقعوا مني ملامحه اتوترت، وكشّر مرة واحدة، قرّب مني بسرعة و.. *انتي كويسة؟!، تعبانة؟! حاسة بحاجة؟! -لا يا حبيبي أنا كويسة، تلاقيه إرهاق بس مش أكتر خد نفَس وشدني للسرير، قعّدني عليه، وطلب مني أستناه لحد ما يجيبلي كوباية ماية، طلع من الاوضة وأنا انهرت، أنا.. المفروض أعمل ايه؟!!.. ....... -كنت بتاخدهم ليه؟!، احكيلي •هـ.. هتقولي لبابا؟! -ابتسمت: لا، بس قولي.. كانت اول مرة تاخد فلوس كدا؟! بص للارض، وهز راسه بلا، وأنا حسيت ان الهوا بيتسحب من حواليا.. -طب ليه يا زياد؟! •بخوف: مش عارف، انا.. بس.. بحب أشتري بيهم، عشان (همس بصوت سمعته) انتوا مش بتهتموا بيا، زي صحابي وأهلهم، انتي، بتديني الفلوس وبس.. وبابا مش بيكلمني، وأنا.. انتوا، مش بتحبوني -بتشتري بيهم ايه؟! •بص للأرض: أي حاجة، ساعات أكل و.. وساعات اقلام وكراسات، مش عارف، أنا (بص للأرض) حاسس انكوا مش بتحبوني، انتوا بتحبوني، صح؟! -حضنته: حبيبي احنا بنموت فيك •آسف اتن*دت وبصيت للأرض، مش عارفة أعمل ايه!، حسيت ان كل اللي كنت مرتباله في دماغي اتبخّر، خططي لإني أمشي ورى كلام الفيديوهات اللي سمعتها للدكتورة هالة سمير وغيرها بخصوص الموضوع دا اتمسحت من دماغي، طب أنا سمعته، وعرفت هو بيعمل بيهم ايه، المفروض أتصرف ازاي وأنا حاسة إني هعيط!!.. خدت كذا نفَس طوال وكنت لسة هتكلم، بس شهقت بخضة لما الباب اتفتح مرا واحدة، ودخل يونس.. *فينك يا كريمة؟!، بنادي عليكي من ساعتها -انت، جيت امتى؟! *كشر: من شوية، وخبطت عليكي بس محدش رد، في ايه؟! بصيت لزياد اللي كان بيبص ليونس برعب ووقفت.. -ابتسمت: مفيش يا حبيبي، كنت بشوفه خلّص واجباته ولا لأ *كشر: طب تعالي عايز أوريكي حاجة طلعت معاه أشوف اللي هو عايزه، وسيبت زياد قاعد بيتن*د براحة لإني مقلتش ليونس، يااارب.. عدي الفترة دي على خير.. ....... •ماما -تعالي يا زيزو •بص للأرض: أنا آسف -ابتسمت وطفيت النار: تعالى يا زياد مسكت ايده، وخدته أوضته، قفلت علينا الباب وقعدته على السرير وأنا قصاده، اتن*دت بتعب، قبل ما أرسم ابتسامة هادية على وشي، وأبدأ أتكلم.. -ايه رأيك أزوّدلك المصروف؟! •كشر: ايدا؟، انتي مش هتحرميني من المصروف عشان اللي عملته؟! -لا، أنا هزوّدلك المصروف، واوعدك لو مكررتش اللي عملته.. هـ.. هخرجك آخر الأسبوع وأجيبلك لعب كتيرة عنيه لمعت بفرحة، ووقف يتنطط ويدور حوالين نفسه، أول مرة أنتبه لـ‌إنه حاسس بالنقص، وأول مرة أنتبه لـ‌إني مقصّرة معاه.. مقصّرة معاه أوي.. ........ *بتعملي ايه؟!، ايه الفيديو دا؟! مسك التليفون وكشّر لما شاف اللي بسمعه.. *في ايه؟!، دا فضول ولا..! اتن*دت، وسندت راسي على ص*ره، ضمني وبتعب وإرهاق اتكلمت.. -ابقى اقعد مع زياد شوية يا يونس، حاول تفضّيله شوية من وقتك ارجوك *اتعدل وضيق عنيه: زياد ماله؟! حكيتله على اللي حصل، كنت بتكلم بحذر وأنا بتأمل ردة فعله، كان مكشر، وكل ما بتكلم كل ما تكشيرته بتزيد، خلصت كلامي، وكان هيتحرك، بس شديت ايده بسرعة.. -بخوف: اوعى تقوله يا يونس، بالله عليك اوعى تقوله (عيوني دمعت غصب عني) أنا وعدته إني مش هقولك، والمفروض مكنتش أقولك أصلا، بس أنا مقدرتش، بالله عليك تسيبه *نفخ وقعد: طب عملتي ايه معاه؟! -مسحت دموعي: اتكلمت معاه، و.. زوّدتله المصروف، وكمان وعدته انه لو مكررهاش هنخرج معاه كل اسبوع ونفسّحه ونجيبله لعب، وفعلا بقاله فترة مظبوط، يونس.. زياد حاسس بالنقص، فـ‌أرجوك.. حاول معايا *كشر: حاسس بالنقص؟!، اومال لو مكنش كل اسبوع بياخد بالعشرين جنيه ولو خلصهم بياخد غيرهم كان هيعمل ايه! -بخنقة: يونس هو مش حاسس بالنقص بسبب قلة الفلوس، دا بسبب إهمالنا يا يونس، احنا بنقعد معاه اد ايه؟!، أنا مش بقعد معاه غير عشان أذاكرله ومعظم الوقت مشغولة في البيت، وانت.. انت طول النهار في الشغل ولما بتيجي وتسأله عن يومه قبل ما تنام كدا بتكون عملت إنجاز (عيني دمعت) ابني بيضيع بسببنا يا يونس، هو دا اللي كنا متفقين عليه لما ولدت؟!، دي التربية الصالحة والاهتمام!!، بالله عليك (صوتي اتخنق) حاول معايا، ابني.. هيضيع نفخ، ورمى نفسه جنبي بتعب، شدني لحضنه مرة واحدة وضمني جامد، وبصوت مخنوق.. *حاضر، هحاول، عشان خاطره ........ *عملت ايه في يومك النهاردة؟! كنا قاعدين بنتغدّى، بصيت لزياد بحاول أشوف ردة فعله، فلقيته بص ليونس بذهول، يونس مش من أنصار النقاش وقت الأكل، يونس مش من أنصار الرغي الكتير أصلا، حسيت بحماس زياد اللي زاد، وبعنيه اللي لمعت، وحسيت بنغزة شكت قلبي من غير سبب، للدرجادي كنا تايهين عنك يا قلب امك!.. •بحماس: روحنا المعمل النهاردة وحضرنا فيه حصة العلوم، وعملنا تجربة، و.. و***بنا كتير، و.. عملنا سباق و.. بدأ يحكي عن يومه بحماس وأنا براقبه بابتسامة، ويونس كذلك، بيسمعه بهدوء، وكل شوية يقوله (شاطر، ابني حبيبي دا، جدع يا بطل) ومش عايزة أكلّمكم عن نظرة الفخر اللي كانت بتطل من عنيه من بعد ما خلص كلام.. معقولة إهمال الأهل ممكن يوصل طِفل لحاجة زي كدا؟!.. ........ •ماما -قلب ماما •بصي الشهادة دي، المستر عطهالي عشان جبت درجة عالية في الامتحان ضحكت وسيبت اللي في ايدي ورحت حضنته، فرحته بنفسه وفخره بإنجازه اللطيف واللي مكنش بيتكرر كتير خليتني أعيط من غير ما أحس، بعد عني وضم وشي، مسح دموعي بايديه و.. •متعيطيش، بالله عليكي، مش أنا معتش باخد حاجة من وراكي تاني؟! -حصل •طب متعيطيش -ابتسمت: حاضر، مش هعيط •ابتسم: انتي فرحانة بيا، صح؟! -ضحكت: أنا فخورة بيك جدا، انت شاطر أصلا أنا عارفة، وأنا بحبك رمى نفسه في حضني من تاني وأنا اتن*دت وضميته، ربنا يهد*ك يا حبيبي.. ........ -يونس، هتروح تجيبله الشهادة ولا ايه؟! *بصل لزياد: تيجي معايا نجيبها سوا؟! زياد هز راسه بماشي، ووقف معاه، ودّعوني الاتنين وطلعوا عشان يروحوا المدرسة ويجيبوا نتيجته، وأنا فضلت مكاني مستنياهم.. •شوفتي ابنك عمل ايه؟! -بلهفة: ايه؟! *ضحك: طلع الرابع على المدرسة ضحكت ومن غير ما أحس زغرطت، دموعي نزلت، وجريت عليه حضنته، يونس قرّب مننا وضمنا احنا الاتنين وأنا عياطي بيزيد بين ايديه، بالله أنا فخورة بيه، فخورة بيه جدًا.. *بهزار: خلاص بقى، هنسميكي كريمة العيوطة -ضحكت: أنا فخورة بيك جدا يا زياد، جدا، أنا.. أنا بحبك أوي •ابتسم: وأنا بحبك أوي يا ماما، بحبك أوي "وَبِفَضْلِكِ اسْتَطَعْنَا تَجَاوُزَ الأَمْر!" .......- يا كابتن، قوم بعد إذنك. = أقوم ليه؟! - عشان الحكومة عاملة الكراسي ده لكبار السن الي زيي وأنت لسه شاب يعني و .. = لمين؟! - لكبار السن. - ولمين؟! = و.. ذوي الاحتياجات الخاصة؟! - بالظبط. = بالظبط ايه، احتياجات خاصة بقولك؛ حد م**ور، واحدة حامل، وأنت ولا م**ور ولا.. حامل، ومش محتاج ح.. - كنت محتاجها. = محتاج مين؟! ماله ده يا جماعة في ايه؟! - مش لازم الاحتياج يكون مادي، ممكن يكون نفسي.. معنوي، وفي عز ما تكون في عز الاحتياج ده، تلاقيه اختفى.. = لا إله إلا الله، يا ابني أن بق.. - كنت عامل زي الطفل، متعلق بيها، مهتم بيها لأقصى درجة، بأصغر تفاصيلها، كإنها.. كإنها حتة مني، وفي الأخر.. مينفعش نكمل. = يا ابني أنا مالي بقصة حياتك دي، أنا راجل كبير ومش قادر أقف ق.. - فاكر تاريخ ميلادها كإنه ميلادي، ١/٦/١٩٩٩، كنا بنحتفل بيه كل سنة، مكنتش ببخل عليها بحاجة أبدا، لا بهدايا ولا بمشاعري، ده.. ده أنا كل جنيه كنت بشيله عشان أقدر أجيبلها بيه حاجة تفرحها، بس يا خسارة. = برضو أنا مش عارف مالي ب.. - هو ليه الإنسان كده؟! = كده ازاي؟! - أناني.. = أنا مش أناني يا ابني والله أنا بس في الشغل من الصبح و.. - يعني هى ليه فكرت في نفسها بس، معملتش حساب إن في طرف تاني في العلاقة ممكن يتدمر نفسياً، يكره حياته لدرجة إنه ممكن.. ينتحر. - لأ إلا الانتحار يا ابني، مفيش حاجة تستاهل في الدنيا دي، أنت شكلك شاب كويس وعارف ربنا، وخلاص خليك قاعد زي ما أنت أنا رجلي فكت خ.. = لأ يا حاج أنا هقوم، هقوم لسببين.. السبب الأول عشان حضرتك تقعد، والتاني؛ عشان اثبتلها إني أقوى من غيرها، وأقدر أقف على رجلي مرة تانية، و.. ومش هبص ورايا تاني، وإنها بقت صفحة واتقفلت. * كل الي في عربية المترو سقفوا * - جامعة حلوان دي يا جماعة؟! عديني أنزل يا أنسة بعد إذنك. * بيبتسم ابتسامة شر، قبل ما باب المترو يقفل وراه *

Free reading for new users

Scan code to download app

App Store Google Play

Facebookexpand_more