MILLICENT'S POV
Ginanahan akong humanap ng gamot pangontra sa pampatulog na nasa katawan ko dahil sa pangungulila ko sa mga kaibigan ko. Gusto ko na ring makalaya mula sa pagkakakulong dito sa SeeRange, hindi ito ang lugar na para sa’kin. Mas gusto kong nandoon ako sa bahay namin, nag-aaral at nag-aalaga sa mga kapatid ko.
Sa kasalukuyan nagdidikdik ako ng sili, sa sobrang anghang ng sili ewan ko nalang kung wala ng palag pa ang pampatulog dito. Dinagdagan ko ang siling labuyo at dinikdik itong maigi. Sa palagay ko mas eepekto ito kung didikdikin ko kaysa kakainin ng buo.
Huminto ako sa pagdikdik ng sili ng marinig kong tumunog ang seradura ng pintuan. Wala akong kasiguraduhan kung si Thimo iyon kaya dali-dali kong itinago ang ginagawa ko at nagtago sa ilalim ng kama ko. Nakalaylay a
