MILLICENT'S POV
Nawala ang lakas ng loob na naipon ko kanina at binalot ako ng kaba ng hindi nila ako binibigyan man lang ng anumang tugon, nakatuon lamang ang mga mata nila sa akin, pakiwari ko ay may sama talaga sila ng loob sa akin, dahil doon ay hindi ko alam ang gagawin ko dahil alam kong hindi madaling bigyan ng kapatawaran ang nagawa kong pagkakamali sa kanila, sapagkat may buhay na nakasalalay. Ito ang dahilan kung bakit ko sila tinakbuhan papalayo, iyon ay dahil natatakot akong harapin ang galit nila sa akin ngayon. Ang daming agam-agam sa isip ko, nalilito ako at hindi alam ang gagawin. Sa pagkakataong ito, dapat ba ay tumakbo na ulit ako papalayo.
Subalit, unti-unting nawala ang nararamdaman ko ng sumilay ang ngiti sa kanilang lima, si Lelzie, Qatara, Ofeill, Verdlu at Uztaki
