MILLICENT'S POV
Pabaling-baling ako sa kinahihigaan ko. Kanina pa ako nakahiga dito ay hindi pa rin ako dinadalaw ng antok, bakit nga naman kasi ako uminom ng kapeng puro?! Nilingon ko si Eilia na mahimbing ng natutulog, sa kalikutan kong ito ay magigising ko pa siya. Nagpasya akong bumangon nalang muna. Naupo ako sa sofa at nag-muni-muni, nagbaka sakaling makakatulong iyon sa pagtulog ko ngunit wala rin naman akong napala. Lalabas nalang sana ako ng kwarto ko ng makita ko ang ibinigay na parihabang kahon sa akin ni Professor Ronaldo.
Lumapit ako sa ibabaw ng side table upang kuhain iyon at buksan. Isang itim na name plate ang siyang laman ng kahon, hinawakan ko iyon para suriin, nakalagay dito ang pangalan ko na nakasulat sa ginto, dalawang maliliit na pindutan ang nakita ko sa baba, i
