Mas excited pa sa akin si Elle sa pagpunta kina Dustin. Sa wakas daw ay makakarating na siya sa bahay nito.
“Grabe hindi talaga ako makapaniwalang makakapunta ako sa bahay nila. Dati pangarap ko lang ito pero ngayon ay magkakatotoo na nang dahil sa iyo, Janine. Napakasuwerte ko talaga, hindi ako nagkamaling kinaibigan kita.” Sabi niya habang humahagikgik sa kilig.
“Bakit ganyan ang hitsura mo Prim? May problema ba?” Tanong ko kay Prim.
Napansin ko kasing kanina pa siya tahimik at mukhang may malalim na iniisip. Ano kaya ang bagay na iyon na nakapagpapalutang sa isipan niya?
“Nako, excited lang din iyan kasi baka nandoon ang Zavier my love niya!”
“Inaalala ko lang kung magkikita kami doon, siyempre hindi maganda ‘yong huli naming pagkikita. Ayoko lang masira ‘yong gabi niya.”
“S
