CHAPTER 52
Rick
Ang bilis ng panahon. Parang kailan lang, pero hindi ko namalayan na limang taon na pala ang lumipas nang huli kong sinubukang kausapin ang sarili kong konsensya.
Sa salamin ng floor-to-ceiling window ng opisina ko sa Amsterdam, kita ko ang repleksyon ng lalaking halos hindi ko na kilala. Maayos ang suot. Matikas ang tindig. Tahimik ang paligid, pero sa loob ko, may ingay na hindi kailanman nawala.
Rick Daryl Harris.
Iyan ang pangalang kilala ng mundo.
CEO. Investor. Business strategist. Miyembro ng Aegis Group. Iisang eksklusibong samahan ng pinakamakapangyarihang negosyante sa Europ, Asia, at Saudi. Isang tawag lang, bumabagsak ang merkado o umaangat ang kumpanya. Isang pirma lang, milyon ang gumagalaw.
Marami na akong naipundar. Hotels. Shipping lines. Tech startu
