Chapter 66
Ayesha's POV
Hindi ko alam kung tama ba ang naging dinig ko sa sinabi ni Javadd ngunit malinaw kasi ang pagkakabigkas niya. At malinaw ko ring narinig ang tungkol sa mundong ibabaw na sinasabi niya. Tiningnan ko rin kung nagbibiro lang ba siya ngunit nakita ko sa mukha niya nag kaseryosohan. Hindi ko rin naman nahimigan ang pagbibiro nang sabihin niya ang mga iyon.
Sa buong buhay ko ay hindi pa ako nakarinig sa isang Lavitran ng paniniwala nito tungkol sa mundong ibabaw. Ayon sa mga matatandang Lavitran ay totoo ang mundong ibabaw. Mayroong mga nilalang na namumuhay sa mundo namin. Ngunit lahat ng iyon ay haka-haka lamang.
May mga nagsabi na noon daw, ilang daang taon na rin ang nakakalipas ay may ilang Lavitran na raw ang nakarating sa mundong iyon. Ngunit sa paglipas ng pa
