Kabanata 71: Kapahamakan
LABIS ang kaba ni Althea habang inilalabas ang mga tubig dagat sa loob ng bangka. Malaki ang bangka ngunit marami rin ang butas dahil sa tama ng mga bala. Habang nilalabas ang tubig ay kanyang tinatapakan ng tila ang mga butas gamit ang kanyang damit. Pinunit-punit niya ang pang itaas na damit hanggang sa bra nalang ang natira sa kanya. Wala na siyang pamimilian pa, walang ibang magagamit niyang pantapak bukod sa kanyang damit. Naging mahirap sa kanya ang kanyang ginagawa ngunit kailangan niyang bilisan dahil marami pa rin ang tubog na pumapasok. Sobrang layo pa niya sa kabihasnan. Walang ibang bangka na maaaring makatulong sa kanya. Pagod na rin si Althea dagdagan pa sa sobrang init ng araw. Tirik na tirik ito na kumukuha sa kanyang lakas.
“Diyos ko, huwag mo a
