“GUSTO mong sumakay sa Ferris Wheel?” narinig niyang tanong ni Vin kay Francheska na tila ikina-excite naman ng dalaga.
“Mahihiluhin siya, pare,” kontra niya nang hindi sinusulyapan si Francheska.
“Totoo ba iyon?” tanong ni Vin sa katabi. Sumulyap muna sa kaniya ang dalaga at saka bahagyang tumango.
“O-oo eh. Baka nga hindi ko kayanin ang Ferris Wheel,” atubili niyang sagot kahit hindi naman iyon totoo. Gusto niya sanang pasinungalingan ang sinabi ni Steven pero may kung anong hatak ang mga tingin nito sa kaniya. Na parang nagagawa siyang utusan ng mga simpleng tinging iyon.
“Caterpillar na lang o kaya ay Octopus,” sabad ni Tessa.
“Just the same. Mabibilis ang mga iyon. Ang Octopus ay umiikot-ikot at bumabaligtad pa. Baka kun
