“MANANG, hindi na po ako makapaghihintay ng isang Linggo pa. I desperately need a driver kaya ako na po ang bahalang gumawa ng paraan para diyan.”
“Pasensiya ka na, Sir. Nakadisgrasya kasi si David eh. Hindi naman niya sinasadya pero…”
“Ayos lang iyon, Manang. Mabuti nga at habang maaga ay nakita natin ang totoong kulay ng taong iyon. Kaysa naman dito pa siya magnakaw sa pamamahay ko.”
“Eh Sir, hindi naman siya ang nagnakaw. Napagbintangan lang at…”
“Whatever, Manang. Sino nga pala ‘yung binabanggit ninyo kanina na ipapasok na katuwang ninyo? Walang kaso sa akin as long as this person is trustworthy and responsible at hindi kagaya ng magnanakaw na David na ‘yan.” Maasim ang anyong wika ni Steve. Natigilan ang matanda at naudlot ang sasabi
