“SIR, saan po tayo?” Napatingin siya sa rear view mirror nang magtanong si Chiko. Naidlip pala siya at ngayon ay nasa kahabaan na sila ng Edsa. Kahit paano ay nakatulong ang maikling idlip na iyon dahil umaga na nga siyang nakatulog kanina. Marami kasing kliyente nila ng nagdaang taon ay hindi pa nagsa- sign ng contract para sa taong ito at kailangan niyang alamin ang dahilan sa likod niyon.
Magdamag niyang inaral ang profile ng ilang kompanyang kakompetensiya nila. Inalam niya kung ano ang edge ng mga ito at patuloy na nasusulot ang Vesta. Isa iyon sa mga dahilan kung bakit hindi puwedeng wala siyang driver. Malaki rin ang papel ng driver sa kaniya at kumbaga sa babae, personal assistant niya ito. Errand boy na rin kadalasan dahil sa dami ng mga pinaaasikaso niya.
“Shangri-
