ANNALOU
"B-BAKIT mo po ako kilala?" nauutal kong tanong sa may edad na lalaking kaharap ko ngayon. Malawak pa ang pagkakangiti niya sa akin na para bang kilalang-kilala na niya ako.
Naningkit ang mga mata ko habang tinititigan ko siya ng mabuti. Pamilyar siya sa akin pero hindi ko matandaan kung saan ko ba siya nakita.
"Of course I know you. Ikaw ang ampon ng mag-asawang Castillo, am I right?" tanong niya.
Nangunot lalo ang noo ko.
"I'm Attorney Balagtas," pakilala niya. "Attorney Jose Balagtas," dagdag niya pa.
Doon na luminaw sa akin kung saan ko siya nakita. Naalala ko na nagtungo nga siya sa mansyon noong isang araw bago umalis sila Mama patungo sa Dubai.
"A-Ahh, sorry po, hindi kita nakilala agad," hingi ko sa kanya ng paumanhin.
"It's alright, iha. Saglit lang naman kasi tayo
