THIRD PERSON
SOBRANG galit ang nararamdaman ni Marvin sa kaibigan niyang si Steven habang pinagmamasdan ang mukha ni Annalou na ngayon ay mahimbing na natutulog. Hindi mawaglit sa isip niya ang itsura nito kanina nang datnan niya ito sa bahay ni Steven. Hinang-hina ito at magulo ang buhok habang tahimik na umiiyak. Yakap-yakap niya ang kanyang sarili at nanginginig sa takot. Gusto niya pa sana suntukin si Steven habang tulog ito ngunit mas inuna niya si Annalou. Binuhat niya ito at dinala sa sasakyan at diniretso dito sa ospital. Nakatulog ito sa kanyang kotse kaya hindi nito alam ang mga test na pinagawa niya sa doktor para ma-examine ito.
Pagkatapos siyang bigyan ng pain meds ng doktor ay nagtuloy-tuloy na ang tulog nito. Ilang oras na rin itong tulog at ilang oras na rin siyang nandit
