ANNALOU
MABIGAT AT MASAMA ang pakiramdam ko kinabukasan. Ngunit kahit na hindi maganda ang pakiramdam ko'y bumangon pa rin ako at naghanda para sa pagpasok. Mugto ang mga mata ko nang tingnan ko ang sarili sa salamin. Kagabi ay wala akong ginawa kun 'di ang umiyak hanggang sa nakatulog ako. Sinamahan pa nga ako ni Manang dito sa silid ko at hindi ko alam kung ano'ng oras na siya lumabas.
Kagabi ko pa ito tinatanong sa aking sarili, dahil hindi ko alam kung bakit nagagalit sa akin si Steven gayo'ng siya naman ang nagpapunta sa akin doon at pinasundo niya pa ako. Ang akala ko nga ay siya ang pumasok sa hotel room kahapon bago ako nakatulog. Kung bakit naman kasi ako nakatulog, hindi ko tuloy maalala ang mga nangyari. Kung bakit nakahubad na ako paggising ko at bakit wala si Steven doon.
N
