البارت الاول
1025 Words
اتمنى البارت ينال اعجبكم
روايه ( قطار عمر ) البارت الاول
بقلم ✍️ملك فريد لطفى
مريم حليم انا تعبانه.
حليم مالك فيكي ايه.
مريم مش عارفه اظاهر كده شكلي هولد.
حليم بجد ماشاء الله ربنا يقومك بالسلامة طيب قوليلي اعمل ايه.
مريم خد ده رقم الحكيمه كلمها وخاليها تيجي بسرعه.
حليم اتصل بسلمي تجيلك.
مريم لاء مريم لسه عروسه ومتقلقهاش علشان جوزها.
حليم خلاص هروح اكلم الحكيمه وارجعلك ان شاء الله خير يارب.
اللهم يسر ولا تعسر.
مريم قامت تتمشي في الاوضة وفجأه مايه البيبي نزلت،حليم حليم الحقني.
حليم حاضر انا جيلك اهه.
مريم مايه البيبي نزلت الحكيمه قالتلك ايه انا كاني اول مره اولد.
حليم متقلقيش علشان بقالك كتير ماهو حليم عنده كام سنه دلوقتي حوالي خمسه عشر سنه بس خير ان شاء الله.
وقعد يفكرها بكل ولاده ليها من ولاد الولاد التلاته وهو بيمشيها وهي تفتكر وتضحك وتتألم في نفس الوقت، ها هو انت كبرتي ولا ايه.
مريم الظاهر كده انا خايفه اموت واسيبلك المولود اوعي تجيبله مرات اب.
حليم عيب عليكي اعمليها انت وانا هجيبله عروسه صغيره وقمر كده ماانت عارفه زوقي.
مريم انت هتهزر انا قاعده علي قلبك خلاص رجعت في كلامي وهي عماله تتوجع.
جرس الباب رن......
حليم الصغير بابا في واحده علي الباب.
حليم يبني خاليها تدخل اتفضلي يا دكتوره اتفضلي انا هخرج اقف بره لواحتجتي اي حاجه نادي عليا انولهالك.
الحكيمه تمام ايه الشطاره دي ده انت مجهزه كل حاجه برافو عليكي.
مريم اه انت تعبانه اوي قلت اجهزلك الحاجه الهي نفسي بس مايه البيبي نزلت.
الحكيمه ماتقلقيش خلاص ان شاء الله انت هتولدي علي طول البيبي خلاص نازل اهه امايجي طلق اطلقي لتحت.
ومكملوش ربع ساعه وحليم سمع صوت البيبي بيوقوق واء واء واء.
حليم اللهم لك الحمد والشكر يارب ونزل سجد شكر لله اللهم لك الحمد والشكر على نعمك يارب.
حليم الصغير في ايه يا بابا.
حليم جالك اخ او اخت صغيره نعرف بقي ولد ولا بنت ونختار اسم ليه.
حليم الصغير بجد يابابا وحضن باباه بفرحه وحب.
الحكيمه خرجت بعد مانضفت البيبي وغيرت لمريم اتفضل يااستاذ الي جبلك يخليلك.
حليم قوليلي مريم عامله ايه.
الحكيمه زي الفل وولاده سهله الله اكبر عليها الف مبروووك وجبتلك ولد زي القمر شكل اموه عيون ملونه وقمر.
حليم دخل حضن مريم وباس راسها واخد البيبي ورفع اللهم لك الحمد والشكر يارب.اوعي تخلي حد يلعب في دماغك ويقولك انت كبرتي ومين هيربيه ان شاء الله انا وانت نربيه زي ماربينا اخواته ونشوفه احسن راجل في الدنيا.
الحكيمه احم انتوا نسيتوني فرحتكم نسيتكوا اني موجوده ممكن الم حجاتي علشان امشي.
مريم شكرا والله انا تعبتك في وقت متاخر كده حقك عليا.
الحكيمه ده شغلي وانا واخده علي كده ده في ناس بتتعبني واروح واجي عليهم كذا مره ده انت الحمد لله ربنا يسرهالك.
مريم الحمد لله على كل شيء
حليم هقوم اتصل بسلمي افرحها.
مريم اصبر للصبح علشان ميتخدوش.
حليم مش صابر للصبح انا فرحان اوي...
مريم كان نفسي سليم يبقي معايا ويفرح بأخوه.
حليم ان شاء الله يرجع من الجيش بالسلامة ويفرح بأخوه ويملوا عليكي البيت من تاني،عارفه انا اول ما سليم يخلص الجيش انا هجوزه علي طول مش هخليه يقعد علشان اشوف عياله وافرح بأحفادي والعب معاهم ويلعبوا مع عمار.
مريم ياه انت احلامك وصلت لاحفادك كمان هههههههه ربنا يفرحك بأولادك وتفرح باولادهم.
مريم اخدت عمار في حضنها ونامت من تعب الولاده.
حليم شارو لحليم الصغير علشان يقوم بالراحه من غير صوت علشان مايصحيش مريم.
خرجوا بهدوء...
وخد حليم في حضنه ودخلوا ناموا لانهم يعتبروا ماناموش .
حليم نام ونام نوم عميق.....
صحي علي صوت بيبي قام مخضوض ايه الصوت ده وللحظه اهه ده عمار الصغنن الضيف الجديد بتاعنا وقام من جنب حليم الصغير بالراحه وقام خرج راح لمريم لقاها واقفه بعمار بتهدهد عليه وبتبص له وكأنها بتشبع من ملامحه او مش مصدقه انها جالها بيبي بعد خمسه عشر سنه وفرحانه بيه اوي.
حليم مبسوطه بيه.
مريم خضتني صباح الفل.
حليم ماردتيش عليا.
مريم جدا ومش مصدقه نفسي ده احنا قررنا القرار ده ازاي ده حليم عنده خمسه عشر سنه ده احنا جرأه اوي.
حليم ميهمكيش كل الي نفسك فيه انا هحققهولك، انت احلمي بس وانا عليا التحقيق.انا هروح اصلي الصبح وهكلم سلمي بقي انا فرحان وعاوز افرحها معايا.
مريم فرحهم ياحبيبي ربنا يفرحك دايما وتفرح باولاد سلمي.
حليم راح صلي الصبح وكلم سلمي.
سلمى الو ازيك يا بابا ايه يا بابا اوعي تقولي ماما هتولد.
حليم يابنتي اسمعيني الاول انت علي طول متهوره كده اسمعيني الاول.
سلمي اصلك مابتكلمنيش بدري كده.
حليم ماانا قلت اصحيكي علي خبر حلو.
سلمي اوعي تقولي ان ماما ولدت.
حليم ايوا وجابت لك عمار اخر العنقود.
سلمي ياحبيبتي ياماما طيب ماكلمتنيش ليه.
حليم امك مارضيتش تخليني اصحيكي واخضك بالليل هي كويسة تعالي بقي متتأخريش علشان تشوفي اخوكي روحي صح محمد جوزك لشغله ونزليه وتعالي.
سلمي حاضر يا بابا هجيلك علي طول مش هتاخر عليك ان شاء الله.
حليم راح لمريم ممكن بقي تقعدي ترتاحي ماتقفيش كتير علشان متتعبيش وانا هروح اعملك لقمه تفطري بيها واسلقلك فرخه من ايدي.
مريم بابتسامه فرخه انت عمرك ماوقفت في المطبخ هتطبخ ازاي.
حليم انا هفاجأك وهتدوقي احلا اكل من ايدي.
مريم سعيدة علي فرحت حليم خلاص ماشي لما نشوف
حليم جهز الفطار سالق بيض وجايب جبن ومربي وقشطه لم كل الي في التلاجة.
مريم ايه ده كله ياريتني خلفت من زمان علشان اشوف الدلع ده كله.
حليم اي خدمه ادلعي براحتك هو انا ليه غيرك يا ابيض انت ياحلو.
مريم بس ياراجل هواحنا صغيرين للكلام ده.
حليم اه انا لسه صغير عجبك ولا مش عجبك اقعدي يلا علشان ااكلك بأيدي.
مريم كانت بتاكل وباصه لفرحت حليم الي عمرها ماشفتها في اي ولاده من ولادها التانين.
الباب بيخبط.
حليم دي أكيد سلمي.
راح فتح الباب.
تعالي ياسلمي شوفي الضيف الجديد.
سلمي وكاني اول مره اشوف بابا فرحان وسعيد للدرجه دي،
ماما حبيبتي وحضنتها كده يا ماما ماتكلمنيش.
مريم انت لسه عروسه اصحيكي اخضك ليه وبعدين خدي شوفي عمار الحلو الصغنن عقبال ماتجيبي يارب.
سلمي بسم الله ماشاء الله ياماما ده شبهك بالملي ماكنتش متخيله انه بالجمال ده........... استووووووووب
اتمنى البارت يكون عجبكم وعايزه توقعاتكم فى البرتات الجايه وتعليقات كتير علشان انزل البارت الثانى وشكرا لكل واحد شجعنى دومتم سالمين .??
يتبع بقلم #ملك_فريد
- Writer
